1. [QS]இறைவனே, வெகுகாலத்திற்குமுன் [QE][QS2]எங்கள் முன்னோர்களின் நாட்களில் நீர் செய்தவற்றை [QE][QS]அவர்கள் எங்களுக்குச் சொன்னார்கள்; [QE][QS2]அவற்றை நாங்கள் எங்கள் காதுகளால் கேட்டிருக்கிறோம். [QE]
2. [QS]நீர் உமது கரத்தால் நாடுகளை வெளியே துரத்தி, [QE][QS2]எங்கள் முன்னோர்களைக் குடியமர்த்தினீர்; [QE][QS]நீர் அந்நாட்டினரை தண்டித்து, [QE][QS2]எங்கள் முன்னோரைச் செழிக்கப் பண்ணினீர். [QE]
3. [QS]அவர்கள் தங்கள் வாளினால் நாட்டை உடைமையாக்கவும் இல்லை, [QE][QS2]அவர்களுடைய புயத்தால் அவர்கள் வெற்றிகொள்ளவும் இல்லை; [QE][QS]நீர் அவர்களில் பிரியம் கொள்வதினால் உமது வலதுகரமும் உமது வலிய புயமும் [QE][QS2]உமது முகத்தின் ஒளியுமே வெற்றிகொள்ளச் செய்தது. [QE][PBR]
4. [QS]இறைவனே, நீரே என் அரசன்; [QE][QS2]யாக்கோபுக்கு வெற்றியைக் கட்டளையிடுகிறவர் நீரே. [QE]
5. [QS]உம்மாலே நாங்கள் எங்கள் பகைவர்களை விழத்தள்ளி, [QE][QS2]உமது பெயராலே எங்கள் எதிரிகளை மிதிப்போம். [QE]
6. [QS]என் வில்லிலே நான் நம்பிக்கை வைக்கிறதில்லை, [QE][QS2]என் வாள் வெற்றியைக் கொடுப்பதில்லை; [QE]
7. [QS]ஆனால் நீரே எங்கள் பகைவர்கள்மீது வெற்றியைக் கொடுத்து, [QE][QS2]எங்கள் விரோதிகளை வெட்கப்படுத்துகிறீர். [QE]
8. [QS]நாங்களோ நாள்தோறும் இறைவனிலேயே பெருமை பாராட்டுகிறோம்; [QE][QS2]நாங்கள் உமது பெயரை என்றென்றும் துதிப்போம். [QE][PBR]
9. [QS]இப்பொழுதோ நீர் எங்களைப் புறக்கணித்து, சிறுமைப்படுத்திவிட்டீர்; [QE][QS2]நீர் எங்கள் இராணுவத்துடன் செல்வதுமில்லை. [QE]
10. [QS]எங்கள் பகைவருக்கு முன்பாக எங்களைப் பின்வாங்கச் செய்தீர்; [QE][QS2]எங்கள் விரோதிகள் எங்களைச் சூறையாடி விட்டார்கள். [QE]
11. [QS]செம்மறியாடுகளைப்போல் நீர் எங்களை இரையாகக் விட்டுக்கொடுத்தீர்; [QE][QS2]நாடுகளுக்கு மத்தியில் எங்களைச் சிதறடித்தீர். [QE]
12. [QS]நீர் உமது மக்களை மலிவாக விற்றுப் போட்டீர்; [QE][QS2]அவர்களை எவ்வித இலாபமுமின்றி விற்றுப்போட்டீரே. [QE][PBR]
13. [QS]எங்கள் அயலவருக்கு எங்களை ஒரு நிந்தையாக்கி விட்டீர்; [QE][QS2]எங்களைச் சுற்றி இருக்கிறவர்களுக்கு எங்களை இகழ்ச்சியும் ஏளனமும் ஆக்கினீர். [QE]
14. [QS]நீர் எங்களைப் நாடுகளுக்கு நடுவில் ஒரு பழமொழியாக ஆக்கினீர்; [QE][QS2]மக்கள் கூட்டம் எங்களைப் பார்த்து ஏளனமாய்த் தங்கள் தலையை அசைக்கிறார்கள். [QE]
15. [QS]நாள்தோறும் நான் அவமானத்தில் வாழ்கிறேன்; [QE][QS2]என் முகம் வெட்கத்தினால் மூடப்பட்டிருக்கிறது. [QE]
16. [QS]என்னை நிந்தித்துத் தூஷித்து பழிவாங்கத் துடிக்கும் [QE][QS2]பகைவர்களின் நிந்தனைகளினாலேயே வெட்கப்படுகிறேன். [QE][PBR]
17. [QS]நாங்கள் உம்மை மறவாமல் இருந்தோம்; [QE][QS2]உமது உடன்படிக்கைக்கு உண்மையுள்ளவர்களாய் இருந்தோம்; [QE][QS2]ஆனாலும், இவையெல்லாம் எங்களுக்கு நடந்தன. [QE]
18. [QS]எங்கள் இருதயம் பின்வாங்கவுமில்லை, [QE][QS2]எங்கள் பாதங்கள் உமது வழியைவிட்டு விலகவுமில்லை. [QE]
19. [QS]ஆனாலும் நீர் எங்களை இடித்து, எங்கள் இடங்களை நரிகளின் உறைவிடமாக்கினீர்; [QE][QS2]காரிருளினால் எங்களை மூடினீர். [QE][PBR]
20. [QS]எங்கள் இறைவனின் பெயரை நாங்கள் மறந்திருந்தால், [QE][QS2]அல்லது வேறுநாட்டின் தெய்வமல்லாததை நோக்கி எங்கள் கைகளை நீட்டியிருந்தால், [QE]
21. [QS]இறைவன் அதைக் கண்டுபிடியாமல் இருந்திருப்பாரோ? [QE][QS2]அவர் இருதயத்தின் இரகசியங்களை அறிகிறவராய் இருக்கிறாரே. [QE]
22. [QS]ஆனாலும் உமக்காகவே நாங்கள் நாள்முழுதும் மரணத்தை சந்திக்கிறோம்; [QE][QS2]அடித்துக் கொல்லப்பட இருக்கும் செம்மறியாடுகளைப்போல் எண்ணப்படுகிறோம். [QE][PBR]
23. [QS]யெகோவாவே, எழுந்தருளும்! ஏன் நித்திரை செய்கிறீர்? [QE][QS2]விழித்துக்கொள்ளும்! எங்களை என்றென்றும் புறக்கணியாதேயும். [QE]
24. [QS]நீர் ஏன் உமது முகத்தை மறைத்து, [QE][QS2]எங்கள் துன்பத்தையும் நாங்கள் ஒடுக்கப்படுவதையும் மறந்துவிடுகிறீர்? [QE][PBR]
25. [QS]நாங்கள் தூசியில் தள்ளப்பட்டிருக்கிறோம்; [QE][QS2]எங்கள் உடல்கள் தரையோடு ஒட்டியிருக்கிறது. [QE]
26. [QS]நீர் எழுந்து எங்களுக்கு உதவிசெய்யும்; [QE][QS2]உமது உடன்படிக்கையின் அன்பினால் எங்களை மீட்டுக்கொள்ளும். [QE]