1. யெகோவாவைத் துதிப்பதும், உன்னதமானவரே, [QBR2] உமது பெயரைப் புகழ்ந்து பாடுவதும் நல்லது. [QBR]
2. காலையிலே உமது அன்பையும் [QBR2] இரவிலே உமது உண்மையையும் அறிவிப்பது நல்லது. [QBR]
3. பத்து நரம்பு வீணையின் இசையினாலும், [QBR2] யாழின் ஓசையினாலும் அதை அறிவிப்பது நல்லது.
4. யெகோவாவே, நீர் உமது செயல்களினால் என்னை மகிழ்ச்சியாக்குகிறீர்; [QBR2] உமது கைகளின் வேலைகளினிமித்தம் நான் மகிழ்ந்து பாடுகிறேன். [QBR]
5. யெகோவாவே, உமது செயல்கள் எவ்வளவு பெரிதானவை, [QBR2] உம்முடைய யோசனைகள் எவ்வளவு ஆழமானவை! [QBR]
6. உணர்வற்ற மனிதன் அறியாததும், [QBR2] மூடர் விளங்கிக்கொள்ளாததும் இதுவே, [QBR]
7. கொடியவர்கள் புல்லைப்போல் முளைத்தாலும், [QBR2] தீங்கு செய்கிறவர்கள் எல்லோரும் செழித்தாலும், [QBR2] என்றென்றைக்கும் அழிந்துபோவார்கள்.
8. ஆனாலும் யெகோவாவே, நீர் என்றென்றுமாய் புகழ்ந்து உயர்த்தப்படுகிறீர்.
9. யெகோவாவே, உமது பகைவர், [QBR2] நிச்சயமாகவே உம்முடைய பகைவர் அழிந்தேபோவார்கள்; [QBR2] தீமை செய்வோர் எல்லோருமே சிதறடிக்கப்படுவார்கள். [QBR]
10. காட்டெருதின் பெலத்தைப்போல் நீர் என் பெலத்தை உயர்த்துவீர்; [QBR2] சிறந்த எண்ணெய் என்மேல் ஊற்றப்பட்டன. [QBR]
11. என் விரோதிகளின் தோல்வியைக் கண்ணாரக் கண்டேன்; [QBR2] என் செவிகள் என் கொடிய எதிரிகள் முறியடிக்கப்படுவதைக் காதாரக் கேட்டேன்.
12. நீதிமான்கள் பனைமரத்தைப்போல் செழிப்பார்கள், [QBR2] அவர்கள் லெபனோனின் கேதுரு மரம்போல் வளர்வார்கள்; [QBR]
13. அவர்கள் யெகோவாவினுடைய வீட்டிலே நாட்டப்பட்டு, [QBR2] நமது இறைவனுடைய ஆலய முற்றங்களில் செழிப்பார்கள். [QBR]
14. அவர்கள் செழுமையும் பசுமையுமாயிருந்து, [QBR2] தங்கள் முதிர்வயதிலும் கனி கொடுப்பார்கள். [QBR]
15. “யெகோவா நீதியுள்ளவர்; அவரே என் கன்மலை; [QBR2] அவரிடத்தில் அநீதி இல்லை” என்று அவர்கள் பிரசித்தப்படுத்துவார்கள். [PE]