1. ஆளுநர்களே, உண்மையிலேயே நீங்கள் நீதியைத்தான் பேசுகிறீர்களோ? [QBR2] மனிதர் மத்தியில் நியாயமாய்த் தீர்ப்பு செய்கிறீர்களோ? [QBR]
2. இல்லை, நீங்கள் உங்கள் இருதயத்தில் அநீதியையே திட்டமிடுகிறீர்கள்; [QBR2] உங்கள் கைகள் பூமியின்மேல் வன்முறையைப் பரப்புகிறது.
3. கொடியவர்கள் பிறப்பிலிருந்தே வழிதப்பிப் போகிறார்கள்; [QBR2] அவர்கள் கர்ப்பத்திலிருந்தே பொய்களைப் பேசுகிறார்கள். [QBR]
4. அவர்களுடைய நச்சுத்தன்மை ஒரு பாம்பின் நஞ்சைப்போல் இருக்கிறது; [QBR2] அவர்கள் காதை அடைத்துக்கொள்கிற செவிட்டு நாகம்போல இருக்கிறார்கள். [QBR]
5. இந்த நாகபாம்போ, பாம்பாட்டி எவ்வளவு திறமையாய் ஊதினாலும் [QBR2] அவனுடைய இசைக்குக் கவனம் செலுத்தாது.
6. இறைவனே, அவர்களுடைய வாயிலுள்ள பற்களை உடைத்துப்போடும்; [QBR2] யெகோவாவே, அந்த சிங்கங்களின் கடைவாய்ப் பற்களைப் பிடுங்கிப்போடும். [QBR]
7. ஓடிப்போகும் தண்ணீரைப்போல, அவர்கள் மறைந்துபோகட்டும்; [QBR2] அவர்கள் தங்கள் வில்லை இழுக்கும்போது, அவர்களுடைய அம்புகள் முறிந்து போகட்டும். [QBR]
8. நகரும்போதே கரைந்து போகும் நத்தையைப்போல, அவர்கள் மறைந்துபோகட்டும்; [QBR2] ஒரு பெண்ணின் வயிற்றில் சிதைந்த கருவைப்போல, [QBR2] சூரியனை அவர்கள் பார்க்காமல் போகட்டும்.
9. முட்செடிகள் எரிந்து பானை அதின் சூட்டை உணருவதற்கு முன்பதாகவே, [QBR2] பச்சையானதையும் எரிந்துபோனதையும் சுழற்காற்று வாரியதைப்போல [QBR2] கொடியவர்களை வாரிக்கொள்ளும். [QBR]
10. அவர்கள் பழிவாங்கப்படும்போது நீதிமான்கள் மகிழ்வார்கள்; [QBR2] கொடியவர்களின் உயிர் நீதிமான்களின் பாதபடியில் இருக்கும். [QBR]
11. அப்பொழுது மனிதர், [QBR2] “நிச்சயமாகவே நீதிமான்களுக்கு வெற்றி உண்டென்றும் [QBR2] பூமியை நியாயந்தீர்க்கும் இறைவன் உண்டு” என்றும் சொல்வார்கள். [PE]