1. {ஞானத்தின் அழைப்பு} [PS] ஞானம் அழைக்கிறதில்லையோ? [QBR2] புரிந்துகொள்ளுதல் குரல் எழுப்புகிறதில்லையோ? [QBR]
2. அது வழியிலுள்ள மேடுகளிலும் [QBR2] தெருக்கள் சந்திக்கும் இடங்களிலும் நிற்கிறது. [QBR]
3. அது பட்டணத்திற்குப் போகும் வாசல்களின் அருகில், [QBR2] அதின் நுழைவாசலில் நின்று, சத்தமிட்டுக் கூப்பிடுகிறது: [QBR]
4. “மனிதர்களே, நான் உங்களைக் கூப்பிடுகிறேன்; [QBR2] மனுக்குலம் எல்லாம் கேட்கும்படி என் சத்தத்தை உயர்த்துகிறேன். [QBR]
5. அறிவில்லாதவர்களே, விவேகத்தை அடையுங்கள்; [QBR2] மூடர்களே, விவேகத்தின்மேல் மனதை வைத்துக்கொள்ளுங்கள். [QBR]
6. கேளுங்கள், சொல்லுவதற்கு நம்பகமான காரியங்கள் என்னிடம் இருக்கிறது; [QBR2] என் உதடுகள் நேர்மையான காரியங்களைப் பேசும். [QBR]
7. உண்மையானது எதுவோ, அதையே என் வாய் பேசுகிறது; [QBR2] கொடுமையை என் உதடுகள் வெறுக்கிறது. [QBR]
8. என் வாயின் வார்த்தைகள் எல்லாம் நீதியானவை; [QBR2] அவற்றில் கபடமோ, வஞ்சனையோ இல்லை. [QBR]
9. பகுத்தறிவு உள்ளவர்களுக்கு அவை தெளிவானவை; [QBR2] அறிவுடையோருக்கு அவை நேர்மையானவை. [QBR]
10. வெள்ளியைவிட என் அறிவுரைகளையும் [QBR2] தங்கத்தைவிட அறிவையும் தெரிந்தெடு. [QBR]
11. ஏனெனில் ஞானம் பவளத்தைவிட அதிக மதிப்புள்ளது; [QBR2] நீ விரும்பும் எதுவும் அதற்கு நிகரானது அல்ல.
12. “ஞானமாகிய நான், விவேகத்துடன் ஒன்றாக குடியிருக்கிறேன்; [QBR2] எனக்கு அறிவும் பகுத்தறிவும் இருக்கிறது. [QBR]
13. தீமையை வெறுப்பதே யெகோவாவுக்குப் பயந்து நடப்பதாகும்; [QBR2] பெருமையையும் அகந்தையையும் [QBR2] தீய நடத்தையையும் வஞ்சகப்பேச்சையும் நான் வெறுக்கிறேன். [QBR]
14. ஆலோசனையும் நிதானிக்கும் ஆற்றலும் என்னுடையவை; [QBR2] என்னிடம் மெய்யறிவும் வல்லமையும் உண்டு. [QBR]
15. என்னால் அரசர்கள் ஆட்சி செய்கிறார்கள், [QBR2] ஆளுநர்களும் நீதியான சட்டங்களை இயற்றுகிறார்கள். [QBR]
16. என்னால் இளவரசர்கள் ஆள்கிறார்கள், [QBR2] நீதிபதிகள் யாவரும் நீதித்தீர்ப்பை வழங்குகிறார்கள். [QBR]
17. என்னை நேசிக்கிறவர்களை நானும் நேசிக்கிறேன்; [QBR2] என்னைத் தேடுகிறவர்கள் என்னைக் கண்டுகொள்வார்கள். [QBR]
18. என்னிடத்தில் செல்வமும் கனமும் [QBR2] நிலையான சொத்தும் நீதியும் இருக்கின்றன. [QBR]
19. என்னால் வரும் பலன் தங்கத்திலும் சிறந்தது; [QBR2] தரமான வெள்ளியிலும் மேன்மையானது. [QBR]
20. நான் நீதியான வழியிலும் [QBR2] நியாயமான பாதைகளிலும் நடக்கிறேன். [QBR]
21. என்னை நேசிப்பவர்களுக்கு செல்வத்தை வழங்குகிறேன், [QBR2] அவர்களுடைய களஞ்சியத்தையும் நிரப்புகிறேன்.
22. “யெகோவா தம் பூர்வீக செயல்களுக்கு முன்பே, [QBR2] தமது வேலைப்பாடுகளில் முதன்மையாக என்னைப் படைத்திருந்தார்; [QBR]
23. நீண்ட காலத்திற்கு முன்பு நான் உருவாக்கப்பட்டேன், [QBR2] உலகம் உண்டாவதற்கு முன்பே, ஆரம்பத்திலிருந்தே நான் படைக்கப்பட்டேன். [QBR]
24. சமுத்திரங்கள் உண்டாவதற்கு முன்பே நான் பிறந்தேன், [QBR2] அப்பொழுது தண்ணீர் நிறைந்த ஊற்றுக்களும் இருக்கவில்லை. [QBR]
25. மலைகளும் குன்றுகளும் அவற்றுக்குரிய இடங்களில் அமையுமுன்பே [QBR2] நான் பிறந்திருந்தேன். [QBR]
26. அவர் பூமியையோ அதின் நிலங்களையோ [QBR2] உலகத்தில் மண்ணையோ உண்டாக்குவதற்கு முன்பே நான் இருந்தேன். [QBR]
27. அவர் வானங்களை அதற்குரிய இடத்தில் அமைத்தபோதும், [QBR2] ஆழத்தின் மேற்பரப்பில் அவர் அடிவானத்தை குறித்தபோதும் நான் அங்கிருந்தேன். [QBR]
28. அத்துடன் மேலே மேகத்தை நிலைநிறுத்தும் போதும், [QBR2] ஆழத்தின் ஊற்றுகளை கவனமாய் அமைத்தபோதும் நான் அங்கிருந்தேன். [QBR]
29. கடலுக்கு எல்லையை அமைத்து, [QBR2] தண்ணீர் அவருடைய கட்டளையை மீறி வெளியேறாதபடி [QBR] அவர் பூமிக்கு அதின் அஸ்திபாரத்தைக் குறியிட்டபோதும் நான் அங்கேயே இருந்தேன். [QBR2]
30. அப்பொழுது நான் யெகோவாவின் அருகில் ஒரு திறமைவாய்ந்த சிற்பியாக இருந்தேன். [QBR] நான் நாள்தோறும் அவருக்குப் பிரியமாயிருந்து, [QBR2] எப்பொழுதும் அவருக்கு முன்பாகக் களிகூர்ந்தேன். [QBR]
31. அவருடைய உலகம் முழுவதிலும் நான் சந்தோஷமாய் செயலாற்றி, [QBR2] மனுமக்களில் நான் மகிழ்ச்சி அடைந்தேன்.
32. “ஆகையால் என் பிள்ளைகளே, எனக்குச் செவிகொடுங்கள்; [QBR2] எனது வழியைக் கைக்கொள்ளுகிறவர்கள் ஆசீர்வதிக்கப்பட்டவர்கள். [QBR]
33. எனது அறிவுறுத்தலைக் கேட்டு ஞானமுள்ளவர்களாயிருங்கள்; [QBR2] அதை அலட்சியம் செய்யவேண்டாம். [QBR]
34. நாள்தோறும் என் வாசலில் காவல் செய்து, [QBR2] என் கதவருகே காத்திருந்து, [QBR2] எனக்குச் செவிகொடுப்பவர்கள் ஆசீர்வதிக்கப்பட்டவர்கள். [QBR]
35. என்னைத் தேடிக் கண்டடைகிறவர்கள் வாழ்வைக் கண்டடைவார்கள்; [QBR2] யெகோவாவிடமிருந்து தயவையும் பெறுவார்கள். [QBR]
36. ஆனால் என்னைத் தேடிக் கண்டடையாதவர்கள் தங்களுக்கே தீமை செய்கிறார்கள்; [QBR2] என்னை வெறுக்கிறவர்கள் மரணத்தையே விரும்புகிறார்கள்.” [PE]