1. [QS]யெகோவாவை நான் எவ்வேளையிலும் புகழ்ந்து உயர்த்துவேன்; [QE][QS2]அவருக்குரிய துதி எப்பொழுதும் என் உதடுகளில் இருக்கும். [QE]
2. [QS]நான் யெகோவாவுக்குள் மகிமைப்படுவேன்; [QE][QS2]ஒடுக்கப்பட்டோர் இதைக் கேட்டு மகிழட்டும். [QE]
3. [QS]என்னோடு சேர்ந்து யெகோவாவை மகிமைப்படுத்துங்கள்; [QE][QS2]நாம் ஒன்றுகூடி அவருடைய பெயரைப் புகழ்ந்து உயர்த்துவோம். [QE][PBR]
4. [QS]நான் யெகோவாவிடம் உதவி தேடினேன்; அவர் எனக்குப் பதில் தந்தார்; [QE][QS2]அவர் என்னுடைய எல்லாப் பயத்திலிருந்தும் என்னை விடுவித்தார். [QE]
5. [QS]அவரை நோக்கிப் பார்க்கிறவர்கள் பிரகாசமாய் இருக்கிறார்கள்; [QE][QS2]அவர்களுடைய முகங்கள் ஒருபோதும் வெட்கப்படுவதில்லை. [QE]
6. [QS]இந்த ஏழை கூப்பிட்டான், யெகோவா செவிகொடுத்து; [QE][QS2]அவனை அவனுடைய எல்லாப் பிரச்சனைகளிலிருந்தும் காப்பாற்றினார். [QE]
7. [QS]அவருக்குப் பயந்து நடக்கிறவர்களைச் சுற்றிலும் [QE][QS2]யெகோவாவின் தூதன் முகாமிட்டு அவர்களை விடுவிக்கிறார். [QE][PBR]
8. [QS]யெகோவா நல்லவர் என்பதை ருசித்துப்பாருங்கள்; [QE][QS2]அவரிடத்தில் தஞ்சமடைகிறவர்கள் ஆசீர்வதிக்கப்படுவார்கள். [QE]
9. [QS]யெகோவாவினுடைய பரிசுத்தவான்களே, நீங்கள் அவருக்குப் பயந்து நடங்கள்; [QE][QS2]ஏனெனில் அவருக்குப் பயந்து நடப்பவர்களுக்கு எவ்விதக் குறைவும் ஏற்படுவதில்லை. [QE]
10. [QS]இளம் சிங்கங்கள் பெலமிழந்து பசியாயிருக்கலாம்; [QE][QS2]ஆனால் யெகோவாவைத் தேடுகிறவர்களுக்கோ ஒரு நன்மையும் குறைவுபடுவதில்லை. [QE]
11. [QS]என் பிள்ளைகளே, வாருங்கள்; வந்து எனக்குச் செவிகொடுங்கள்; [QE][QS2]யெகோவாவுக்குப் பயந்து நடப்பதைக் குறித்து நான் உங்களுக்குப் போதிப்பேன். [QE]
12. [QS]உங்களில் யாராவது வாழ்வை நேசித்து [QE][QS2]அநேக நல்ல நாட்களைக் காண விரும்பினால், [QE]
13. [QS]நீங்கள் உங்கள் நாவை தீமையைப் பேசுவதிலிருந்து விலக்கி, [QE][QS2]உங்கள் உதடுகளைப் பொய்ப் பேசுவதிலிருந்து காத்துக்கொள்ளுங்கள். [QE]
14. [QS]தீமையைவிட்டு விலகி, நன்மையைச் செய்யுங்கள்; [QE][QS2]சமாதானத்தைத் தேடி, அதைப் பின்தொடருங்கள். [QE][PBR]
15. [QS]யெகோவாவினுடைய கண்கள் நீதிமான்கள்மேல் இருக்கின்றன; [QE][QS2]அவருடைய காதுகள் அவர்களுடைய கதறுதலைக் கவனமாய்க் கேட்கின்றன; [QE]
16. [QS]ஆனால் தீமை செய்கிறவர்களைப் பற்றிய நினைவை [QE][QS2]பூமியிலிருந்தே அகற்றிப்போடும்படி, [QE][QS2]யெகோவாவினுடைய முகம் அவர்களுக்கு விரோதமாய் இருக்கிறது. [QE][PBR]
17. [QS]நீதிமான்கள் கூப்பிடும்போது, யெகோவா அவர்களுக்குச் செவிகொடுக்கிறார்; [QE][QS2]அவர் அவர்களுடைய எல்லாத் துன்பங்களிலுமிருந்தும் அவர்களை விடுவிக்கிறார். [QE]
18. [QS]யெகோவா உள்ளம் உடைந்து போனவர்களுக்கு அருகே இருக்கிறார்; [QE][QS2]ஆவியில் நொந்து இருக்கிறவர்களை யெகோவா காப்பாற்றுகிறார். [QE][PBR]
19. [QS]நீதிமானுக்கு அநேக துன்பங்கள் வரலாம், [QE][QS2]ஆனாலும் அவை எல்லாவற்றிலிருந்தும் யெகோவா அவனை விடுவிக்கிறார். [QE]
20. [QS]அவர் அவனுடைய எலும்புகளையெல்லாம் பாதுகாக்கிறார்; [QE][QS2]அவற்றில் ஒன்றுகூட முறிக்கப்படாது. [QE][PBR]
21. [QS]தீமை கொடியவர்களைக் கொல்லும்; [QE][QS2]நீதிமான்களின் பகைவர்கள் குற்றவாளிகளாவார்கள். [QE]
22. [QS]யெகோவா தமது பணியாட்களைக் காப்பாற்றுகிறார்; [QE][QS2]அவரிடத்தில் தஞ்சம் அடைகிற யாரும் குற்றவாளியாகத் தீர்க்கப்படமாட்டான். [QE]