1. யெகோவாவே, [QBR2] உம்மிடத்தில் என் ஆத்துமாவை உயர்த்துகிறேன்.
2. என் இறைவனே, உம்மில் நான் நம்பிக்கை வைக்கிறேன்; [QBR2] என்னை வெட்கப்பட விடாதேயும்; [QBR2] என் பகைவர் என்மேல் வெற்றிகொள்ள விடாதேயும். [QBR]
3. உம்மில் எதிர்பார்ப்பாய் இருப்பவர்கள் யாரும், [QBR2] ஒருபோதும் வெட்கப்படமாட்டார்கள்; [QBR2] ஆனால் காரணமின்றி துரோகம் செய்பவர்கள் வெட்கமடைவார்கள்.
4. யெகோவாவே, உமது வழிகளை எனக்குக் காண்பியும்; [QBR2] உமது பாதைகளை எனக்குப் போதியும். [QBR]
5. உமது சத்தியத்தில் என்னை நடத்தி எனக்குப் போதியும். [QBR2] நீரே என் இரட்சகராகிய இறைவன், [QBR2] நாள்முழுதும் நான் உம்மையே எதிர்பார்க்கிறேன். [QBR]
6. யெகோவாவே, உமது பெரிதான இரக்கத்தையும் அன்பையும் நினைவில்கொள்ளும், [QBR2] ஏனெனில் அவை பூர்வகாலமுதல் இருக்கிறதே. [QBR]
7. என் வாலிப காலத்தின் பாவங்களையும் [QBR2] என் மீறுதல்களையும் நினைக்கவேண்டாம்; [QBR] உமது உடன்படிக்கையின் அன்பின்படி என்னை நினைத்துக்கொள்ளும், [QBR2] யெகோவாவே, நீர் நல்லவர்.
8. யெகோவா நல்லவரும் நேர்மையானவருமாய் இருக்கிறார்; [QBR2] ஆகையால் பாவிகளுக்குத் தமது வழிகளை அறிவுறுத்துகிறார். [QBR]
9. அவர் தாழ்மையுள்ளோரை நியாயத்தில் வழிநடத்துகிறார், [QBR2] தமது வழியை அவர்களுக்குப் போதிக்கிறார். [QBR]
10. யெகோவாவினுடைய உடன்படிக்கையின் கட்டளைகளைக் கைக்கொள்ளுகிறவர்களுக்கு [QBR2] அவருடைய பாதைகளெல்லாம் உடன்படிக்கையின் அன்பும் நம்பகமுமானவைகள். [QBR]
11. யெகோவாவே, எனது அநியாயம் பெரிதாயிருப்பினும், [QBR2] உமது பெயரின் நிமித்தம் அதை மன்னியும்.
12. யெகோவாவுக்குப் பயந்து நடக்கிற மனிதர் யார்? [QBR2] அவர்கள் தெரிந்துகொள்ள வேண்டிய வழியை யெகோவா அவர்களுக்கு அறிவுறுத்துவார். [QBR]
13. அவர்கள் தமது வாழ்நாளெல்லாம் நன்மையைப் பெறுவார்கள், [QBR2] அவர்களுடைய சந்ததி பூமியை தமக்கு சொந்தமாக்கிக்கொள்வார்கள். [QBR]
14. யெகோவாவின் இரகசியம் அவருக்குப் பயந்து நடக்கிறவர்களுக்குரியது; [QBR2] அவர் தமது உடன்படிக்கையையும் அவர்களுக்குத் தெரியப்படுத்துகிறார். [QBR]
15. என் கண்கள் எப்பொழுதும் யெகோவாவையே நோக்கியிருக்கின்றன; [QBR2] ஏனென்றால் என் கால்களை அவரே கண்ணியிலிருந்து விடுவிப்பார்.
16. யெகோவாவே, என் பக்கமாய்த் திரும்பி, எனக்குக் கிருபையாயிரும்; [QBR2] நான் தனிமையிலும் துன்பத்திலும் இருக்கிறேன். [QBR]
17. என் இருதயத்தின் துயரத்திலிருந்து நீங்கலாக்கும்; [QBR2] என் நெருக்கத்திலிருந்து என்னை விடுவியும். [QBR]
18. என் துன்பத்தையும் என் துயரத்தையும் பார்த்து, [QBR2] என் பாவங்களையெல்லாம் மன்னித்தருளும். [QBR]
19. என் பகைவர்கள் எப்படி பெருகியிருக்கிறார்கள் என்று பாரும்; [QBR2] அவர்கள் எவ்வளவு கொடூரமாக என்னை வெறுக்கிறார்கள்.
20. என் உயிரைப் பாதுகாத்து, என்னைத் தப்புவியும்; [QBR2] உம்மிடத்தில் தஞ்சமடைந்திருக்கும் என்னை [QBR2] வெட்கப்பட விடாதேயும். [QBR]
21. உத்தமமும் நேர்மையும் என்னைப் பாதுகாக்கட்டும்; [QBR2] ஏனெனில் என் எதிர்பார்ப்பு உம்மிலே இருக்கிறது.
22. இறைவனே, இஸ்ரயேலை [QBR2] அவர்களுடைய துன்பங்கள் எல்லாவற்றிலுமிருந்து மீட்டுக்கொள்ளும். [PE]