1. {யெகோவா யோபுக்கு மறுமொழி கொடுத்தல்} [PS] அப்பொழுது யெகோவா பெருங்காற்றிலிருந்து யோபுவுடன் பேசினார்: [QBR]
2. “அறிவற்ற வார்த்தைகளினால் [QBR2] என் ஆலோசனையை தெளிவற்றதாக்குகிற இவன் யார்? [QBR]
3. இப்பொழுது நீ ஒரு திடமனிதனாய் நில்; [QBR2] நான் உன்னிடம் கேள்வி கேட்கப்போகிறேன், [QBR2] நீ எனக்குப் பதில் சொல்லவேண்டும்.
4. “நான் பூமிக்கு அஸ்திபாரம் போடும்போது நீ எங்கேயிருந்தாய்? [QBR2] உனக்கு விளங்கினால் அதை எனக்குச் சொல். [QBR]
5. அதின் அளவைக் குறித்தவர் யார்? அதின்மேல் அளவுநூலைப் பிடித்தது யார்? [QBR2] நீ சொல், உனக்குத் தெரிந்திருக்குமே! [QBR]
6. அதின் தூண்கள் எதன்மேல் அமைக்கப்பட்டிருக்கின்றன? [QBR2] அதின் மூலைக்கல்லை வைத்தவர் யார்? [QBR]
7. அப்பொழுது விடிவெள்ளிகள் ஒன்றாகக்கூடி பாட்டுப்பாடின; [QBR2] இறைத்தூதர்கள் ஒன்றுகூடி மகிழ்ச்சியால் ஆர்ப்பரித்தனரே.
8. “கடல் தன் கருப்பையிலிருந்து வெடித்து வெளிப்பட்டபோது, [QBR2] அதைக் கதவுகளுக்குப் பின்வைத்து அடைத்தவர் யார்? [QBR]
9. நான் மேகத்தை அதற்கு உடையாக வைத்தபோதும், [QBR2] காரிருளினால் அதைச் சுற்றியபோதும், [QBR]
10. நான் அதற்கு எல்லைகளை அமைத்துத் [QBR2] தாழ்ப்பாள்களையும் கதவுகளையும் வைத்தபோது நீ எங்கேயிருந்தாய்? [QBR]
11. நான் அதனிடம், ‘நீ இதுவரை வா, மீறி வராதே; [QBR2] உன் அகங்கார அலைகள் அடங்குவதாக’ என்று சொன்னபோது நீ எங்கேயிருந்தாய்?
12. “உன் வாழ்நாளில் காலைநேரத்திற்குக் கட்டளையிட்டு, [QBR2] அதிகாலைப்பொழுதுக்கு அதின் இடத்தைக் காட்டினதுண்டோ? [QBR]
13. இவ்வாறு, பூமியின் ஓரங்களைப் பிடித்து [QBR2] அதிலிருந்து கொடியவர்களை உதறித் தள்ளும்படி சொன்னதுண்டோ? [QBR]
14. முத்திரையிடப்பட்ட களிமண்போல் பூமி உருப்பெறுகிறது; [QBR2] அதின் இயற்கைத் தோற்றங்களும் உடைகளைப்போல் நிற்கின்றன. [QBR]
15. கொடியவர்களுக்கு வெளிச்சம் மறுக்கப்படுகிறது; [QBR2] உயர்த்தப்பட்ட அவர்களின் புயம் முறிக்கப்படும்.
16. “கடலின் ஊற்றுக்களுக்கு நீ போனதுண்டோ? [QBR2] அல்லது ஆழத்தின் உள்ளிடங்களில் நடந்திருக்கிறாயோ? [QBR]
17. மரண வாசல்கள் உனக்குக் காண்பிக்கப்பட்டதுண்டோ? [QBR2] மரண இருளின் வாசல்களை நீ கண்டதுண்டோ? [QBR]
18. பூமியின் அகன்ற வெளிகளை நீ விளங்கிக்கொண்டாயோ? [QBR2] இவைகளெல்லாம் உனக்குத் தெரியுமானால் எனக்குச் சொல்.
19. “வெளிச்சம் வசிக்கும் இடத்திற்குப் போகும் வழி எது? [QBR2] இருள் எங்கே குடியிருக்கிறது? [QBR]
20. அவற்றை அவை இருக்கும் இடத்திற்குக் கூட்டிச்செல்ல உன்னால் முடியுமா? [QBR2] அவைகள் தங்குமிடத்திற்கான பாதைகளை நீ அறிவாயோ? [QBR]
21. இவை உனக்குத் தெரிந்திருக்குமே; [QBR2] இவைகளுக்கு முன்னே நீ பிறந்து பல வருடங்கள் வாழ்ந்துவிட்டாய் அல்லவா!
22. “உறைபனியின் களஞ்சியங்களுக்குள் நீ போயிருக்கிறாயோ? [QBR2] பனிக்கட்டி மழையின் களஞ்சியங்களைக் கண்டிருக்கிறாயோ? [QBR]
23. கஷ்ட காலத்திலும், கலகமும் யுத்தமும் வரும் நாட்களிலும் பயன்படுத்தும்படி [QBR2] நான் அவைகளைச் சேர்த்து வைத்திருக்கிறேன். [QBR]
24. மின்னல் புறப்படும் இடத்திற்கு வழி எங்கே? [QBR2] கீழ்காற்று பூமியின்மேல் வீசுவதற்கான வழி எங்கே? [QBR]
25. பலத்த மழைக்கு வாய்க்காலை வெட்டுபவர் யார்? [QBR2] இடி மின்னலோடு வரும் மழைக்கு வழியை ஏற்படுத்துகிறவர் யார்? [QBR]
26. ஒருவரும் குடியிராத நிலத்திற்கும், [QBR2] எவருமே இல்லாத பாலைவனத்திற்கும் பசுமையைக் கொடுப்பதற்காகவும், [QBR]
27. வனாந்திரமான பாழ்நிலத்தை பசுமையாக்கி, [QBR2] அதில் புல் பூண்டுகளை முளைக்கப்பண்ணும்படி செய்கிறவர் யார்? [QBR]
28. மழைக்கு ஒரு தகப்பன் உண்டோ? [QBR2] பனித்துளிகளைப் பெற்றெடுத்தவர் யார்? [QBR]
29. யாருடைய கருப்பையிலிருந்து பனிக்கட்டி வருகிறது? [QBR2] வானங்களிலிருந்து வரும் உறைபனியைப் பெற்றெடுக்கிறவர் யார்? [QBR]
30. தண்ணீர்கள் கல்லைப்போலவும், [QBR2] ஆழத்தின் மேற்பரப்பு உறைந்துபோகவும் செய்கிறவர் யார்?
31. “அழகான கார்த்திகை நட்சத்திரத்தை நீ இணைக்கமுடியுமோ? [QBR2] மிருகசீரிட நட்சத்திரத்தைக் கட்டவிழ்க்க உன்னால் முடியுமோ? [QBR]
32. விடிவெள்ளிக் கூட்டங்களை அதினதின் காலத்தில் கொண்டுவருவாயோ? [QBR2] சிம்மராசி நட்சத்திரத்தையும் அதின் கூட்டத்தையும் வழிநடத்த உன்னால் முடியுமோ? [QBR]
33. வானமண்டலத்தை ஆளும் சட்டங்களை நீ அறிவாயோ? [QBR2] பூமியின்மேல் அவைகளின் ஆட்சியை நீ அமைப்பாயோ?
34. “நீ மேகங்களுக்குச் சத்தமிட்டுச் சொல்லி [QBR2] வெள்ளம் உன்னை மூடும்படிச் செய்வாயோ? [QBR]
35. மின்னல்களின் தாக்குதல்களை அதின் வழியிலே அனுப்புவது நீயா? [QBR2] ‘இதோ பார், நாங்கள் இருக்கிறோம்’ என அவை உன்னிடம் அறிவிக்குமோ? [QBR]
36. இருதயத்தை ஞானத்தால் நிரப்பியவரும், [QBR2] மனதுக்கு விளங்கும் ஆற்றலைக் கொடுத்தவரும் யார்? [QBR]
37. யாருக்கு மேகங்களைக் கணக்கிடும் ஞானம்? [QBR2] வானத்தின் தண்ணீர்ச் சாடிகளை, [QBR]
38. தூசியானது மண்கட்டிகளாகி ஒன்றோடொன்று ஒட்டிக்கொள்ளவும், [QBR2] மேகங்களிலுள்ள தண்ணீரைப் பொழியச்செய்கிறவர் யார்?
39. “நீ சிங்கத்திற்கு இரையை தேடி, [QBR2] அவைகளின் பசியை தீர்ப்பாயோ? [QBR]
40. சிங்கக்குட்டிகள் குகைகளிலும் [QBR2] புதர்களுக்குள்ளும் இருக்கும்போது அவைகளின் பசியை நீ தீர்ப்பாயோ? [QBR]
41. காக்கைக்குஞ்சுகள் [QBR2] இறைவனை நோக்கிக் கூப்பிட்டு, [QBR2] உணவின்றி அலையும்போது உணவைக் கொடுப்பது யார்? [PE]