1. யெகோவாவே, என் மன்றாட்டைக் கேளும்; [QBR2] உதவிக்காக என் கதறுதல் உம்மிடம் வந்துசேர்வதாக. [QBR]
2. நான் துன்பத்தில் இருக்கும்போது [QBR2] உமது முகத்தை என்னிடமிருந்து மறைத்துக் கொள்ளாதேயும்; [QBR] நான் கூப்பிடும்போது உமது செவியை என் பக்கமாய்த் திருப்பி, [QBR2] விரைவாய் எனக்குப் பதிலளியும்.
3. என் நாட்கள் புகையைப்போல் மறைந்துபோகின்றன; [QBR2] என் எலும்புகள் தகதகக்கும் தணல்கள்போல் எரிகின்றன. [QBR]
4. என் இருதயம் புல்லைப்போல் உலர்ந்து கருகிப்போயிற்று; [QBR2] நான் என் உணவைச் சாப்பிடவும் மறக்கிறேன். [QBR]
5. என் உரத்த பெருமூச்சினால் [QBR2] நான் எலும்பும் தோலுமானேன்; [QBR]
6. நான் ஒரு பாலைவன ஆந்தையைப்போல் இருக்கிறேன்; [QBR2] பாழிடங்களில் உள்ள ஓர் ஆந்தையைப்போல் இருக்கிறேன். [QBR]
7. நான் நித்திரையின்றிப் படுத்திருக்கிறேன்; [QBR2] நான் வீட்டுக்கூரைமேல் தனித்திருக்கும் ஒரு பறவைபோல் ஆனேன். [QBR]
8. என் பகைவர் நாள்முழுவதும் என்னை நிந்திக்கிறார்கள்; [QBR2] எனக்கு விரோதமாக வசை கூறுகிறவர்கள் என் பெயரைச் சாபமாகப் பயன்படுத்துகிறார்கள். [QBR]
9. நான் சாம்பலை உணவாகச் சாப்பிட்டு, [QBR2] என் பானத்தைக் கண்ணீரோடு கலக்கிறேன். [QBR]
10. உமது கடுங்கோபத்திற்கு உள்ளானேன். [QBR2] நீர் என்னை தூக்கி, ஒரு பக்கமாய் வைத்துவிட்டீர். [QBR]
11. என் வாழ்நாட்கள் மாலைநேர நிழலைப் போன்றது; [QBR2] நான் புல்லைப்போல் வாடிப் போகின்றேன்.
12. ஆனால் நீரோ யெகோவாவே, என்றென்றும் சிங்காசனத்தில் அமர்ந்திருக்கிறீர்; [QBR2] உமது கீர்த்தி எல்லாத் தலைமுறைகளுக்கும் நீடித்திருக்கும். [QBR]
13. நீர் எழுந்து சீயோன்மேல் கருணை காட்டும்; [QBR2] இதுவே நீர் அதற்கு தயை காட்டும் காலம், [QBR2] நியமிக்கப்பட்ட காலமும் வந்துவிட்டது. [QBR]
14. சீயோனின் கற்கள் உமது பணியாளர்களுக்கு அருமையாய் இருக்கின்றன; [QBR2] அதின் தூசியின்மேலும் அவர்கள் அனுதாபம் கொள்கிறார்கள். [QBR]
15. நாடுகள் யெகோவாவினுடைய பெயருக்குப் பயப்படுவார்கள்; [QBR2] பூமியின் அரசர்கள் எல்லோரும் உமது மகிமைக்கு மரியாதை செலுத்துவார்கள். [QBR]
16. யெகோவா திரும்பவும் சீயோனைக் கட்டியெழுப்பி, [QBR2] தம் மகிமையில் காட்சியளிப்பார். [QBR]
17. ஆதரவற்றவர்களின் மன்றாட்டிற்கு அவர் பதிலளிப்பார்; [QBR2] அவர்களுடைய வேண்டுதல்களை அவர் புறக்கணிக்கமாட்டார்.
18. இனிமேல் உருவாக்கப்படும் மக்கள் யெகோவாவை துதிக்கும்படி, [QBR2] இனிவரப்போகும் தலைமுறையினருக்காக இது எழுதப்படுவதாக: [QBR]
19. “யெகோவா தமது உயர்ந்த பரிசுத்த இடத்திலிருந்து கீழே பார்த்தார்; [QBR2] அவர் பரலோகத்திலிருந்து பூமியை நோக்கி, [QBR]
20. அவர் சிறையிருப்பவர்களின் வேதனைக் குரலைக் கேட்கவும், [QBR2] மரணத்தீர்ப்பிற்கு உள்ளானவர்களை விடுதலையாக்கவுமே பார்க்கிறார்.” [QBR]
21. ஆகையால் மக்களும் அரசுகளும் [QBR2] யெகோவாவை வழிபடுவதற்கு கூடிவரும்போது, [QBR]
22. சீயோனில் யெகோவாவினுடைய பெயரும் [QBR2] எருசலேமில் அவருடைய துதியும் அறிவிக்கப்படும்.
23. யெகோவா என் வாழ்க்கைப் பாதையிலே என் பெலனை குறையப்பண்ணினார்; [QBR2] என் நாட்களையும் குறுகச்செய்தார். [QBR]
24. அப்பொழுது நான் அவரிடம் உரைத்தது, [QBR] “இறைவனே, என் வாழ்நாட்களின் இடையிலேயே என்னை எடுத்துக் கொள்ளாதிரும்; [QBR2] உமது வருடங்கள் எல்லாத் தலைமுறைகளுக்கும் நீடித்திருக்கின்றனவே. [QBR]
25. நீர் ஆதியிலே பூமிக்கு அஸ்திபாரங்களை அமைத்தீர்; [QBR2] வானங்களும் உமது கரங்களின் வேலையாய் இருக்கின்றன. [QBR]
26. அவை அழிந்துபோகும், நீரோ நிலைத்திருப்பீர்; [QBR2] அவையெல்லாம் உடையைப்போல பழமையாய்ப்போகும்; [QBR] உடையைப்போல் நீர் அவைகளை மாற்றுவீர்; [QBR2] அவைகளெல்லாம் ஒதுக்கித் தள்ளப்படும். [QBR]
27. நீரோ மாறாதவராய் நிலைத்திருக்கிறீர், [QBR2] உம்முடைய வருடங்கள் ஒருபோதும் முடிந்து போவதில்லை. [QBR]
28. உமது அடியாரின் பிள்ளைகள் உமது சமுதாயத்தில் குடியிருப்பார்கள்; [QBR2] அவர்களுடைய சந்ததியும் உமக்கு முன்பாக நிலைகொண்டிருக்கும்.” [PE]