1. [QS]யெகோவாவே, என் மன்றாட்டைக் கேளும்; [QE][QS2]உதவிக்காக என் கதறுதல் உம்மிடம் வந்துசேர்வதாக. [QE]
2. [QS]நான் துன்பத்தில் இருக்கும்போது [QE][QS2]உமது முகத்தை என்னிடமிருந்து மறைத்துக் கொள்ளாதேயும்; [QE][QS]நான் கூப்பிடும்போது உமது செவியை என் பக்கமாய்த் திருப்பி, [QE][QS2]விரைவாய் எனக்குப் பதிலளியும். [QE][PBR]
3. [QS]என் நாட்கள் புகையைப்போல் மறைந்துபோகின்றன; [QE][QS2]என் எலும்புகள் தகதகக்கும் தணல்கள்போல் எரிகின்றன. [QE]
4. [QS]என் இருதயம் புல்லைப்போல் உலர்ந்து கருகிப்போயிற்று; [QE][QS2]நான் என் உணவைச் சாப்பிடவும் மறக்கிறேன். [QE]
5. [QS]என் உரத்த பெருமூச்சினால் [QE][QS2]நான் எலும்பும் தோலுமானேன்; [QE]
6. [QS]நான் ஒரு பாலைவன ஆந்தையைப்போல் இருக்கிறேன்; [QE][QS2]பாழிடங்களில் உள்ள ஓர் ஆந்தையைப்போல் இருக்கிறேன். [QE]
7. [QS]நான் நித்திரையின்றிப் படுத்திருக்கிறேன்; [QE][QS2]நான் வீட்டுக்கூரைமேல் தனித்திருக்கும் ஒரு பறவைபோல் ஆனேன். [QE]
8. [QS]என் பகைவர் நாள்முழுவதும் என்னை நிந்திக்கிறார்கள்; [QE][QS2]எனக்கு விரோதமாக வசை கூறுகிறவர்கள் என் பெயரைச் சாபமாகப் பயன்படுத்துகிறார்கள். [QE]
9. [QS]நான் சாம்பலை உணவாகச் சாப்பிட்டு, [QE][QS2]என் பானத்தைக் கண்ணீரோடு கலக்கிறேன். [QE]
10. [QS]உமது கடுங்கோபத்திற்கு உள்ளானேன். [QE][QS2]நீர் என்னை தூக்கி, ஒரு பக்கமாய் வைத்துவிட்டீர். [QE]
11. [QS]என் வாழ்நாட்கள் மாலைநேர நிழலைப் போன்றது; [QE][QS2]நான் புல்லைப்போல் வாடிப் போகின்றேன். [QE][PBR]
12. [QS]ஆனால் நீரோ யெகோவாவே, என்றென்றும் சிங்காசனத்தில் அமர்ந்திருக்கிறீர்; [QE][QS2]உமது கீர்த்தி எல்லாத் தலைமுறைகளுக்கும் நீடித்திருக்கும். [QE]
13. [QS]நீர் எழுந்து சீயோன்மேல் கருணை காட்டும்; [QE][QS2]இதுவே நீர் அதற்கு தயை காட்டும் காலம், [QE][QS2]நியமிக்கப்பட்ட காலமும் வந்துவிட்டது. [QE]
14. [QS]சீயோனின் கற்கள் உமது பணியாளர்களுக்கு அருமையாய் இருக்கின்றன; [QE][QS2]அதின் தூசியின்மேலும் அவர்கள் அனுதாபம் கொள்கிறார்கள். [QE]
15. [QS]நாடுகள் யெகோவாவினுடைய பெயருக்குப் பயப்படுவார்கள்; [QE][QS2]பூமியின் அரசர்கள் எல்லோரும் உமது மகிமைக்கு மரியாதை செலுத்துவார்கள். [QE]
16. [QS]யெகோவா திரும்பவும் சீயோனைக் கட்டியெழுப்பி, [QE][QS2]தம் மகிமையில் காட்சியளிப்பார். [QE]
17. [QS]ஆதரவற்றவர்களின் மன்றாட்டிற்கு அவர் பதிலளிப்பார்; [QE][QS2]அவர்களுடைய வேண்டுதல்களை அவர் புறக்கணிக்கமாட்டார். [QE][PBR]
18. [QS]இனிமேல் உருவாக்கப்படும் மக்கள் யெகோவாவை துதிக்கும்படி, [QE][QS2]இனிவரப்போகும் தலைமுறையினருக்காக இது எழுதப்படுவதாக: [QE]
19. [QS]“யெகோவா தமது உயர்ந்த பரிசுத்த இடத்திலிருந்து கீழே பார்த்தார்; [QE][QS2]அவர் பரலோகத்திலிருந்து பூமியை நோக்கி, [QE]
20. [QS]அவர் சிறையிருப்பவர்களின் வேதனைக் குரலைக் கேட்கவும், [QE][QS2]மரணத்தீர்ப்பிற்கு உள்ளானவர்களை விடுதலையாக்கவுமே பார்க்கிறார்.” [QE]
21. [QS]ஆகையால் மக்களும் அரசுகளும் [QE][QS2]யெகோவாவை வழிபடுவதற்கு கூடிவரும்போது, [QE]
22. [QS]சீயோனில் யெகோவாவினுடைய பெயரும் [QE][QS2]எருசலேமில் அவருடைய துதியும் அறிவிக்கப்படும். [QE][PBR]
23. [QS]யெகோவா என் வாழ்க்கைப் பாதையிலே என் பெலனை குறையப்பண்ணினார்; [QE][QS2]என் நாட்களையும் குறுகச்செய்தார். [QE]
24. [QS]அப்பொழுது நான் அவரிடம் உரைத்தது, [QE][QS]“இறைவனே, என் வாழ்நாட்களின் இடையிலேயே என்னை எடுத்துக் கொள்ளாதிரும்; [QE][QS2]உமது வருடங்கள் எல்லாத் தலைமுறைகளுக்கும் நீடித்திருக்கின்றனவே. [QE]
25. [QS]நீர் ஆதியிலே பூமிக்கு அஸ்திபாரங்களை அமைத்தீர்; [QE][QS2]வானங்களும் உமது கரங்களின் வேலையாய் இருக்கின்றன. [QE]
26. [QS]அவை அழிந்துபோகும், நீரோ நிலைத்திருப்பீர்; [QE][QS2]அவையெல்லாம் உடையைப்போல பழமையாய்ப்போகும்; [QE][QS]உடையைப்போல் நீர் அவைகளை மாற்றுவீர்; [QE][QS2]அவைகளெல்லாம் ஒதுக்கித் தள்ளப்படும். [QE]
27. [QS]நீரோ மாறாதவராய் நிலைத்திருக்கிறீர், [QE][QS2]உம்முடைய வருடங்கள் ஒருபோதும் முடிந்து போவதில்லை. [QE]
28. [QS]உமது அடியாரின் பிள்ளைகள் உமது சமுதாயத்தில் குடியிருப்பார்கள்; [QE][QS2]அவர்களுடைய சந்ததியும் உமக்கு முன்பாக நிலைகொண்டிருக்கும்.” [QE]