1. தீயவர்களைக் குறித்து பதற்றமடையாதே; [QBR2] அநியாயம் செய்பவர்கள்மேல் பொறாமை கொள்ளாதே. [QBR]
2. ஏனெனில் அவர்கள் புல்லைப்போல் விரைவாய் உலர்ந்து போவார்கள்; [QBR2] பச்சைத் தாவரத்தைப்போல் விரைவில் வாடிப்போவார்கள்.
3. யெகோவாவிடம் நம்பிக்கையாயிருந்து நன்மைசெய்; [QBR2] நாட்டில் குடியிருந்து, பாதுகாப்பாய் மேய்ச்சலில் மகிழ்ந்திரு. [QBR]
4. யெகோவாவிடம் மனமகிழ்ச்சியாயிரு, [QBR2] அப்பொழுது அவர் உன் இருதயத்தின் வாஞ்சைகளை உனக்குத் தருவார்.
5. யெகோவாவிடம் உன் வழியை ஒப்புவி; [QBR2] அவரில் நம்பிக்கையாயிரு, அப்பொழுது அவர் உனக்காக இவைகளைச் செய்வார். [QBR]
6. அவர் உன் நீதியை காலை வெளிச்சத்தைப் போலவும், [QBR2] உன் நியாயத்தை பட்டப்பகலைப் போலவும் ஒளிரச் செய்வார்.
7. யெகோவாவுக்கு முன்பாக அமைதியாய் இருந்து, [QBR2] அவருக்காகப் பொறுமையுடன் காத்திரு; [QBR] மனிதர் தங்கள் வழிகளில் வெற்றி காணும்போதும் [QBR2] அவர்கள் தங்கள் பொல்லாத திட்டங்களைச் செயல்படுத்தும்போதும் நீ பதற்றமடையாதே.
8. கோபத்தை அடக்கு, கடுங்கோபத்தை விட்டுவிலகு; [QBR2] பதற்றமடையாதே; அது உன்னைத் தீமைக்கு மட்டுமே வழிநடத்தும். [QBR]
9. ஏனெனில், தீயவர் முற்றிலும் அழிந்துபோவார்கள்; [QBR2] ஆனால் யெகோவாவிடம் எதிர்பார்ப்பாய் இருக்கிறவர்கள் [QBR2] நாட்டை உரிமையாக்கிக்கொள்வார்கள்.
10. இன்னும் சிறிது நேரத்தில் கொடியவர்கள் இல்லாமல் போவார்கள்; [QBR2] நீ அவர்களைத் தேடினாலும் அவர்கள் காணப்படமாட்டார்கள். [QBR]
11. ஆனால் சாந்தமுள்ளவர்கள், நாட்டை உரிமையாக்கிக்கொண்டு, [QBR2] சமாதானத்தின் செழிப்பை அனுபவிப்பார்கள்.
12. கொடியவர்கள் நீதிமான்களுக்கு விரோதமாகச் சதிசெய்து, [QBR2] அவர்களைப் பார்த்து பற்கடிக்கிறார்கள். [QBR]
13. ஆனால் யெகோவா கொடியவர்களைப் பார்த்து நகைக்கிறார்; [QBR2] அவர்களுடைய முடிவுகாலம் வருகிறதென அவர் அறிகிறார்.
14. ஏழைகளையும் எளியோரையும் வீழ்த்துவதற்கும், [QBR2] நேர்மையான வழியில் நடப்பவர்களை கொலைசெய்வதற்கும் [QBR] கொடியவர்கள் வாளை உருவி [QBR2] வில்லை வளைக்கிறார்கள். [QBR]
15. ஆனால் அவர்களுடைய வாள்கள் அவர்களுடைய இருதயங்களையே ஊடுருவக்குத்தும்; [QBR2] அவர்களுடைய வில்லுகளும் முறிக்கப்படும்.
16. கொடியவர்களின் மிகுந்த செல்வத்தைப் பார்க்கிலும், [QBR2] நீதிமான்களிடம் இருக்கும் சிறிதளவே சிறந்தது. [QBR]
17. ஏனெனில் கொடியவர்களின் பலம் உடைக்கப்படும்; [QBR2] நீதிமான்களையோ யெகோவா தாங்குகிறார்.
18. குற்றமற்றவர்களின் நாட்களை யெகோவா அறிந்திருக்கிறார்; [QBR2] அவர்களுடைய உரிமைச்சொத்து என்றும் நிலைத்திருக்கும். [QBR]
19. அழிவு காலத்தில் அவர்கள் தளர்ந்து போகமாட்டார்கள்; [QBR2] பஞ்ச காலங்களிலும் நிறைவை அனுபவிப்பார்கள்.
20. ஆனால் கொடியவர்களோ அழிந்துபோவார்கள், [QBR2] யெகோவாவின் பகைவர்கள் வயலின் பூவைப்போல் இருந்தாலும், [QBR2] அவர்கள் எரிந்து புகையைப்போல் இல்லாது ஒழிவார்கள்.
21. கொடியவர்கள் கடன்வாங்கித் திருப்பிக்கொடுக்காமல் விட்டுவிடுகிறார்கள்; [QBR2] ஆனால் நீதிமான்கள் தாராள மனதுடன் கொடுக்கிறார்கள். [QBR]
22. யெகோவாவினால் ஆசீர்வதிக்கப்படுகிறவர்கள் [QBR2] நாட்டைத் தங்களுக்குச் சொந்தமாக்கிக்கொள்வார்கள்; [QBR2] அவரால் சபிக்கப்படுகிறவர்களோ அழிந்துபோவார்கள்.
23. ஒரு மனிதனுடைய வழியில் யெகோவா பிரியமாயிருந்தால், [QBR2] அவனுடைய காலடிகளை அவர் உறுதியாக்குகிறார். [QBR]
24. அவன் இடறினாலும் விழமாட்டான்; [QBR2] ஏனெனில், யெகோவா தமது கரத்தினால் அவனைத் தாங்கிப் பிடிக்கிறார்.
25. நான் வாலிபனாயிருந்தேன், இப்போது முதியவனாய் இருக்கிறேன்; [QBR2] ஆனால் நீதிமான்கள் கைவிடப்பட்டதையோ, [QBR2] அவர்களுடைய பிள்ளைகள் உணவுக்காக பிச்சையெடுத்ததையோ நான் ஒருபோதும் காணவில்லை. [QBR]
26. நீதிமான் எப்பொழுதும் தாராளமாய்க் கடன் கொடுக்கிறார்கள்; [QBR2] அவர்களுடைய பிள்ளைகள் ஆசீர்வதிக்கப்படுவார்கள்.
27. தீமையிலிருந்து விலகி நன்மையைச் செய்; [QBR2] அப்பொழுது நீ என்றென்றும் நிலைத்திருப்பாய். [QBR]
28. ஏனெனில் யெகோவா நியாயத்தில் பிரியப்படுகிறார்; [QBR2] தமக்கு உண்மையாய் இருப்பவர்களைக் கைவிடவுமாட்டார். [QBR2] அவர்கள் என்றென்றும் பாதுகாக்கப்படுவார்கள். ஆனால் கொடியவர்களின் சந்ததியோ அழிந்துபோம். [QBR]
29. நீதிமான்கள் நாட்டைத் தங்களுக்கு சொந்தமாக்கி, [QBR2] அதில் என்றும் குடியிருப்பார்கள்.
30. நீதிமான்களின் வாய் ஞானத்தை வெளிப்படுத்தும்; [QBR2] அவர்களுடைய நாவு நியாயத்தைப் பேசும். [QBR]
31. இறைவனின் சட்டம் அவர்களுடைய இருதயத்தில் இருக்கிறது; [QBR2] அவர்களுடைய கால்கள் சறுக்குவதில்லை.
32. நீதிமான்களைக் கொல்லும்படி, [QBR2] கொடியவர்கள் அவர்களைப் பிடிக்கப் பதுங்கிக் காத்திருக்கிறார்கள். [QBR]
33. ஆனால் யெகோவா, நீதிமான்களை கொடியவர்களின் கையில் விடுவதுமில்லை; [QBR2] நியாய்ந்தீர்க்கப்பட வரும்போது குற்றவாளிகளாக்க இடமளிப்பதுமில்லை.
34. யெகோவாவை எதிர்பார்த்திருந்து, [QBR2] அவருடைய வழியைக் கைக்கொள். [QBR] நீ நாட்டை சொந்தமாக்கிக் கொள்ளும்படி, அவர் உன்னை உயர்த்துவார்; [QBR2] கொடியவர்கள் அழிந்துபோவார்கள், நீ அதைக் காண்பாய்.
35. கொடியவனும் ஈவு இரக்கமற்றவனுமான ஒருவனைக் கண்டேன்; [QBR2] அவன் ஒரு பச்சைமரம் தனக்கேற்ற மண்ணில் செழித்திருப்பதைப் போல வளர்ந்தான். [QBR]
36. ஆனால் அவன் விரைவாக ஒழிந்துபோனான்; [QBR2] நான் அவனைத் தேடியும்கூட அவனைக் காணவில்லை.
37. குற்றமற்றவனைக் கவனித்துப்பார், நேர்மையானவனை நோக்கிப்பார்; [QBR2] சமாதானமாய் இருக்கிற மனிதனுக்கு நல்ல எதிர்காலம் உண்டு. [QBR]
38. ஆனால் குற்றவாளிகள் அனைவரும் அழிக்கப்படுவார்கள்; [QBR2] கொடியவர்களுக்கு எதிர்காலம் இல்லாமல் போகும்.
39. நீதிமான்களின் இரட்சிப்பு யெகோவாவிடமிருந்து வரும்; [QBR2] கஷ்டமான காலத்தில் அவரே அவர்களின் அரணாய் இருக்கிறார். [QBR]
40. யெகோவா அவர்களுக்கு உதவிசெய்து அவர்களை விடுவிக்கிறார்; [QBR2] அவர்கள் யெகோவாவிடத்தில் தஞ்சம் அடைந்திருக்கிறபடியால், [QBR2] கொடியவர்களிடமிருந்து அவர்களை விடுவித்து இரட்சிக்கிறார். [PE]