1. {இஸ்ரயேலின்மீது யெகோவாவின் குற்றச்சாட்டு} [PS] யெகோவா சொல்கிறதைக் கேளுங்கள்: [QBR] “எழுந்து, மலைகள் முன் உங்கள் வழக்கை வாதாடுங்கள்; [QBR2] குன்றுகள் எல்லாம் நீங்கள் சொல்லப்போவதைக் கேட்கட்டும்.
2. “மலைகளே, யெகோவாவின் குற்றச்சாட்டைக் கேளுங்கள்; [QBR2] பூமியின் நிலையான அஸ்திபாரங்களே, செவிகொடுங்கள். [QBR] தம் மக்களுக்கெதிரான வழக்கொன்று யெகோவாவுக்கு உண்டு. [QBR2] இஸ்ரயேலுக்கு எதிராக அவர் ஒரு குற்றச்சாட்டைக் கொண்டுவருகிறார்.
3. “யெகோவா சொல்கிறதாவது: என் மக்களே, நான் உங்களுக்கு என்ன செய்தேன்? [QBR2] நான் எவ்விதம் உங்கள்மேல் பாரத்தைச் சுமத்தினேன்? எனக்குப் பதில் சொல்லுங்கள். [QBR]
4. எகிப்திலிருந்து நான் உங்களை வெளியே கொண்டுவந்தேன். [QBR2] அடிமைத்தன நாட்டிலிருந்து மீட்டு வந்தேன். [QBR] உங்களை வழிநடத்த மோசேயுடன், [QBR2] ஆரோனையும் மிரியாமையும் அனுப்பினேன். [QBR]
5. என் மக்களே, [QBR2] மோவாபிய அரசன் பாலாக் என்ன ஆலோசனை செய்தான் என்பதையும், [QBR] பேயோரின் மகன் பிலேயாம் என்ன பதிலைக் கொடுத்தான் [QBR2] என்பதையும் நினைத்துப் பாருங்கள். [QBR] யெகோவா உங்களுக்குச் செய்த நீதியான செயல்களை நீங்கள் அறிந்துகொள்ளும்படி, [QBR2] சித்தீமிலிருந்து கில்காலுக்குப் போன உங்கள் பயணத்தை நினைத்துப் பாருங்கள்.”
6. இஸ்ரயேல் மக்கள் சொல்கிறதாவது: [QBR2] “யெகோவாவிடம் நாங்கள் எதைக் கொண்டுவருவோம். [QBR] மேன்மையான இறைவனுக்கு முன்பாக எதனுடன் தலைகுனிந்து வழிபடுவோம்? [QBR2] அவர் முன்பாக ஒரு வயதுக் கன்றுக்குட்டிகளைத் தகன காணிக்கையாகக் கொண்டுவருவோமா? [QBR]
7. ஆயிரக்கணக்கான செம்மறியாட்டுக் கடாக்களிலும், [QBR2] பதினாயிரக் கணக்கான எண்ணெய் ஆறுகளிலும் யெகோவா விருப்பமாயிருப்பாரோ? [QBR] என் மீறுதலுக்காக என் முதற்பேறான பிள்ளையைக் காணிக்கையாகச் செலுத்தட்டுமா? [QBR2] என் ஆத்துமாவின் பாவங்களுக்காக என் கர்ப்பக்கனியை நான் கொடுக்கட்டுமா?” [QBR]
8. மனிதனே, நல்லது என்ன என்பதை அவர் உனக்குக் காட்டியிருக்கிறாரே; [QBR2] யெகோவா உன்னிடம் எதைக் கேட்கிறார்? [QBR] நீதியாய் நடந்து, இரக்கத்தை நேசித்து, [QBR2] உன் இறைவனுடன் தாழ்மையாய் நடக்கும்படி தானே கேட்கிறார்.
9. {இஸ்ரயேலின் குற்றமும் நியாயத்தீர்ப்பும்} [PS] கேளுங்கள், யெகோவா எருசலேம் நகரத்தை நோக்கிக் கூப்பிடுகிறார். [QBR2] அவருடைய பெயருக்குப் பயந்து நடப்பதே ஞானம். [QBR2] “வரப்போகும் தண்டனையின் கோலையும், அதை நியமித்தவரையும் கவனத்திற்கொள்ளுங்கள். [QBR]
10. கொடுமையானவர்களின் வீடே, [QBR2] நீங்கள் நல்லதல்லாத வழியில் சம்பாதித்த சொத்துக்களையும், [QBR] நீங்கள் பயன்படுத்துகிறதான மற்றவர்களை ஏமாற்றும் அளவையையும் [QBR2] நான் இன்னும் மறக்கவேண்டுமோ? [QBR]
11. போலித் தராசையும், போலிப் படிக்கற்கள் இருக்கும் [QBR2] பையையும் வைத்திருக்கிறவனையும் [QBR2] நான் குற்றமற்றவனெனத் தீர்க்கவேண்டுமோ? [QBR]
12. உன் செல்வந்தர்கள் வன்முறையாளர்கள். [QBR2] உன் மக்கள் பொய்யர்கள். [QBR2] அவர்களுடைய நாவுகள் வஞ்சகத்தையே பேசுகின்றன. [QBR]
13. அதனாலேதான் நான் உன்னை அழிக்கத் தொடங்கிவிட்டேன். [QBR2] உன் பாவங்களுக்காக உன்னைப் பாழாக்கத் தொடங்கிவிட்டேன். [QBR]
14. நீ சாப்பிடுவாய்; ஆனால் திருப்தியடையமாட்டாய். [QBR2] உன் வயிறோ இன்னும் வெறுமையாகவே இருக்கும். [QBR] நீ சேர்த்து வைப்பாய்; ஆனால் சேமிக்கமாட்டாய். [QBR2] ஏனெனில் உன் சேமிப்புகளை எல்லாம் நான் வாளுக்கு ஒப்புக்கொடுப்பேன். [QBR]
15. நீ விதைப்பாய்; ஆனால் அறுவடை செய்யமாட்டாய். [QBR2] நீ ஒலிவ விதைகளைப் பிழிந்தெடுப்பாய்; ஆனால் எண்ணெயையோ பூசிக்கொள்ளமாட்டாய். [QBR2] திராட்சைப் பழங்களையும் நீ பிழிவாய்; ஆனால் இரசத்தையோ நீ குடிக்கமாட்டாய். [QBR]
16. உம்ரி அரசனின் நியமங்களையும் [QBR2] ஆகாப் வீட்டாரின் கேடான நடைமுறைகளையும் கைக்கொண்டு, [QBR2] அவர்களின் தீமையான சம்பிரதாய முறைகளையே நீ பின்பற்றினாய். [QBR] ஆதலால் நான் உன்னை அழிவுக்கும், [QBR2] உன் மக்களை ஏளனத்துக்கும் ஒப்புக்கொடுப்பேன். [QBR2] பிறநாடுகளின் ஏளனத்தை நீ சுமப்பாய்.” [PE]