1. யெகோவாவைத் துதியுங்கள். நமது இறைவனுக்குத் துதிகளைப் பாடுவது எவ்வளவு நல்லது, [QBR2] அவரைத் துதிப்பது எவ்வளவு மகிழ்ச்சியும் தகுதியுமாயிருக்கிறது.
2. யெகோவா எருசலேமைக் கட்டியெழுப்புகிறார்; [QBR2] அவர் நாடுகடத்தப்பட்ட இஸ்ரயேலரை ஒன்றுசேர்க்கிறார். [QBR]
3. அவர் உள்ளம் உடைந்தவர்களைச் சுகப்படுத்தி, [QBR2] அவர்களுடைய காயங்களைக் கட்டுகிறார். [QBR]
4. அவர் நட்சத்திரங்களின் தொகையை எண்ணி, [QBR2] அவை ஒவ்வொன்றையும் பெயரிட்டு அழைக்கிறார். [QBR]
5. நம்முடைய யெகோவா பெரியவரும், வல்லமை மிகுந்தவருமாய் இருக்கிறார்; [QBR2] அவருடைய அறிவுக்கு எல்லையே இல்லை. [QBR]
6. யெகோவா தாழ்மையுள்ளவர்களை ஆதரிக்கிறார்; [QBR2] ஆனால் கொடியவர்களையோ தரையில் வீழ்த்துகிறார்.
7. யெகோவாவை நன்றியுடன் துதி பாடுங்கள்; [QBR2] யாழினால் நம் இறைவனுக்கு இசை மீட்டுங்கள்.
8. அவர் ஆகாயத்தை மேகங்களினால் மூடுகிறார்; [QBR2] பூமிக்கு மழையைக் கொடுத்து, [QBR2] மலைகளில் புல்லை வளரப்பண்ணுகிறார். [QBR]
9. மிருகங்களுக்கும் கூப்பிடுகிற காக்கைக் குஞ்சுகளுக்கும் [QBR2] அவர் உணவு கொடுக்கிறார்.
10. குதிரையின் பலத்தில் அவர் பிரியம் கொள்வதில்லை, [QBR2] படைவீரனின் கால் வலிமையில் அவர் மகிழ்ச்சி அடைவதுமில்லை; [QBR]
11. யெகோவா தமக்குப் பயந்து, [QBR2] தங்கள் நம்பிக்கையை அவருடைய உடன்படிக்கையின் அன்பில் [QBR2] வைத்திருக்கிறவர்களில் மகிழ்ச்சியாயிருக்கிறார்.
12. எருசலேமே யெகோவாவைப் பாராட்டு; [QBR2] சீயோனே உன் இறைவனைத் துதி.
13. ஏனெனில் அவர் உன் வாசல்களின் தாழ்ப்பாள்களைப் பலப்படுத்தி, [QBR2] உன்னிடத்திலுள்ள உன் மக்களை ஆசீர்வதிக்கிறார். [QBR]
14. அவர் உன் எல்லைகளுக்குச் சமாதானத்தைக் கொடுத்து, [QBR2] சிறந்த கோதுமையினால் உன்னைத் திருப்தியாக்குகிறார்.
15. அவர் பூமிக்குத் தமது கட்டளையை அனுப்புகிறார்; [QBR2] அவருடைய வார்த்தை விரைந்து செல்கிறது. [QBR]
16. அவர் மூடுபனியை கம்பளியைப்போல் பரப்புகிறார்; [QBR2] உறைபனித் துகள்களை சாம்பலைப்போல் தூவுகிறார். [QBR]
17. அவர் தமது பனிக்கட்டி மழையை சிறு கற்களைப்போல் வீசியெறிகிறார்; [QBR2] அவருடைய பனியின் குளிர்காற்றை யாரால் தாங்கமுடியும்? [QBR]
18. அவர் தமது வார்த்தையை அனுப்பி, அவைகளை உருகச்செய்கிறார்; [QBR2] அவர் தமது தென்றல் காற்றுகளை வீசச்செய்ய, வெள்ளம் ஓடுகிறது.
19. அவர் தமது வார்த்தையை யாக்கோபுக்கும், [QBR2] தமது சட்டங்களையும் விதிமுறைகளையும் இஸ்ரயேலுக்கும் வெளிப்படுத்தியிருக்கிறார். [QBR]
20. அவர் இப்படி வேறு எந்த மக்களுக்கும் வெளிப்படுத்தவில்லை; [QBR2] அவர்கள் அவருடைய சட்டங்களை அறியாதிருக்கிறார்கள். யெகோவாவைத் துதி. [PE]