1. [QS]அரசனுடைய இருதயம் யெகோவாவின் கரத்தில் நீரோடைகளைப் போலிருக்கின்றது; [QE][QS2]அவர் அதைத் தாம் விரும்பியவர்களிடம் நடத்துகிறார். [QE][PBR]
2. [QS]மனிதனுடைய வழியெல்லாம் அவனுக்குச் சரியானதாகவே தோன்றும், [QE][QS2]ஆனால் யெகோவா இருதயத்தின் சிந்தனைகளை சோதித்து அறிகிறார். [QE][PBR]
3. [QS]பலி செலுத்துவதைப் பார்க்கிலும், [QE][QS2]நியாயத்தையும் நீதியையும் செய்வதே யெகோவாவுக்கு விருப்பம். [QE][PBR]
4. [QS]கொடியவர்களின் உழாத நிலம் என்பது, [QE][QS2]அவர்களின் பாவத்தை உண்டாக்கும் அகந்தையான பார்வையும் பெருமையான இருதயமுமே. [QE][PBR]
5. [QS]அவசரச்செயல் வறுமையைக் கொடுப்பது நிச்சயம், [QE][QS2]அதுபோலவே கடின உழைப்புள்ளவர்களின் திட்டங்கள் இலாபத்தைக் கொடுப்பதும் நிச்சயம். [QE][PBR]
6. [QS]பொய் சொல்லி சம்பாதிக்கும் செல்வம், [QE][QS2]பறந்து செல்லும் நீராவியாயும் மரணக் கண்ணியாயும் இருக்கும். [QE][PBR]
7. [QS]கொடியவர்கள் நியாயஞ்செய்ய மறுப்பதால், [QE][QS2]அவர்களின் வன்முறை அவர்களையே வாரிச்செல்லும். [QE][PBR]
8. [QS]குற்றவாளிகளின் வழி கோணலானது, [QE][QS2]ஆனால் குற்றமற்றவர்களின் நடத்தையோ நேர்மையானது. [QE][PBR]
9. [QS]சண்டைக்கார மனைவியுடன் வீட்டில் ஒன்றாய் வாழ்வதைவிட, [QE][QS2]கூரையின் மூலையில் தனித்து வாழ்வது சிறந்தது. [QE][PBR]
10. [QS]கொடியவர்கள் தீமையை விரும்புகிறார்கள்; [QE][QS2]தமக்கு அடுத்திருப்போரை இரக்கத்தோடு பார்க்கமாட்டார்கள். [QE][PBR]
11. [QS]ஏளனம் செய்பவர்கள் தண்டிக்கப்படும்போது, அறிவற்றவர்கள் ஞானத்தைப் பெற்றுக்கொள்கிறார்கள்; [QE][QS2]ஞானமுள்ளவர்களுக்குப் போதிக்கும்போது, அவர்கள் அறிவைப் பெற்றுக்கொள்கிறார்கள். [QE][PBR]
12. [QS]நீதிபரரான இறைவன் கொடியவர்களின் வீட்டைக் கவனித்துப் பார்த்து, [QE][QS2]கொடியவர்களை தண்டிக்கிறார். [QE][PBR]
13. [QS]ஏழைகளின் அழுகைக்குச் செவிகொடுக்காதவர்களுக்கு [QE][QS2]தாங்கள் அழும்பொழுது பதில் கிடைக்காது. [QE][PBR]
14. [QS]இரகசியமாய் கொடுக்கும் அன்பளிப்பு கோபத்தைத் தணிக்கும்; [QE][QS2]அங்கியில் மறைத்துக் கொடுக்கும் இலஞ்சம் கடுஞ்சீற்றத்தைக் குறைக்கும். [QE][PBR]
15. [QS]நீதி செய்யப்படும்போது, அது நீதிமான்களுக்கு மகிழ்ச்சியைக் கொடுக்கிறது, [QE][QS2]ஆனால் தீயவர்களுக்கு பயமுண்டாக்கும். [QE][PBR]
16. [QS]விவேகத்தின் பாதையைவிட்டு விலகிச்செல்பவர்கள், [QE][QS2]முடிவில் இறந்தவர்களின் கூட்டத்தில் சேருவார்கள். [QE][PBR]
17. [QS]சிற்றின்பத்தை தேடுகிறவர்கள் ஏழையாவார்கள்; [QE][QS2]திராட்சைரசத்தையும் ஆடம்பரத்தையும் விரும்புகிறவர்கள் ஒருபோதும் செல்வந்தராவதில்லை. [QE][PBR]
18. [QS]கொடியவர்கள் நீதிமான்களையும், [QE][QS2]துரோகிகள் நேர்மையுள்ளவர்களையும் மீட்கும் பணயப் பொருளாவார்கள். [QE][PBR]
19. [QS]சண்டைக்காரியும் கோபக்காரியுமான மனைவியுடன் வாழ்வதைவிட, [QE][QS2]பாலைவனத்தில் வாழ்வது சிறந்தது. [QE][PBR]
20. [QS]சிறந்த உணவும் எண்ணெயும் ஞானமுள்ளோர் வீட்டில் இருக்கும்; [QE][QS2]மூடர்களோ எல்லாவற்றையும் தின்று குடித்து அழித்துவிடுவார்கள். [QE][PBR]
21. [QS]நீதியாகவும் அன்பாகவும் இருக்க விரும்புகிறவர்கள், [QE][QS2]வாழ்வையும் செழிப்பையும், மதிப்பையும் பெறுவார்கள். [QE][PBR]
22. [QS]ஞானமுள்ளவர்கள் பலவான்களின் பட்டணத்தைத் தாக்கி, [QE][QS2]அவர்கள் நம்பியிருக்கும் கோட்டையையும் இடித்துப் போடுவார்கள். [QE][PBR]
23. [QS]தங்கள் வாயையும் நாவையும் காத்துக்கொள்கிறவர்கள் [QE][QS2]பேரழிவிலிருந்து தங்களைக் காத்துக்கொள்கிறார்கள். [QE][PBR]
24. [QS]அகந்தையும் இறுமாப்பும் உள்ளவர்களுக்கு, “ஏளனக்காரர்கள்” என்று பெயர், [QE][QS2]அவர்கள் எல்லையற்ற ஆணவத்துடன் நடந்துகொள்கிறார்கள். [QE][PBR]
25. [QS]சோம்பேறியின் கைகள் வேலைசெய்ய மறுப்பதால், [QE][QS2]அவர்களின் ஆசையினால் அவர்கள் அழிவார்கள். [QE]
26. [QS]அவர்களுடைய பேராசை நாளுக்குநாள் அதிகரித்துக் கொண்டேயிருக்கிறது; [QE][QS2]ஆனால் நீதிமான்களோ, தாராளமாய்க் கொடுத்துக்கொண்டே இருப்பார்கள். [QE][PBR]
27. [QS]கொடியவர்கள் செலுத்தும் பலி அருவருப்பானது; [QE][QS2]அது தீயநோக்கத்துடன் செலுத்தப்படுமானால், அது இன்னும் எவ்வளவு அதிக அருவருப்பாயிருக்கும்! [QE][PBR]
28. [QS]பொய்ச்சாட்சி கூறுபவர்கள் அழிந்துபோவார்கள்; [QE][QS2]ஆனால் கவனமாய்க் கேட்பவர்கள் வெற்றிகரமாக சாட்சியளிப்பார். [QE][PBR]
29. [QS]கொடியவர்கள் தங்களைத் துணிச்சல்காரர்களாய் காண்பிக்கிறார்கள்; [QE][QS2]ஆனால் நேர்மையுள்ளவர்கள் தங்கள் வழிகளைச் சிந்தித்துப் பார்க்கிறார்கள். [QE][PBR]
30. [QS]யெகோவாவுக்கு எதிராக வெற்றியளிக்கக்கூடிய [QE][QS2]ஞானமோ, நுண்ணறிவோ, திட்டமோ எதுவும் இல்லை. [QE][PBR]
31. [QS]போரின் நாளுக்காக குதிரை ஆயத்தமாக்கப்பட்டிருக்கிறது, [QE][QS2]ஆனால் வெற்றியோ யெகோவாவினுடையது. [QE][PBR]