1. யெகோவாவே, நீர் என்னை ஆராய்ந்திருக்கிறீர், [QBR2] நீர் என்னை அறிந்துமிருக்கிறீர். [QBR]
2. நான் உட்காரும்போதும் நான் எழும்பும்போதும் நீர் அறிகிறீர்; [QBR2] நீர் என் எண்ணங்களைத் தூரத்திலிருந்தே அறிகிறீர். [QBR]
3. நான் வெளியே போவதையும் நான் படுப்பதையும் நீர் கவனித்துக்கொள்கிறீர்; [QBR2] என்னுடைய செயல்கள் எல்லாவற்றையும் நீர் நன்கு அறிவீர். [QBR]
4. என் நாவில் ஒரு வார்த்தை பிறக்குமுன்பே, [QBR2] யெகோவாவே, நீர் அதை முற்றிலும் அறிந்திருக்கிறீர். [QBR]
5. நீர் முன்னும் பின்னுமாய் என்னைச் சூழ்ந்து, [QBR2] நீர் உமது ஆசீர்வாதத்தின் கரத்தை என்மேல் வைத்திருக்கிறீர். [QBR]
6. இந்த அறிவு எனக்கு மிகுந்த ஆச்சரியமும், [QBR2] விளங்கிக்கொள்ள முடியாததுமாயிருக்கிறது.
7. உமது ஆவியானவரைவிட்டு என்னால் எங்கே போகமுடியும்? [QBR2] உமது சந்நிதியைவிட்டு என்னால் எங்கு ஓடமுடியும்? [QBR]
8. நான் வானங்கள்வரை மேலே போனாலும், நீர் அங்கே இருக்கிறீர்; [QBR2] என் படுக்கையை பாதாளத்தில் போட்டாலும், நீர் அங்கேயும் இருக்கிறீர். [QBR]
9. அதிகாலையின் சிறகுகளை எடுத்து நான் பறந்து சென்றாலும், [QBR2] கடல்களின் எல்லைகளுக்கப்பால் போய்த் தங்கினாலும், [QBR]
10. அங்கேயும் உமது கரம் எனக்கு வழிகாட்டும்; [QBR2] உமது வலதுகரம் என்னை இறுக்கிப் பிடித்துக்கொள்ளும். [QBR]
11. “நிச்சயமாகவே இருள் என்னை மறைத்துக்கொள்ளும், [QBR2] ஒளி என்னைச் சுற்றிலும் இரவாகும்” என்று நான் சொன்னாலும், [QBR]
12. இருளும் உமக்கு இருட்டாய் இருக்காது; [QBR2] இரவும் பகலைப்போல் பிரகாசிக்கும்; [QBR2] ஏனெனில் இருள் உமக்கு ஒளியைப் போலவே இருக்கிறது.
13. என் உள்ளுறுப்புகளை நீரே உருவாக்கினீர்; [QBR2] என் தாயின் கருப்பையில் என்னை நீரே ஒன்றாய் இணைத்தீர். [QBR]
14. நான் மிக ஆச்சரியமாகவும் அதிசயிக்கத்தக்க வகையிலும் படைக்கப்பட்டிருக்கிறபடியால், [QBR2] நான் உம்மைத் துதிக்கிறேன்; [QBR] உமது செயல்கள் ஆச்சரியமானவை, [QBR2] நான் அதை நன்றாய் அறிந்திருக்கிறேன். [QBR]
15. நான் இரகசியமான இடத்தில் படைக்கப்பட்டபொழுது, [QBR2] நான் பூமியின் ஆழங்களில் ஒன்றாய் இணைக்கப்பட்ட போது, [QBR2] என் எலும்புகள் உமக்கு மறைவாய் இருக்கவில்லை. [QBR]
16. உருவம் பெற்றிராத என் உடலை உம்முடைய கண்கள் கண்டன; [QBR2] எனக்கு நியமிக்கப்பட்ட எல்லா நாட்களும், [QBR2] அவை ஒன்றாகிலும் வருமுன்பே உம்முடைய புத்தகத்தில் எழுதப்பட்டிருந்தன. [QBR]
17. இறைவனே, என்னைப்பற்றிய உம்முடைய எண்ணங்கள் எவ்வளவு அருமையானவை! [QBR2] அவைகளின் தொகை எவ்வளவு பெரியது! [QBR]
18. நான் அவைகளை எண்ணப்போனால், [QBR2] அவை மணலைப் பார்க்கிலும் அதிகமாயிருக்கும்; [QBR2] நான் விழிக்கும்போதோ இன்னும் உம்முடனேயே இருக்கிறேன்.
19. இறைவனே, கொடியவர்களை நீர் கொன்றுபோட்டால் நலமாயிருக்கும்! [QBR2] இரத்தவெறியரே, என்னைவிட்டு அகன்றுபோங்கள்! [QBR]
20. அவர்கள் உம்மைக் குறித்துத் தீயநோக்கத்துடன் பேசுகிறார்கள்; [QBR2] உம்முடைய விரோதிகள் உமது பெயரைத் தவறாய் பயன்படுத்துகிறார்கள். [QBR]
21. யெகோவாவே, உம்மை வெறுக்கிறவர்களை நான் வெறுக்காதிருக்கிறேனோ? [QBR2] உமக்கு விரோதமாய் எழும்புகிறவர்களை அருவருக்காமல் இருக்கிறேனோ? [QBR]
22. ஆம், நான் அவர்களை முற்றிலும் வெறுக்கிறேன். [QBR2] அவர்களை என் பகைவர்களாகவே நான் எண்ணுகிறேன். [QBR]
23. இறைவனே, என்னை ஆராய்ந்து என் இருதயத்தை அறிந்துகொள்ளும்; [QBR2] என்னை சோதித்து என் வருத்தமான சிந்தனைகளை அறிந்துகொள்ளும். [QBR]
24. உம்மை வருந்தும்படிச் செய்யும் வழி ஏதாவது என்னில் உண்டோ என்று பார்த்து, [QBR2] நித்திய வழியிலே என்னை நடத்தும். [PE]