1. யெகோவாவே, நீர் ஏன் தூரத்தில் நிற்கிறீர்? [QBR2] துன்ப நேரங்களில் நீர் ஏன் மறைந்துகொள்கிறீர்?
2. கொடுமையானவன் பெருமையினால் பலவீனமானவர்களை வேட்டையாடுகிறான்; [QBR2] அவன் தீட்டுகிற சதித்திட்டங்களில் அவர்கள் அகப்பட்டுக் கொள்கிறார்கள். [QBR]
3. அவன் தன் இருதயத்தின் பேராசைகளைக் குறித்துப் பெருமைகொள்கிறான்; [QBR2] அவன் பேராசைக்காரரை வாழ்த்தி யெகோவாவை நிந்திக்கிறான். [QBR]
4. கொடுமையானவன் தன் பெருமையின் நிமித்தம் இறைவனைத் தேடுவதில்லை; [QBR2] அவனுடைய சிந்தனைகளிலெல்லாம் அவருக்கு இடமேயில்லை. [QBR]
5. அவனுடைய வழிகள் எப்பொழுதுமே செழிப்பாயிருக்கின்றன; [QBR2] உமது நீதிநெறிகளை அவன் ஒதுக்கி வைத்துள்ளான்; [QBR2] தன் பகைவர் அனைவரையும் ஏளனம் செய்கிறான். [QBR]
6. அவன் தனக்குள்ளே, “என்னை ஒன்றும் அசைக்கப்படுவதில்லை, [QBR2] எனக்குத் தலைமுறை தலைமுறைதோறும் கஷ்டம் வராது” என்று சொல்லிக்கொள்கிறான்.
7. அவனுடைய வாய் சாபமும் பொய்யும் கொடுமையும் நிறைந்தது; [QBR2] அவனுடைய நாவின்கீழே பிரச்சனையும் தீமையும் இருக்கின்றன. [QBR]
8. அவன் கிராமங்களின் அருகே பதுங்கிக் காத்திருக்கிறான்; [QBR2] பதுங்கியிருந்து குற்றமற்றவனைக் கொலைசெய்கிறான். [QBR] திக்கற்றவர்களைப் பிடிப்பதிலேயே கண்ணோக்கமாயிருந்து, [QBR2]
9. பதுங்கியிருக்கும் சிங்கத்தைப்போல் காத்திருக்கிறான். [QBR] அவன் ஆதரவற்றோரைப் பிடிப்பதற்காக காத்திருக்கிறான்; [QBR2] அவன் உதவியற்றோரைப் பிடித்து தன் வலையில் இழுத்துக்கொள்கிறான். [QBR]
10. அவனிடம் அகப்பட்டவர்கள் நசுக்கப்பட்டு நிலைகுலைந்து போகிறார்கள்; [QBR2] அவனுடைய பெலத்தினால் அவர்கள் வீழ்ந்துபோகிறார்கள். [QBR]
11. “இறைவன் கண்டுகொள்ளமாட்டார்; [QBR2] அவர் தமது முகத்தை மறைத்து, ஒருபோதும் அதைக் காண்பதில்லை” [QBR2] என்று கொடுமையானவன் தனக்குள் சொல்லிக்கொள்கிறான்.
12. யெகோவாவே, எழுந்தருளும்; இறைவனே, உமது கரத்தை உயர்த்தும்; [QBR2] ஆதரவற்றோரை மறவாதிரும். [QBR]
13. கொடுமையானவன் இறைவனை நிந்திப்பது ஏன்? [QBR2] “அவர் என்னிடம் கணக்குக் கேட்பதில்லை” என்று [QBR2] அவன் தனக்குள்ளேயே சொல்லிக்கொள்வது ஏன்? [QBR]
14. ஆனாலும் இறைவனே, நீரோ பாதிக்கப்பட்டோரின் பிரச்சனையைக் காண்கிறீர்; [QBR2] நீர் அவர்களின் துயரங்களைக் கவனித்து, [QBR2] அவர்களுக்கு உதவிசெய்யக் கருத்தாய் இருக்கிறீர். [QBR] பாதிக்கப்பட்டோர்கள் தம்மை உம்மிடம் ஒப்படைக்கிறார்கள்; [QBR2] திக்கற்றவர்களுக்கு நீரே துணையாய் இருக்கிறீர். [QBR]
15. கொடுமையுள்ள மனிதனின் கரங்களை முறியும். [QBR2] தீயவனுடைய கொடுமையைக் குறித்து அவனிடம் கணக்குக் கேளும். [QBR2] இல்லையெனில் அதைக் கண்டுபிடிக்க முடியாது.
16. யெகோவா என்றென்றைக்கும் அரசராயிருக்கிறார்; [QBR2] அவருடைய நாட்டிலிருந்து பிற மக்கள் அழிந்துபோவார்கள். [QBR]
17. யெகோவாவே, நீர் துன்பப்பட்டோரின் வாஞ்சையைக் கேட்கிறீர்; [QBR2] அவர்களை உற்சாகப்படுத்தி அவர்களுடைய கதறுதலைக் கேட்கிறார். [QBR]
18. பூமிக்குரிய மனிதன் இனி ஒருபோதும் [QBR2] மற்றவர்களுக்கு திகிலூட்டுபவனாய் இராதபடி, [QBR2] நீர் திக்கற்றவர்களையும் ஒடுக்கப்பட்டவர்களையும் பாதுகாக்கிறீர். [PE]