1. இறைவனே, பிற நாட்டு மக்கள் உமது உரிமைச்சொத்தின்மேல் படையெடுத்தார்கள்; [QBR2] அவர்கள் உமது பரிசுத்த ஆலயத்தை அசுத்தப்படுத்திவிட்டார்கள், [QBR2] அவர்கள் எருசலேமை இடித்துக் கற்குவியலாக்கிவிட்டார்கள். [QBR]
2. அவர்கள் உமது பணியாளர்களின் இறந்த உடல்களை [QBR2] ஆகாயத்துப் பறவைகளுக்கு இரையாக்கி, [QBR2] உமது பரிசுத்தவான்களின் சதையை காட்டு மிருகங்களுக்குக் கொடுத்துள்ளார்கள். [QBR]
3. அவர்கள் எருசலேம் முழுவதையும் சுற்றிலும், [QBR2] இரத்தத்தைத் தண்ணீரைப்போல் ஊற்றிவிட்டார்கள்; [QBR2] அங்கு இறந்தோரைப் புதைக்க ஒருவரும் இல்லை. [QBR]
4. நாங்கள் எங்கள் அயலாரின் நிந்தனைக்கும், [QBR2] எங்கள் சுற்றுப்புறத்தாரின் ஏளனத்திற்கும் கேலிக்கும் உரியவர்களாய் இருக்கிறோம்.
5. யெகோவாவே, எதுவரைக்கும் எங்கள்மேல் கோபமாய் இருப்பீர்? [QBR2] எப்பொழுதுமே கோபமாய் இருப்பீரோ? [QBR2] உமது சினம் எவ்வளவு காலத்திற்கு நெருப்பைப்போல் எரியும்? [QBR]
6. உம்மை ஏற்றுக்கொள்ள மறுக்கும் நாடுகள்மேலும், [QBR2] உமது பெயரைச் சொல்லி வழிபடாத [QBR] அரசுகள் மேலும் [QBR2] உமது கடுங்கோபத்தை ஊற்றும். [QBR]
7. ஏனெனில் அவர்கள் யாக்கோபை விழுங்கி, [QBR2] அவனுடைய சொந்த நாட்டை அழித்துப்போட்டார்கள்.
8. எங்கள் முன்னோரின் பாவங்களை எங்களுக்கு விரோதமாய் நினைவில் கொள்ளாதேயும்; [QBR2] உமது இரக்கம் எங்களை விரைவாய் சந்திப்பதாக; [QBR2] ஏனெனில் நாங்கள் மிகவும் தாழ்த்தப்பட்டு இருக்கிறோம். [QBR]
9. எங்கள் இரட்சகராகிய இறைவனே, [QBR2] உமது பெயரின் மகிமையின் நிமித்தம் எங்களுக்கு உதவிசெய்யும்; [QBR] உமது பெயரின் நிமித்தம் [QBR2] எங்களை மீட்டு, எங்கள் பாவங்களை மன்னியும். [QBR]
10. “அவர்களுடைய இறைவன் எங்கே?” [QBR2] என்று பிற நாட்டு மக்கள் ஏன் சொல்லவேண்டும்? சிந்தப்பட்ட உமது ஊழியரின் இரத்தத்திற்காக நீர் பழிவாங்குகிறீர் என்பதை, [QBR2] எங்கள் கண்களுக்கு முன்பாக பிற நாட்டு மக்கள் மத்தியில் தெரியும்படிச் செய்யும். [QBR]
11. சிறைக் கைதிகளின் பெருமூச்சைக் கேளும்; [QBR2] மரணத் தீர்ப்புக்கு உள்ளானவர்களை உமது புயத்தின் பலத்தால் பாதுகாத்துக்கொள்ளும். [QBR]
12. யெகோவாவே, எங்கள் அயலார் உம்மேல் வாரியெறிந்த நிந்தனையை [QBR2] அவர்களுடைய மடியில் ஏழுமடங்காகத் திரும்பக்கொடும். [QBR]
13. அப்பொழுது உமது மக்களும் உமது நிலத்தின் செம்மறியாடுகளுமாகிய நாங்கள் [QBR2] என்றென்றும் உம்மைத் துதிப்போம்; [QBR] தலைமுறை தலைமுறையாக [QBR2] நாங்கள் உமது துதியைச் சொல்வோம். [PE]