1. வாருங்கள், யெகோவாவை மகிழ்ச்சியோடு பாடுவோம்; [QBR2] நம்முடைய இரட்சிப்பின் கன்மலையை சத்தமிட்டுத் துதிப்போம். [QBR]
2. நன்றியுடன் அவர்முன் வருவோம்; [QBR2] இசையினாலும் பாட்டினாலும் அவரைப் புகழ்ந்து உயர்த்துவோம்.
3. யெகோவாவே மகா இறைவனாய் இருக்கிறார்; [QBR2] எல்லாத் தெய்வங்களுக்கும் மேலான மகா அரசருமாய் இருக்கிறார். [QBR]
4. பூமியின் ஆழங்கள் அவருடைய கரத்தில் இருக்கின்றன; [QBR2] மலை உச்சிகளும் அவருக்கே உரியவை. [QBR]
5. கடல் அவருடையது, அவரே அதை உண்டாக்கினார்; [QBR2] வறண்ட நிலத்தையும் அவருடைய கரங்களே உருவாக்கின.
6. வாருங்கள், நம்மை உண்டாக்கின யெகோவாவுக்கு முன்பாக [QBR2] நாம் குனிந்து, பணிந்து, வழிபடுவோம்; [QBR2] நாம் முழங்காலிடுவோம். [QBR]
7. அவரே நம் இறைவன்; [QBR2] நாம் அவருடைய மேய்ச்சலின் மக்களும் [QBR2] அவருடைய பராமரிப்புக்குள்ளான மந்தையுமாய் இருக்கிறோம். இன்று நீங்கள் அவருடைய குரலைக் கேட்பீர்களானால், [QBR]
8. “அன்று மேரிபாவில் விவாதம் செய்தது போலவும், [QBR2] பாலைவனத்திலே மாசாவில் சோதனை செய்தது போலவும், [QBR2] உங்கள் இருதயங்களைக் கடினப்படுத்த வேண்டாம். [QBR]
9. அங்கே உங்கள் முன்னோர்கள் என்னைச் சோதித்தார்கள்; [QBR2] நான் செய்தவைகளைக் கண்டிருந்தும் என்னைப் பரீட்சை பார்த்தார்கள். [QBR]
10. நான் நாற்பது வருடங்களாக அந்தச் சந்ததியோடு கோபமாயிருந்தேன்; [QBR2] ‘அவர்கள் என்னைவிட்டு விலகிப்போகும் இருதயமுள்ள மக்கள் என்றும், [QBR2] என்னுடைய வழிகளை அறியாதவர்கள்’ என்றும் நான் சொன்னேன். [QBR]
11. எனவே கோபங்கொண்டு, [QBR2] ‘அவர்கள் என்னுடைய இளைப்பாறுதலுக்குள் பிரவேசிப்பதில்லை’ என்று, [QBR2] ஆணையிட்டு அறிவித்தேன்.” [PE]