1. [PS]தொடர்ந்து எலிகூ சொன்னதாவது: [PE]
2. [QS]“ ‘என் நீதி இறைவனுடைய நீதியைப்பார்க்கிலும் பெரியது,’ என்று [QE][QS2]நீர் சொல்வது நியாயம் என்று நினைக்கிறீரோ? [QE]
3. [QS]நீர், ‘நான் பாவம் செய்யாதிருப்பதால் எனக்கு என்ன பலன்? [QE][QS2]என்ன இலாபம்?’ என்று இறைவனிடம் கேட்கிறீர். [QE][PBR]
4. [QS]“இப்பொழுது நான் உமக்கும் உம்மோடிருக்கும் உமது சிநேகிதருக்கும் [QE][QS2]பதில்சொல்ல விரும்புகிறேன். [QE]
5. [QS]வானங்களை மேலே நோக்கிப்பாரும்; [QE][QS2]உமக்கு மேலாக மிக உயரத்தில் இருக்கும் மேகங்களையும் உற்றுப் பாரும். [QE]
6. [QS]நீர் பாவம்செய்தால் அது அவரை எப்படிப் பாதிக்கும்? [QE][QS2]உன் பாவங்கள் அதிகமானாலும் அவை அவரை என்ன செய்யும்? [QE]
7. [QS]நீ நேர்மையானவனாக இருந்தால் நீர் அவருக்கு எதைக் கொடுக்கிறீர்? [QE][QS2]அல்லது அவர் உம் கையில் இருந்து எதைப் பெற்றுக்கொள்கிறார்? [QE]
8. [QS]உம்முடைய கொடுமைகள் உம்மைப்போன்ற மனிதருக்குப் பாதிப்பையும், [QE][QS2]உம்முடைய நீதி மனுமக்களுக்கு நன்மையையும் அளிக்கும். [QE][PBR]
9. [QS]“ஒடுக்குதலின் மிகுதியால் மனிதர் கதறுகிறார்கள்; [QE][QS2]பலவானின் கரத்திலிருந்து விடுதலைக்காக கதறுகிறார்கள். [QE]
10. [QS]ஆனால், ‘என்னைப் படைத்த இறைவன் எங்கே? [QE][QS2]இரவிலே பாடல்களைத் தருபவர் எங்கே? [QE]
11. [QS]பூமியின் மிருகங்களைவிட நமக்கு அதிகமாகப் போதிப்பவர் எங்கே? [QE][QS2]ஆகாயத்துப் பறவைகளைவிட நம்மை ஞானிகள் ஆக்குகிறவர் எங்கே?’ [QE][QS2]என்று கேட்பவர் ஒருவருமில்லை. [QE]
12. [QS]கொடியவர்களின் அகந்தையின் நிமித்தம், [QE][QS2]மனிதர் அழும்போது இறைவன் அவர்களுக்குப் பதில் கொடுப்பதில்லை. [QE]
13. [QS]இறைவன் வீண்வார்த்தைகளைக் கேட்கமாட்டார்; [QE][QS2]எல்லாம் வல்லவர் அதைக் கவனிக்கமாட்டார். [QE]
14. [QS]அப்படியிருக்கையில், நீர் அவரைக் காணவில்லை என்றும், [QE][QS2]உமது வழக்கு அவர் முன்னால் இருக்கிறது என்றும், [QE][QS]நீர் அவருக்காகக் காத்திருக்கவேண்டும் என்றும் சொல்கிறபோது, [QE][QS2]அவர் உமக்குச் செவிகொடுப்பாரோ? [QE]
15. [QS]மேலும், அவருடைய கோபம் மனிதரைத் தண்டிப்பது இல்லை; [QE][QS2]என்றும் மனிதரின் கொடுமையை அவர் கொஞ்சமும் கவனிப்பதில்லை என்று எண்ணி, [QE]
16. [QS]யோபு தன் வாயைத் திறந்து வீணாய்ப் பேசி, [QE][QS2]அறிவில்லாமல் தன் வார்த்தைகளை வசனிக்கிறார்.” [QE]