1. [PS]மேலும் யெகோவா யோபுவிடம் சொன்னதாவது: [PE]
2. [QS]“எல்லாம் வல்லவருடன் வாதாடுகிறவன் அவரைத் திருத்துவானோ? [QE][QS2]இறைவனைக் குற்றம் சாட்டுகிறவன் அவருக்குப் பதிலளிக்கட்டும்.” [QE]
3. [PS]யோபு யெகோவாவுக்கு மறுமொழியாக சொன்னது: [PE]
4. [QS]“நான் தகுதியற்றவன்; நான் உமக்கு என்ன பதிலளிக்க முடியும்? [QE][QS2]நான் என் கையினால் வாயைப் பொத்திக்கொள்ளுகிறேன். [QE]
5. [QS]நான் ஒருமுறை பேசினேன், ஆமாம் இரண்டொருமுறை பேசினேன், ஆனால் என்னிடம் பதில் இல்லை; [QE][QS2]நான் இனிமேல் ஒன்றுமே சொல்லமாட்டேன்.” [QE]
6. [PS]அப்பொழுது யெகோவா பெருங்காற்றிலிருந்து யோபுவுடன் பேசினார்: [PE]
7. [QS]“இப்பொழுது நீ மனிதனைப்போல் திடமாய் நில்; [QE][QS2]நான் உன்னிடம் கேள்வி கேட்பேன், [QE][QS2]நீ எனக்குப் பதில் சொல். [QE][PBR]
8. [QS]“நீ என் நீதியை அவமதிப்பாயோ? [QE][QS2]நீ உன்னை நீதியுள்ளவனாக்குவதற்கு, என்னைக் குற்றவாளியென்று தீர்ப்பாயோ? [QE]
9. [QS]உன் புயம் இறைவனுடையதைப் போன்றதோ? [QE][QS2]உன் குரல் அவருடைய குரலைப்போல் முழங்குமோ? [QE]
10. [QS]அப்படியானால் உன்னை மகிமையினாலும் மகத்துவத்தினாலும் அழகுபடுத்தி, [QE][QS2]மேன்மையையும் மாட்சிமையையும் உடுத்திக்கொள். [QE]
11. [QS]உன் கோபத்தின் சீற்றத்தை வீசி, [QE][QS2]பெருமையுள்ளவர்களைச் சிறுமைப்படுத்து. [QE]
12. [QS]பெருமையுள்ள ஒவ்வொரு மனிதனையும் பார்த்து அவர்களைத் தாழ்மைப்படுத்து; [QE][QS2]கொடியவர்களை அவர்கள் நிற்கும் இடத்திலேயே நசுக்கிப் போடு. [QE]
13. [QS]அவர்கள் எல்லோரையும் ஒன்றாய் தூசிக்குள் புதைத்துவிடு; [QE][QS2]கல்லறையின் உள்ளே அவர்களின் முகங்களை மூடிப்போடு. [QE]
14. [QS]அப்பொழுது உன் வலதுகையே உன்னை மீட்கும் [QE][QS2]என்று நானும் ஒத்துக்கொள்வேன். [QE][PBR]
15. [QS]“இப்பொழுது உன்னோடுகூட [QE][QS2]நான் படைத்த நீர்யானையைப் பார்; [QE][QS2]அது எருதைப் போலவே புல் மேய்கிறது. [QE]
16. [QS]அதின் இடுப்பிலுள்ள பலம் எவ்வளவு? [QE][QS2]அதின் வயிற்றின் தசைநார்களின் வலிமை எவ்வளவு? [QE]
17. [QS]அதின் வால் கேதுரு மரத்தைப்போல் அசைகிறது; [QE][QS2]அதின் இடுப்பு நரம்புகள் நெருக்கமாகப் பிணைந்திருக்கின்றன. [QE]
18. [QS]அதின் எலும்புகள் வெண்கலக் குழாய்களாகவும், [QE][QS2]கால்கள் இரும்புத் தூண்களைப் போலவும் இருக்கின்றன. [QE]
19. [QS]இறைவனின் படைப்புகளில் இதுவே முதலிடம் பெறுகிறது; [QE][QS2]இருந்தும் அதைத் தமது வாளுடன் அணுக அதைப் படைத்தவரால் முடியும். [QE]
20. [QS]குன்றுகள் விளைச்சலைக் கொடுக்கும்; [QE][QS2]காட்டு விலங்குகளெல்லாம் அதனருகில் விளையாடும். [QE]
21. [QS]அது தாமரையின் கீழும், [QE][QS2]நாணலின் மறைவில் சேற்றிலும் படுத்துக்கொள்ளும். [QE]
22. [QS]தாமரைகளின் நிழல் அதை மூடுகின்றன; [QE][QS2]ஆற்றலறிகள் அதைச் சூழ்ந்து நிற்கின்றன. [QE]
23. [QS]ஆறு பெருக்கெடுக்கும்போது அது திகிலடைவதில்லை; [QE][QS2]யோர்தான் நதி அதின் வாய்க்கெதிராகப் பெருக்கெடுத்து ஓடினாலும், [QE][QS2]அது உறுதியாயிருக்கும். [QE]
24. [QS]அது பார்த்திருக்க அதை யார் பிடிக்கமுடியும்? [QE][QS2]மூக்கணாங்கயிறுபோட அதின் மூக்கை யார் குத்தமுடியும்? [QE][PBR]