1. யெகோவாவுக்கு நன்றி செலுத்துங்கள், அவர் நல்லவர்; [QBR2] அவர் அன்பு என்றென்றும் நிலைத்திருக்கிறது.
2. யெகோவாவினால் மீட்கப்பட்டவர்கள், [QBR2] எதிரிகளின் கையிலிருந்து அவரால் விடுதலையாக்கப்பட்டவர்கள், [QBR]
3. கிழக்கிலும் மேற்கிலும் வடக்கிலும் [QBR2] தெற்கிலுமிருக்கும் பல நாடுகளிலிருந்தும் சேர்க்கப்பட்டவர்கள் இதைச் சொல்லட்டும்.
4. சிலர் தாங்கள் குடியிருக்கத்தக்க பட்டணத்திற்குப் போகும் வழியைக் காணாமல், [QBR2] பாலைவனத்தின் பாழ்நிலங்களிலே அலைந்து திரிந்தார்கள். [QBR]
5. அவர்கள் பசியாயும் தாகமாயும் இருந்தார்கள், [QBR2] அவர்களுடைய ஆத்துமா சோர்ந்துபோயிற்று. [QBR]
6. அப்பொழுது அவர்கள் தங்கள் கஷ்டத்திலே யெகோவாவை நோக்கிக் கூப்பிட்டார்கள், [QBR2] அவர் அவர்களுடைய துன்பத்திலிருந்து அவர்களை விடுவித்தார். [QBR]
7. குடியிருக்கத்தக்க ஒரு பட்டணத்திற்கு [QBR2] அவர் அவர்களை பாதுகாப்பாக வழிநடத்தினார். [QBR]
8. யெகோவாவினுடைய உடன்படிக்கையின் அன்பினிமித்தமும், [QBR2] அவர் மனிதருக்குச் செய்யும் அதிசயமான செயல்களின் நிமித்தமும் [QBR2] நன்றி செலுத்துவார்களாக. [QBR]
9. ஏனெனில் தாகமுள்ளவர்களை அவர் திருப்தியாக்குகிறார்; [QBR2] பசியாய் இருப்பவர்களை நன்மையினால் நிரப்புகிறார்.
10. சிலர் இருளிலும் காரிருளிலும் உட்கார்ந்தார்கள், [QBR2] சிறைக் கைதிகள் இரும்புச் சங்கிலிகளில் கட்டுண்டு வேதனைப்பட்டார்கள். [QBR]
11. ஏனெனில், அவர்கள் இறைவனுடைய கட்டளைகளுக்கு விரோதமாய்க் கலகம்செய்து, [QBR2] மகா உன்னதமான இறைவனின் ஆலோசனையை அசட்டைபண்ணினார்கள். [QBR]
12. ஆகவே அவர் அவர்களைக் கடினமான வேலைக்குட்படுத்தினார்; [QBR2] அவர்கள் இடறி விழுந்தார்கள்; அவர்களுக்கு உதவிசெய்ய ஒருவருமே இருக்கவில்லை. [QBR]
13. அப்பொழுது அவர்கள் தங்கள் கஷ்டத்திலே யெகோவாவை நோக்கிக் கதறினார்கள்; [QBR2] அவர் அவர்களுடைய துன்பத்திலிருந்து அவர்களை காப்பாற்றினார். [QBR]
14. அவர் அவர்களை, இருட்டிலிருந்தும் [QBR2] ஆழ்ந்த இருளிலிருந்தும் வெளியே கொண்டுவந்து, [QBR2] அவர்களுடைய சங்கிலிகளை அறுத்தெறிந்தார். [QBR]
15. யெகோவாவினுடைய உடன்படிக்கையின் அன்பினிமித்தமும், [QBR2] அவர் மனிதருக்குச் செய்யும் அதிசயமான செயல்களினிமித்தமும் [QBR2] நன்றி செலுத்துவார்களாக. [QBR]
16. ஏனெனில் யெகோவா வெண்கல வாசல்களை உடைத்தெறிகிறார்; [QBR2] இரும்புத் தாழ்ப்பாள்களை வெட்டிப் பிளக்கிறார்.
17. சிலர் தங்களுடைய கலக வழிகளின் காரணமாக மூடராகி, [QBR2] தங்கள் அநியாயத்தினிமித்தம் உபத்திரவத்தை அனுபவித்தார்கள். [QBR]
18. அவர்கள் எல்லா உணவையும் அருவருத்து, [QBR2] மரண வாசல்களை நெருங்கினார்கள். [QBR]
19. அப்பொழுது அவர்கள் தங்கள் கஷ்டத்திலே யெகோவாவை நோக்கிக் கதறினார்கள்; [QBR2] அவர் அவர்களுடைய துன்பத்திலிருந்து அவர்களை காப்பாற்றினார். [QBR]
20. அவர் தமது வார்த்தையை அனுப்பி, அவர்களைச் சுகப்படுத்தினார்; [QBR2] அவர் அவர்களை மரணக் குழிகளிலிருந்து தப்புவித்தார். [QBR]
21. யெகோவாவினுடைய உடன்படிக்கையின் அன்பினிமித்தமும், [QBR2] அவர் மனிதருக்குச் செய்யும் அதிசயமான செயல்களினிமித்தமும் [QBR2] நன்றி செலுத்துவார்களாக. [QBR]
22. அவர்கள் நன்றிக் காணிக்கைகளைப் பலியிட்டு, [QBR2] மகிழ்ச்சியின் பாடல்களால் அவருடைய செயல்களை அறிவிக்கட்டும்.
23. சிலர் கப்பல்களில் ஏறிக் கடல்மேல் போனார்கள்; [QBR2] அவர்கள் கடலின் திரளான தண்ணீரின்மேல் தொழில் செய்தார்கள். [QBR]
24. அவர்கள் யெகோவாவினுடைய செயல்களையும், [QBR2] ஆழத்தில் அவர் செய்த புதுமையான செயல்களையும் கண்டார்கள். [QBR]
25. ஏனெனில் அவர் ஒரு வார்த்தை சொல்ல, புயல்காற்று எழும்பிற்று; [QBR2] அது அலைகளை உயர எழச்செய்தது. [QBR]
26. அவர்கள் வானங்கள்வரை ஏறி, ஆழங்கள்வரை இறங்கிச் சென்றனர்; [QBR2] அவர்களுடைய ஆபத்தில் அவர்களுடைய தைரியம் பயனற்றுப்போனது. [QBR]
27. அவர்கள் வெறியரைப்போல் உருண்டு புரண்டார்கள்; [QBR2] அவர்களால் ஒன்றும் செய்யமுடியாமல் போயிற்று. [QBR]
28. அப்பொழுது அவர்கள் தங்கள் கஷ்டத்திலே யெகோவாவை நோக்கிக் கதறினார்கள்; [QBR2] அவர் அவர்களுடைய துன்பத்திலிருந்து அவர்களை காப்பாற்றினார். [QBR]
29. அவர் புயல்காற்றை தென்றல்போல் அமைதியாக்கினார்; [QBR2] கடலின் அலைகள் அடங்கிப்போயின. [QBR]
30. அது அமைதியானபோது அவர்கள் மகிழ்ந்தார்கள்; [QBR2] அவர்கள் விரும்பிய துறைமுகத்திற்குப் போக அவர் அவர்களுக்கு வழிகாட்டினார். [QBR]
31. யெகோவாவினுடைய உடன்படிக்கையின் அன்பினிமித்தமும், [QBR2] அவர் மனிதருக்குச் செய்யும் அதிசயமான செயல்களினிமித்தமும் [QBR2] நன்றி செலுத்துவார்களாக. [QBR]
32. மக்களின் சபையில் அவர்கள் அவரை புகழ்ந்துயர்த்தி, [QBR2] தலைவர்களின் ஆலோசனை சபையிலே அவரைத் துதிக்கட்டும்.
33. யெகோவா ஆறுகளைப் பாலைவனமாகவும், [QBR2] சுரக்கும் நீரூற்றுகளை வறண்ட தரையாகவும் மாற்றினார், [QBR]
34. செழிப்பான நாட்டை உவர் நிலமாக மாற்றினார்; [QBR2] அங்கே வசித்தவர்களின் கொடுமையின் நிமித்தமே அவ்வாறு செய்தார். [QBR]
35. அவர் பாலைவனத்தை நீர்த்தடாகங்களாகவும், [QBR2] வறண்ட நிலத்தை சுரக்கும் நீரூற்றாகவும் மாற்றினார். [QBR]
36. பசியுள்ளவர்களை அங்கே குடியிருக்கும்படி கொண்டுவந்தார்; [QBR2] அங்கே அவர்கள் தாங்கள் குடியிருக்கத்தக்க ஒரு பட்டணத்தைக் கட்டினார்கள். [QBR]
37. அவர்கள் வயல்வெளிகளில் விதைத்து, திராட்சைத் தோட்டங்களை உண்டாக்கினார்கள்; [QBR2] அவை செழிப்பான அறுவடையைக் கொடுத்தன. [QBR]
38. யெகோவா அவர்களை ஆசீர்வதித்தார், அவர்கள் எண்ணிக்கை வெகுவாய்ப் பெருகியது; [QBR2] அவர்களுடைய மந்தைகள் குறைந்துபோக அவர் விடவில்லை.
39. பின்பு இறைவனது மக்களின் எண்ணிக்கை குறைந்தது, [QBR2] அவர்கள் ஒடுக்குதலினாலும் இடுக்கணினாலும் கவலையினாலும் சிறுமையடைந்தார்கள்; [QBR]
40. பெருமையான அதிகாரிகளின்மேல் இகழ்வை வரப்பண்ணும் அவரே, [QBR2] அவர்களைப் பாதையற்ற பாழ்நிலத்தில் அலையப்பண்ணினார். [QBR]
41. ஆனால் எளியவர்களை அவர்களுடைய துன்பத்திலிருந்து தூக்கியெடுத்து, [QBR2] அவர்களுடைய குடும்பங்களை மந்தையைப்போல் பெருகப்பண்ணினார். [QBR]
42. நீதிமான்கள் அதைக்கண்டு மகிழ்கிறார்கள்; [QBR2] ஆனால் கொடியவர்கள் அனைவரும் வாயடைத்துப் போய்விடுவார்கள்.
43. ஞானமுள்ளவன் எவனோ அவன் இதைக் கவனித்துக் கொள்ளட்டும்; [QBR2] யெகோவாவின் உடன்படிக்கையின் அன்பின் செயல்களைப்பற்றி சிந்திக்கட்டும். [PE]