1. [QS]இறைவனே, என்னைக் காப்பாற்றும்; [QE][QS2]வெள்ளம் என் கழுத்துமட்டும் வந்துவிட்டது. [QE]
2. [QS]கால் ஊன்ற முடியாத சேறு நிறைந்த ஆழங்களில் நான் அமிழ்ந்திருக்கிறேன்; [QE][QS2]ஆழமான வெள்ளத்தில் [QE][QS]நான் அகப்பட்டு விட்டேன்; [QE][QS2]வெள்ளம் என்னை மூடுகிறது. [QE]
3. [QS]சத்தமிட்டுக் கூப்பிட்டு நான் களைத்துப் போனேன்; [QE][QS2]என் தொண்டையும் வறண்டுபோயிற்று; [QE][QS]என் இறைவனைத் தேடி [QE][QS2]என் கண்கள் மங்கிப்போயின. [QE]
4. [QS]காரணம் இல்லாமல் என்னை வெறுக்கிறவர்கள் [QE][QS2]என் தலைமுடியைவிட அதிகமாய் இருக்கிறார்கள்; [QE][QS]அநேகர் காரணமில்லாமல் எனக்குப் பகைவர்களாய் இருக்கிறார்கள்; [QE][QS2]அவர்கள் என்னை அழிக்கத் தேடுகிறார்கள். [QE][QS]நான் திருடாததைத் திருப்பிக் கொடுக்க [QE][QS2]கட்டாயப்படுத்தப்படுகிறேன். [QE][PBR]
5. [QS]இறைவனே, என் புத்தியீனத்தை நீர் அறிந்திருக்கிறீர்; [QE][QS2]என் குற்றம் உமக்கு மறைக்கப்பட்டிருக்கவில்லை. [QE][PBR]
6. [QS]சேனைகளின் யெகோவாவாகிய ஆண்டவரே, [QE][QS2]உமக்காகக் காத்திருக்கிறவர்கள் [QE][QS2]என் நிமித்தம் அவமானம் அடையாதிருப்பார்களாக; [QE][QS]இஸ்ரயேலின் இறைவனே, [QE][QS2]உம்மைத் தேடுகிறவர்கள் [QE][QS2]என் நிமித்தம் வெட்கம் அடையாதிருப்பார்களாக. [QE]
7. [QS]உமக்காக நான் நிந்தையை சகித்திருக்கிறேன்; [QE][QS2]வெட்கம் என் முகத்தை மூடியிருக்கிறது [QE]
8. [QS]நான் என் சகோதரர்களுக்கு வேறுநாட்டைச் சேர்ந்தவனாகவும் [QE][QS2]என் சொந்தத் தாயின் மகன்களுக்கு அறியாதவனாகவும் இருக்கிறேன். [QE]
9. [QS]ஏனெனில் உமது ஆலயத்தைப் பற்றிய வைராக்கியம் என்னை எரித்துவிடுகிறது; [QE][QS2]உம்மை இகழ்கிறவர்களின் இகழ்ச்சி என்மேல் விழுகிறது. [QE]
10. [QS]நான் அழுது உபவாசித்தபோது, [QE][QS2]அவர்கள் என்னை நிந்தித்தார்கள். [QE]
11. [QS]நான் துக்கவுடை உடுத்தும் போது, [QE][QS2]அவர்களுக்குப் பழமொழியானேன். [QE]
12. [QS]நகர வாசலில் அமர்ந்திருக்கிறவர்கள் என்னைப் பரிகாசம் செய்கிறார்கள்; [QE][QS2]நான் குடிகாரரின் பாடலாக இருக்கிறேன். [QE][PBR]
13. [QS]ஆனாலும் யெகோவாவே, உம்முடைய தயவின் காலத்திலே, [QE][QS2]நான் உம்மை நோக்கி மன்றாடுகிறேன்; [QE][QS]இறைவனே, உமது உடன்படிக்கையின் அன்பினிமித்தம் [QE][QS2]நிச்சயமான உமது மீட்பைத் தந்து பதிலளியும். [QE]
14. [QS]சேற்றிலிருந்து என்னைத் தப்புவியும், [QE][QS2]என்னை மூழ்கிப்போக விடாதேயும்; [QE][QS]என்னை வெறுக்கிறவர்களிடம் இருந்தும் [QE][QS2]ஆழ்கடலினின்றும் என்னை விடுவியும். [QE]
15. [QS]வெள்ளப்பெருக்கு என்னை மூடிக்கொள்ள விடாதேயும்; [QE][QS2]ஆழங்கள் என்னை விழுங்க விடாதேயும்; [QE][QS2]சவக்குழி என்மீது தன் வாயை மூடிக்கொள்ள விடாதேயும். [QE][PBR]
16. [QS]யெகோவாவே, எனக்குப் பதில் தாரும், உமது உடன்படிக்கையின் அன்பு நல்லது; [QE][QS2]உமது பெரிதான இரக்கத்தால் என்னிடம் திரும்பும். [QE]
17. [QS]உமது முகத்தை அடியேனுக்கு மறையாதிரும், [QE][QS2]விரைவாய் எனக்குப் பதில் தாரும்; நான் துயரத்தில் இருக்கிறேன். [QE]
18. [QS]என்னருகே வந்து என்னைத் தப்புவியும்; [QE][QS2]என் பகைவரிடமிருந்து என்னை மீட்டுக்கொள்ளும். [QE][PBR]
19. [QS]என் நிந்தையும் என் அவமானமும் என் இழிவும் உமக்குத் தெரியும்; [QE][QS2]என் பகைவர் எல்லோருமே உமக்கு முன்பாக இருக்கிறார்கள். [QE]
20. [QS]நிந்தை என் உள்ளத்தை நொறுக்கியதால் [QE][QS2]நான் களைத்துப் போனேன். [QE][QS]நான் அனுதாபத்தைத் தேடினேன், அது கிடைக்கவில்லை; [QE][QS2]ஆறுதல்படுத்துகிறவர்களைத் தேடினேன், ஆனால் ஒருவரையும் நான் காணவில்லை. [QE]
21. [QS]அவர்கள் என் உணவில் கசப்பான நஞ்சைக் கொடுத்தார்கள்; [QE][QS2]என் தாகத்துக்குக் குடிக்க எனக்கு காடியைக் கொடுத்தார்கள். [QE][PBR]
22. [QS]அவர்களுடைய பந்தி அவர்களுக்குக் கண்ணியும் [QE][QS2]அவர்களுடைய செல்வம் அவர்களுக்குப் பொறியாயும் இருப்பதாக. [QE]
23. [QS]அவர்கள் பார்க்க முடியாதபடி அவர்களுடைய கண்கள் இருளடையட்டும், [QE][QS2]அவர்களுடைய முதுகுகள் என்றென்றுமாக கூனிப்போகட்டும். [QE]
24. [QS]உமது கடுங்கோபத்தை அவர்கள்மேல் ஊற்றும்; [QE][QS2]உமது சினம் அவர்களைப் பின்தொடர்வதாக. [QE]
25. [QS]அவர்களுடைய இருப்பிடங்கள் பாழடைவதாக; [QE][QS2]அவர்களுடைய கூடாரங்களில் யாரும் குடியேறாதிருப்பார்களாக. [QE]
26. [QS]ஏனெனில் நீர் அடித்தவர்களை அவர்கள் துன்புறுத்தி, [QE][QS2]நீர் காயப்படுத்தியவர்களின் வேதனையைக் குறித்து தூற்றிப் பேசுகிறார்கள். [QE]
27. [QS]அவர்களுடைய அநீதியின்மேல் அநீதியை சுமத்தும்; [QE][QS2]அவர்கள் உமது இரட்சிப்பில் பங்குபெற இடமளியாதேயும். [QE]
28. [QS]வாழ்வின் புத்தகத்திலிருந்து அவர்கள் நீக்கப்பட்டுப் போவார்களாக; [QE][QS2]நீதிமான்களின் பெயர்ப்பட்டியலில் அவர்கள் சேர்க்கப்படாதிருப்பார்களாக. [QE][PBR]
29. [QS]நான் வருத்தத்திலும் துன்பத்திலும் இருக்கிறேன்; [QE][QS2]இறைவனே, உமது இரட்சிப்பு என்னைப் பாதுகாப்பதாக. [QE][PBR]
30. [QS]நான் இறைவனுடைய பெயரைப் பாட்டினால் துதித்து, [QE][QS2]நன்றி செலுத்தி அவரை மகிமைப்படுத்துவேன். [QE]
31. [QS]காணிக்கையாகக் கொடுக்கும் [QE][QS2]கொம்பும், விரிகுளம்புமுள்ள காளை எருதைவிட, [QE][QS2]மகிமைப்படுத்துவதே யெகோவாவுக்கு அதிக மகிழ்வைக் கொடுக்கும். [QE]
32. [QS]இதைக்கண்டு ஏழைகள் மகிழ்ச்சியடைவார்கள்; [QE][QS2]இறைவனைத் தேடுகிறவர்களே, உங்கள் இருதயம் வாழ்வடைவதாக! [QE]
33. [QS]யெகோவா தேவையுள்ளோருக்குச் செவிகொடுக்கிறார்; [QE][QS2]சிறைப்பட்ட தமது மக்களை அவர் இழிவாகக் கருதுவதில்லை. [QE][PBR]
34. [QS]வானமும் பூமியும் அவரைத் துதிக்கட்டும்; [QE][QS2]கடலும் அவற்றில் வாழும் அனைத்தும் அவரைத் துதிக்கட்டும். [QE]
35. [QS]இறைவன் சீயோனை மீட்டு, [QE][QS2]யூதாவின் பட்டணங்களை மீண்டும் கட்டுவார்; [QE][QS]அப்பொழுது அவருடைய மக்கள் அங்கே குடியிருந்து அதை உரிமையாக்கிக்கொள்வார்கள். [QE]
[QS2]36. அவருடைய பணியாளரின் பிள்ளைகள் அதை உரிமைச்சொத்தாகப் பெறுவார்கள்; [QE][QS2]அவருடைய பெயரை நேசிக்கிறவர்கள் அங்கே குடியிருப்பார்கள். [QE]