1. மகா உன்னதமானவரின் அடைக்கலத்தில் வாழ்கிறவன், [QBR2] எல்லாம் வல்லவரின் நிழலில் இளைப்பாறுவான். [QBR]
2. நான் யெகோவாவைக் குறித்து, “அவரே என் புகலிடம், என் கோட்டை, [QBR2] நான் நம்பியிருக்கிற என் இறைவன்” என்று சொல்வேன்.
3. நிச்சயமாகவே அவர் உன்னை [QBR2] வேடனுடைய கண்ணியிலிருந்தும், [QBR2] கொன்றழிக்கும் கொள்ளைநோயிலிருந்தும் தப்புவிப்பார். [QBR]
4. யெகோவா தமது சிறகுகளால் உன்னை மூடுவார்; [QBR2] அவருடைய சிறகுகளின் கீழே நீ புகலிடம் காண்பாய்; [QBR2] அவருடைய சத்தியம் உனது கேடயமும் கவசமுமாயிருக்கும். [QBR]
5. நீ இரவின் பயங்கரத்திற்கும், [QBR2] பகலில் பறக்கும் அம்புக்கும் பயப்படாதிருப்பாய். [QBR]
6. இருளில் பின்தொடரும் கொள்ளைநோய்க்கும், [QBR2] நடுப்பகலில் பாழாக்கும் கொடிய வாதைக்கும் நீ பயப்படாதிருப்பாய். [QBR]
7. உன் பக்கத்தில் ஆயிரம்பேரும், [QBR2] உன் வலதுபக்கத்தில் பத்தாயிரம்பேரும் வீழ்ந்தாலும், [QBR2] அது உன்னை நெருங்காது. [QBR]
8. உன் கண்களால் மட்டுமே நீ அதைப் பார்த்து, [QBR2] கொடியவர்களுக்கு வரும் தண்டனையைக் காண்பாய்.
9. “யெகோவா எனக்குப் புகலிடம்” என்று நீ சொல்வாயானால், [QBR2] மகா உன்னதமானவரை உனது வாழ்விடமாகக் கொள்வாயானால், [QBR]
10. அப்பொழுது ஒரு தீங்கும் உன்மேல் வராது; [QBR2] கொள்ளைநோய் உன் கூடாரத்தை நெருங்காது. [QBR]
11. அவர் உன் வழிகளிலெல்லாம் உன்னைக் காக்கும்படி, [QBR2] உன்னைக்குறித்து தமது தூதர்களுக்குக் கட்டளையிடுவார்; [QBR]
12. உன் பாதம் கல்லில் மோதாதபடி, [QBR2] அவர்கள் உன்னைத் தங்கள் கரங்களில் தாங்கிக்கொள்வார்கள். [QBR]
13. நீ சிங்கத்தின்மேலும் விரியன்பாம்பின்மேலும் நடப்பாய்; [QBR2] இளஞ்சிங்கத்தையும் பாம்பையும் மிதிப்பாய்.
14. யெகோவா இப்படியாக சொல்கிறார்: [QBR2] “அவன் என்னை நேசிக்கிறபடியால், நான் அவனை விடுவிப்பேன்; [QBR2] அவன் என் பெயரை அறிந்திருக்கிறபடியால், நான் அவனைப் பாதுகாப்பேன். [QBR]
15. அவன் என்னை நோக்கிக் கூப்பிடுவான், நான் அவனுக்குப் பதில் கொடுப்பேன்; [QBR2] துன்பத்தில் நான் அவனோடிருந்து, [QBR2] அவனை விடுவித்து, அவனைக் கனப்படுத்துவேன். [QBR]
16. நீண்ட ஆயுளால் நான் அவனைத் திருப்தியாக்கி, [QBR2] என் இரட்சிப்பை அவனுக்குக் காண்பிப்பேன்.” [PE]