1. என் ஆத்துமாவே, யெகோவாவைத் துதி; [QBR2] என் முழு உள்ளமே, அவருடைய பரிசுத்த பெயரைத் துதி. [QBR]
2. என் ஆத்துமாவே, யெகோவாவைத் துதி; [QBR2] அவர் செய்த நன்மைகள் யாவற்றையும் மறவாதே. [QBR]
3. அவர் உன் பாவங்களையெல்லாம் மன்னிக்கிறார்; [QBR2] உன்னுடைய நோய்களையெல்லாம் சுகமாக்குகிறார். [QBR]
4. அவர் உன் உயிரை மரணக் குழியிலிருந்து மீட்கிறார், [QBR2] உடன்படிக்கையின் அன்பினாலும், இரக்கங்களினாலும் உன்னை முடிசூட்டுகிறார் [*முடிசூட்டுகிறார் அல்லது ஆசீர்வதிக்கிறார்.] . [QBR]
5. அவர் உன் வாழ்வை நன்மையான காரியங்களால் திருப்தியாக்குகிறார்; [QBR2] அதினால் உன் இளமை கழுகின் இளமையைப்போல் புதுப்பிக்கப்படுகிறது.
6. ஒடுக்கப்படுகிற யாவருக்கும் யெகோவா [QBR2] நியாயத்தையும் நீதியையும் செய்கிறார்.
7. அவர் தமது வழியை மோசேக்கு வெளிப்படுத்தினார், [QBR2] தமது செயல்களை இஸ்ரயேல் மக்கள் காணும்படிச் செய்தார். [QBR]
8. யெகோவா கருணையும் கிருபையும் உள்ளவர், [QBR2] அவர் கோபிக்கிறதில் தாமதிப்பவரும் [QBR2] உடன்படிக்கையின் அன்பு நிறைந்தவருமாய் இருக்கிறார். [QBR]
9. அவர் எப்பொழுதும் நம்மேல் குற்றம் சுமத்துகிறவரல்ல; [QBR2] தமது கோபத்தை என்றென்றும் வைத்திருக்கவுமாட்டார். [QBR]
10. நமது பாவங்களுக்கு ஏற்றபடி அவர் நமக்கு செய்யவில்லை, [QBR2] நமது அநியாயங்களுக்குத் தக்கதாக நம்மைத் தண்டிப்பதும் இல்லை. [QBR]
11. ஏனெனில் பூமிக்கு மேலாய் வானங்கள் எவ்வளவு உயரமாக இருக்கிறதோ, [QBR2] அவருக்குப் பயபக்தியாய் இருக்கிறவர்கள்மேல் [QBR2] அவருடைய உடன்படிக்கையின் அன்பும் அவ்வளவு பெரிதாக இருக்கிறது. [QBR]
12. மேற்கிலிருந்து கிழக்கு எவ்வளவு தூரமோ, [QBR2] அவ்வளவு தூரமாய் அவர் நம்முடைய மீறுதல்களை நம்மைவிட்டு விலக்கிவிட்டார்.
13. தகப்பன் தன் பிள்ளைகளுக்குத் தயை காட்டுவதுபோல், [QBR2] யெகோவாவும் தம்மிடத்தில் பயபக்தியாய் இருக்கிறவர்களுக்கு தயை காட்டுகிறார்; [QBR]
14. ஏனெனில் நாம் எவ்வாறு உருவாக்கப்பட்டிருக்கிறோம் என்பதை அவர் அறிவார்; [QBR2] நாம் தூசி என்பதையும் அவர் நினைவுகூருகிறார். [QBR]
15. மனிதர்களுடைய வாழ்க்கை புல்லுக்கு ஒப்பாக இருக்கிறது; [QBR2] அவர்கள் வயல்வெளியின் பூவைப்போல் பூக்கிறார்கள். [QBR]
16. காற்று அதின்மேல் வீசுகிறது, அது உதிர்ந்து விழுகிறது; [QBR2] அது இருந்த இடமும் அதை நினைவில் கொள்ளாது. [QBR]
17. ஆனால் யெகோவாவின் உடன்படிக்கையின் அன்பு [QBR2] அவர்மேல் பயபக்தியாய் இருக்கிறவர்களோடும், [QBR2] அவருடைய நீதி அவர்களுடைய பிள்ளைகளின் பிள்ளைகளோடும் என்றைக்கும் இருக்கிறது; [QBR]
18. அவருடைய உடன்படிக்கையைக் கைக்கொண்டு, [QBR2] அவருடைய ஒழுங்குவிதிகளுக்குக் கீழ்ப்படிய கவனமாயிருப்பவர்கள் மேல், [QBR2] அவருடைய உடன்படிக்கையின் அன்பு நிலைத்திருக்கும்.
19. யெகோவா தமது சிங்காசனத்தை பரலோகத்தில் நிலைப்படுத்தியிருக்கிறார்; [QBR2] அவருடைய அரசு அனைத்தையும் ஆளுகை செய்கிறது.
20. யெகோவாவினுடைய தூதர்களே, [QBR2] அவருடைய வார்த்தைக்குக் கீழ்ப்படிந்து, [QBR2] அவர் கட்டளையிடுகிறதைச் செய்கிற பலவான்களே, அவரைத் துதியுங்கள். [QBR]
21. பரலோகத்தில் உள்ள யெகோவாவினுடைய சேனைகளே, [QBR2] அவருடைய திட்டத்தைச் செய்கிற அவருடைய பணியாளர்களே, அவரைத் துதியுங்கள். [QBR]
22. யெகோவா ஆளுகை செய்கிற எல்லா இடங்களிலுமுள்ள அவருடைய படைப்புகளே, [QBR2] அவரைத் துதியுங்கள். என் ஆத்துமாவே, யெகோவாவைத் துதி. [PE]