1. {கம்பியிசைக் கருவிகளுடன் செமினீத் என்னும் இராகத்தில் வாசிக்க இசைக்குழுத் தலைவனுக்கு ஒப்புவிக்கப்பட்ட தாவீதின் சங்கீதம்} [PS] யெகோவாவே, உமது கோபத்தில் என்னைக் கண்டியாதேயும்; [QBR2] உம்முடைய கடுங்கோபத்தில் என்னைத் தண்டியாதேயும்; [QBR]
2. யெகோவாவே, நான் சோர்ந்துபோகிறேன், என்னில் இரக்கமாயிரும்; [QBR2] யெகோவாவே, என் எலும்புகள் வேதனைக்குள்ளாகி இருக்கின்றன, என்னைக் குணமாக்கும். [QBR]
3. என் ஆத்துமா துயரத்துக்குள்ளாகி இருக்கிறது. [QBR2] எவ்வளவு காலத்திற்கு யெகோவாவே, இது எவ்வளவு காலத்திற்கு?
4. யெகோவாவே, என் பக்கமாய்த் திரும்பி என்னை விடுவியும்; [QBR2] உமது உடன்படிக்கையின் அன்பினிமித்தம் என்னைக் காப்பாற்றும். [QBR]
5. இறந்தவர்களில் ஒருவரும் உம்மை நினைவுகூர்வதில்லை. [QBR2] பிரேதக் குழியிலிருந்து உம்மைத் துதிக்கிறவன் யார்?
6. நான் கலங்கியே இளைத்துப் போனேன். இரவு முழுவதும் என் அழுகையின் வெள்ளத்தால் நான் என் படுக்கையை நிரப்பி, [QBR2] நான் அதைக் கண்ணீரால் நனைக்கிறேன். [QBR]
7. என் கண்கள் துக்கத்தால் பெலவீனமடைகின்றன; [QBR2] என் எல்லா பகைவரின் நிமித்தம் அவைகள் மங்குகின்றன.
8. அக்கிரம செய்கைக்காரர்களே, நீங்கள் எல்லோரும் என்னைவிட்டு அகன்றுபோங்கள்; [QBR2] ஏனெனில் யெகோவா என் அழுகையைக் கேட்டிருக்கிறார். [QBR]
9. இரக்கத்திற்கான என் கதறலை யெகோவா கேட்டார்; [QBR2] யெகோவா என் மன்றாட்டை ஏற்றுக்கொள்வார். [QBR]
10. என்னுடைய எல்லா எதிரிகளும் வெட்கப்பட்டு மனச்சோர்வு அடைவார்கள்; [QBR2] அவர்கள் பின்னிட்டுத் திரும்பி திடீரென வெட்கப்பட்டுப் போவார்கள். [PE]