1. அநீதிக்கு பழிவாங்குகிற இறைவனாகிய யெகோவாவே, [QBR2] அநீதிக்கு பழிவாங்குகிற இறைவனே, பிரகாசியும். [QBR]
2. பூமியின் நீதிபதியே, எழுந்தருளும்; [QBR2] பெருமை உள்ளவர்களுக்குத் தக்கபடி பதிலளியும். [QBR]
3. எவ்வளவு காலத்திற்கு யெகோவாவே, கொடியவர்கள், [QBR2] எவ்வளவு காலத்திற்கு கொடியவர்கள் களிகூர்ந்திருப்பார்கள்?
4. அவர்கள் அகங்காரமான வார்த்தைகளைப் பேசுகிறார்கள்; [QBR2] தீமை செய்வோர் யாவரும் பெருமை நிறைந்து பேசுகிறார்கள். [QBR]
5. யெகோவாவே, அவர்கள் உமது மக்களை தாக்குகிறார்கள்; [QBR2] உமது உரிமைச்சொத்தை ஒடுக்குகிறார்கள். [QBR]
6. விதவைகளையும் வேறுநாட்டைச் சேர்ந்தவரையும் அவர்கள் அழிக்கிறார்கள்; [QBR2] அவர்கள் தந்தையற்றவர்களைக் கொலைசெய்கிறார்கள். [QBR]
7. “யெகோவா இவற்றைக் காண்பதில்லை, [QBR2] யாக்கோபின் இறைவன் இவற்றைக் கவனிப்பதில்லை” என்று சொல்கிறார்கள்.
8. மக்கள் மத்தியில் அறிவற்றவர்களாய் இருப்பவர்களே, கவனமாயிருங்கள்; [QBR2] மூடரே, நீங்கள் எப்பொழுது அறிவு பெறுவீர்கள்? [QBR]
9. காதைப் படைத்தவர் கேட்கமாட்டாரோ? [QBR2] கண்ணை உருவாக்கியவர் பார்க்கமாட்டாரோ? [QBR]
10. மக்களைத் தண்டிக்கிறவர் உங்களையும் தண்டிக்கமாட்டாரோ? [QBR2] மனிதருக்குப் போதிக்கிறவர் அறிவில் குறைந்தவரோ? [QBR]
11. மனிதரின் சிந்தனைகளை யெகோவா அறிந்திருக்கிறார்; [QBR2] அவை பயனற்றவை என்பதையும் அவர் அறிவார்.
12. யெகோவாவே, நீர் தண்டித்து, [QBR2] உமது சட்டத்திலிருந்து போதிக்கிற நபர் ஆசீர்வதிக்கப்பட்டவர். [QBR]
13. கொடியவர்களுக்கோ குழிவெட்டப்படும் வரை [QBR2] கஷ்ட நாட்களிலிருந்து அவர்களுக்கு நீர் விடுதலை வழங்குகிறீர். [QBR]
14. ஏனெனில் யெகோவா தமது மக்களைப் புறக்கணிக்கமாட்டார்; [QBR2] தமது உரிமைச்சொத்தை ஒருபோதும் கைவிடமாட்டார். [QBR]
15. நீதியின்மேல் நியாயத்தீர்ப்பு திரும்பவும் கட்டப்படும்; [QBR2] அதை இருதயத்தில் நேர்மையுள்ளோர் அனைவரும் பின்பற்றுவார்கள்.
16. எனக்காக கொடியவனுக்கு விரோதமாய் எழும்புகிறவன் யார்? [QBR2] தீமை செய்வோருக்கு எதிராய் எனக்குத் துணைநிற்பவன் யார்? [QBR]
17. யெகோவா எனக்கு உதவி செய்திருக்காவிட்டால், [QBR2] நான் சீக்கிரமாய் மரணத்தின் மவுனத்தில் குடிகொண்டிருந்திருப்பேன். [QBR]
18. “என் கால் சறுக்குகிறது” என்று நான் சொன்னபோது, [QBR2] யெகோவாவே உமது உடன்படிக்கையின் அன்பே என்னைத் தாங்கியது. [QBR]
19. கவலை எனக்குள் பெரிதாய் இருக்கையில், [QBR2] உமது ஆறுதல் என் ஆத்துமாவுக்கு மகிழ்வைத் தந்தது.
20. தான் பிறப்பிக்கும் விதிமுறைகளினாலேயே துன்பத்தைக் கொண்டுவரும், [QBR2] ஊழல் நிறைந்த ஆட்சியாளர்கள் உமக்கு கூட்டாளிகளாயிருக்க முடியுமோ? [QBR]
21. அந்தக் கொடியவர்கள் நீதிமான்களுக்கு விரோதமாகக் கூட்டங்கூடி, [QBR2] குற்றமற்றவர்களுக்கு மரணத்தீர்ப்பு அளிக்கிறார்கள். [QBR]
22. ஆனால் யெகோவாவோ என் கோட்டையும், [QBR2] நான் தஞ்சமடையும் கன்மலையான என் இறைவனுமானார். [QBR]
23. அவர் அவர்களுடைய பாவங்களுக்காகப் பதில்செய்து, [QBR2] அவர்கள் கொடுமைகளினிமித்தம் அவர்களை தண்டிப்பார்; [QBR2] எங்கள் இறைவனாகிய யெகோவா அவர்களை தண்டிப்பார். [PE]