1. நிச்சயமாகவே, இருதயத்தில் சுத்தமுள்ள இஸ்ரயேலருக்கு, [QBR2] இறைவன் நல்லவராயிருக்கிறார்.
2. ஆனால் நானோ, என் கால்கள் சறுக்கி, [QBR2] என் காலடிகள் இடறி விழப்போனேன். [QBR]
3. பெருமையுள்ளவர்களைக் குறித்துப் பொறாமை கொண்டேன்; [QBR2] கொடியவர்களின் வளமான வாழ்வை நான் கண்டேன்.
4. அவர்களுக்கு சாகும்வரை வேதனைகளே இல்லை; [QBR2] அவர்களுடைய உடல்கள் ஆரோக்கியமாகவும் பலமாகவும் இருக்கின்றன. [QBR]
5. அவர்கள் சாதாரண மனிதர்களைப்போல துன்பப்படுவதில்லை; [QBR2] மனிதருக்கு வரும் நோய்களினாலும் அவர்கள் பீடிக்கப்படுவதில்லை. [QBR]
6. ஆதலால் பெருமை அவர்களுடைய கழுத்துச் சங்கிலியாய் இருக்கிறது; [QBR2] அவர்கள் வன்முறையை உடையாகக் கொண்டிருக்கிறார்கள். [QBR]
7. அவர்களுடைய இருதயம் கொழுப்பினால் புடைத்து அநியாயம் வெளியே வருகிறது; [QBR2] அவர்கள் மனதிலிருந்து எழும் தீமையான எண்ணங்களுக்கு அளவேயில்லை. [QBR]
8. அவர்கள் ஏளனம் செய்து, தீமையானதைப் பேசுகிறார்கள்; [QBR2] அகங்காரத்தில் ஒடுக்கப்போவதாகப் பயமுறுத்துகிறார்கள். [QBR]
9. அவர்களுடைய வாயின் வார்த்தைகள் வானமட்டும் எட்டுகிறது; [QBR2] அவர்களுடைய நாவின் சொற்கள் பூமியெங்கும் சுற்றித்திரிகிறது. [QBR]
10. ஆகையால் மக்களும் அவர்களிடமாய்த் திரும்பி, [QBR2] அவர்களின் சொற்களைத் தண்ணீரைப்போல் குடிக்கிறார்கள். [QBR]
11. அவர்கள், “இறைவன் எப்படி அறிவார்? [QBR2] மகா உன்னதமானவருக்கு இவற்றைப் பற்றிய அறிவு உண்டோ?” என்கிறார்கள்.
12. கொடியவர்கள் எப்பொழுதும் சிந்தனை அற்றவர்களாகவும், [QBR2] செல்வத்தினால் பெருகுகிறவர்களாகவும் இருக்கிறார்கள்.
13. உண்மையில், நான் வீணாகவே என் இருதயத்தைச் சுத்தமாக வைத்துக்கொண்டேன்; [QBR2] வீணாகவே குற்றமற்றவனாய் என் கைகளைக் கழுவிக் கொண்டேன். [QBR]
14. நாளெல்லாம் நான் பாதிக்கப்பட்டேன்; [QBR2] காலைதோறும் நான் கண்டிக்கப்பட்டேன்.
15. இவ்வாறு பேசியிருந்தால், [QBR2] நான் உமது பிள்ளைகளுக்கு துரோகம் செய்திருப்பேன். [QBR]
16. இவற்றையெல்லாம் விளங்கிக்கொள்ள நான் முயன்றபோது, [QBR2] அது எனக்குக் கடினமாய் இருந்தது. [QBR]
17. ஆனால் நான் இறைவனின் பரிசுத்த இடத்திற்குள் நுழைந்த பின்புதான், [QBR2] நான் அவர்களுடைய இறுதிமுடிவை அறிந்துகொண்டேன்.
18. நிச்சயமாகவே, நீர் அவர்களைச் சறுக்கலான நிலத்தில் நிறுத்துகிறீர்; [QBR2] நீர் அவர்களை சேதமடைந்து போகவிடுகிறீர். [QBR]
19. அவர்கள் சீக்கிரமாய் அழிந்துபோகிறார்கள்; [QBR2] திடீரென வரும் பயங்கரங்களால் முழுமையாக அழிந்துபோகிறார்கள்! [QBR]
20. விழித்தெழுகிறவனின் கனவு கலைவதுபோல், [QBR2] யெகோவாவே, நீர் எழும்பும்போது, [QBR2] அவர்களை கற்பனைக் காட்சியென்று இகழ்வீர்.
21. என் இருதயம் கசந்தது, [QBR2] என் உள்ளம் குத்தப்பட்டது. [QBR]
22. நான் ஒன்றும் அறியாத மூடனானேன்; [QBR2] நான் உமக்கு முன்பாக விலங்கைப்போல நடந்துகொண்டேன்.
23. ஆனாலும், நான் எப்பொழுதும் உம்முடனே இருக்கிறேன்; [QBR2] நீர் என் வலதுகையை பிடித்துக்கொள்கிறீர். [QBR]
24. நீர் உமது ஆலோசனையினால் எனக்கு வழிகாட்டுகிறீர்; [QBR2] பின்பு நீர் என்னை உமது மகிமைக்குள் எடுத்துக்கொள்வீர். [QBR]
25. பரலோகத்தில் உம்மையன்றி எனக்கு யார் உண்டு? [QBR2] பூமியிலும் உம்மைத்தவிர எனக்கு வேறொரு விருப்பமில்லை. [QBR]
26. என் உடலும் உள்ளமும் சோர்ந்துபோயிற்று; [QBR2] ஆனால் இறைவனே என்றென்றைக்கும் நீரே என் இருதயத்தின் பெலனும் [QBR2] எனக்குரியவருமாய் இருக்கிறார்.
27. உம்மைவிட்டுத் தூரமாகிறவர்கள் அழிவார்கள்; [QBR2] உமக்கு உண்மையற்றவர்களை நீர் தண்டிப்பீர். [QBR]
28. ஆனால் என்னைப் பொறுத்தவரை, இறைவனுக்கு அருகில் இருப்பதே எனக்கு நலம்; [QBR2] ஆண்டவராகிய யெகோவாவை நான் என் புகலிடமாக்கிக் கொண்டேன்; [QBR2] உமது செயல்களையெல்லாம் நான் விவரிப்பேன். [PE]