1. [QS]நட்புணர்வு இல்லாதவர்கள் சுயநலத்தையே தேடுகிறார்கள், [QE][QS2]அவர்கள் எல்லாவித சரியான நிதானிப்புகளையும் எதிர்த்து விவாதிக்கிறார்கள். [QE][PBR]
2. [QS]மூடர்கள் விளங்கிக்கொள்வதில் மகிழ்ச்சி கொள்வதில்லை, [QE][QS2]ஆனால் தங்கள் சொந்த அபிப்பிராயங்களை வெளிப்படுத்துவதில் மட்டும் பெருமகிழ்ச்சியடைகிறார்கள். [QE][PBR]
3. [QS]கொடுமை வரும்போது அவமதிப்பும் வரும், [QE][QS2]வெட்கத்துடன் அவமானமும் வரும். [QE][PBR]
4. [QS]வாயின் வார்த்தைகள் ஆழமான கடல், [QE][QS2]ஆனால் ஞானத்தின் ஊற்று பாய்ந்தோடும் நீரோடை. [QE][PBR]
5. [QS]கொடியவர்களுக்கு பாரபட்சம் காட்டுவதும், [QE][QS2]குற்றமில்லாதவர்களுக்கு நீதியை வழங்க மறுப்பதும் நல்லதல்ல. [QE][PBR]
6. [QS]மதியீனர்கள் பேச ஆரம்பித்தால் வாக்குவாதம் பிறக்கும், [QE][QS2]அவர்களுடைய வாயே அடிவாங்க வைக்கும். [QE][PBR]
7. [QS]மதியீனருடைய வாய் அவர்களுக்கு அழிவு; [QE][QS2]அவர்களுடைய உதடுகளோ அவர்களுடைய வாழ்விற்கு கண்ணி. [QE][PBR]
8. [QS]புறங்கூறுகிறவர்களின் வார்த்தைகள் சுவையான உணவைப் போன்றவை; [QE][QS2]அவை மனிதருடைய உள்ளத்தின் ஆழத்தில் பதிந்துவிடும். [QE][PBR]
9. [QS]தன்னுடைய வேலையில் சோம்பலாய் இருப்பவன் [QE][QS2]அழிப்பவனுக்குச் சகோதரன். [QE][PBR]
10. [QS]யெகோவாவினுடைய பெயர் பலமான கோபுரம்; [QE][QS2]நீதிமான்கள் அதற்குள் ஓடி பாதுகாப்பாய் இருப்பார்கள். [QE][PBR]
11. [QS]பணக்காரர்களின் செல்வம் அவர்களுடைய அரணான பட்டணம்; [QE][QS2]அதை அவர்கள் பாதுகாப்பான சுவரென்று எண்ணுகிறார்கள். [QE][PBR]
12. [QS]வீழ்ச்சிக்கு முன்னால் இருதயம் பெருமையடைகிறது, [QE][QS2]ஆனால் மேன்மைக்கு முன்பு மனத்தாழ்மை வருகிறது. [QE][PBR]
13. [QS]கவனித்துக் கேட்குமுன் பதில் சொல்வது, [QE][QS2]முட்டாள்தனமாகவும் வெட்கமாகவும் இருக்கும். [QE][PBR]
14. [QS]மனவலிமையால் நோயுற்ற உடலைத் தாங்கமுடியும்; [QE][QS2]மனம் உடைந்தால் யாரால் சகிக்கமுடியும்? [QE][PBR]
15. [QS]பகுத்தறியும் இருதயம் அறிவைச் சம்பாதிக்கிறது; [QE][QS2]ஞானமுள்ளவர்களின் காதுகள் அறிவை நாடும். [QE][PBR]
16. [QS]அன்பளிப்பு அதைக் கொடுப்பவர்களுக்கு வழி திறக்கிறது; [QE][QS2]அது அவர்களை உயர்ந்தோருக்கு முன்பாகக் கொண்டுவருகிறது. [QE][PBR]
17. [QS]வழக்கில் எதிரி வந்து விசாரணை செய்யும் வரையே [QE][QS2]முதலில் பேசுபவர்கள் நியாயமானவர்கள்போல் காணப்படுவார்கள். [QE][PBR]
18. [QS]சீட்டுப்போடுதல் சச்சரவுகளைத் தீர்க்கும், [QE][QS2]வலுவான எதிரிகளுக்கு இடையில் அது சிக்கலைத் தீர்க்கும். [QE][PBR]
19. [QS]அரண்சூழ்ந்த பட்டணத்தைக் கைப்பற்றுவதைப் பார்க்கிலும், மனதைப் புண்படுத்திய சகோதரனை சமாதானப்படுத்துவது கடினம்; [QE][QS2]விவாதங்கள் தாழ்ப்பாள் இடப்பட்ட கோட்டை வாசலைப் போலிருக்கின்றன. [QE][PBR]
20. [QS]அவரவர் வாயின் பலனால் அவர்களுடைய வயிறு நிரம்பும்; [QE][QS2]அவர்களின் உதட்டின் வார்த்தைகளால் அவர்கள் திருப்தியடையலாம். [QE][PBR]
21. [QS]வாழ்வும் சாவும் நாவின் சொற்களில் இருக்கிறது; [QE][QS2]நற்சொற்களை நேசிப்பவர்கள் அதின் பலனைச் சாப்பிடுவார்கள். [QE][PBR]
22. [QS]மனைவியைப் பெறுகிறவன் நன்மையைப் பெற்றுக்கொள்கிறான்; [QE][QS2]அவன் யெகோவாவிடத்தில் தயவையும் பெறுவான். [QE][PBR]
23. [QS]ஏழைகள் இரக்கத்திற்காக கெஞ்சுகிறார்கள்; [QE][QS2]ஆனால் பணக்காரர்களோ கடுமையாகப் பதிலளிக்கிறார்கள். [QE][PBR]
24. [QS]நம்பக்கூடாத நண்பர்கள் விரைவில் அழிவைக் கொண்டுவருவார்கள்; [QE][QS2]ஆனால் சகோதரனைவிட நெருங்கிய நண்பரும் உண்டு. [QE][PBR]