1. [QS]ஆளுநர்களே, உண்மையிலேயே நீங்கள் நீதியைத்தான் பேசுகிறீர்களோ? [QE][QS2]மனிதர் மத்தியில் நியாயமாய்த் தீர்ப்பு செய்கிறீர்களோ? [QE]
2. [QS]இல்லை, நீங்கள் உங்கள் இருதயத்தில் அநீதியையே திட்டமிடுகிறீர்கள்; [QE][QS2]உங்கள் கைகள் பூமியின்மேல் வன்முறையைப் பரப்புகிறது. [QE][PBR]
3. [QS]கொடியவர்கள் பிறப்பிலிருந்தே வழிதப்பிப் போகிறார்கள்; [QE][QS2]அவர்கள் கர்ப்பத்திலிருந்தே பொய்களைப் பேசுகிறார்கள். [QE]
4. [QS]அவர்களுடைய நச்சுத்தன்மை ஒரு பாம்பின் நஞ்சைப்போல் இருக்கிறது; [QE][QS2]அவர்கள் காதை அடைத்துக்கொள்கிற செவிட்டு நாகம்போல இருக்கிறார்கள். [QE]
5. [QS]இந்த நாகபாம்போ, பாம்பாட்டி எவ்வளவு திறமையாய் ஊதினாலும் [QE][QS2]அவனுடைய இசைக்குக் கவனம் செலுத்தாது. [QE][PBR]
6. [QS]இறைவனே, அவர்களுடைய வாயிலுள்ள பற்களை உடைத்துப்போடும்; [QE][QS2]யெகோவாவே, அந்த சிங்கங்களின் கடைவாய்ப் பற்களைப் பிடுங்கிப்போடும். [QE]
7. [QS]ஓடிப்போகும் தண்ணீரைப்போல, அவர்கள் மறைந்துபோகட்டும்; [QE][QS2]அவர்கள் தங்கள் வில்லை இழுக்கும்போது, அவர்களுடைய அம்புகள் முறிந்து போகட்டும். [QE]
8. [QS]நகரும்போதே கரைந்து போகும் நத்தையைப்போல, அவர்கள் மறைந்துபோகட்டும்; [QE][QS2]ஒரு பெண்ணின் வயிற்றில் சிதைந்த கருவைப்போல, [QE][QS2]சூரியனை அவர்கள் பார்க்காமல் போகட்டும். [QE][PBR]
9. [QS]முட்செடிகள் எரிந்து பானை அதின் சூட்டை உணருவதற்கு முன்பதாகவே, [QE][QS2]பச்சையானதையும் எரிந்துபோனதையும் சுழற்காற்று வாரியதைப்போல [QE][QS2]கொடியவர்களை வாரிக்கொள்ளும். [QE]
10. [QS]அவர்கள் பழிவாங்கப்படும்போது நீதிமான்கள் மகிழ்வார்கள்; [QE][QS2]கொடியவர்களின் உயிர் நீதிமான்களின் பாதபடியில் இருக்கும். [QE]
11. [QS]அப்பொழுது மனிதர், [QE][QS2]“நிச்சயமாகவே நீதிமான்களுக்கு வெற்றி உண்டென்றும் [QE][QS2]பூமியை நியாயந்தீர்க்கும் இறைவன் உண்டு” என்றும் சொல்வார்கள். [QE]