1. [QS]“யோபுவே, என் வார்த்தைகளுக்குச் செவிகொடும்; [QE][QS2]நான் சொல்வதைக் கவனியும். [QE]
2. [QS]இப்பொழுது நான் பேசப் போகிறேன்; [QE][QS2]என் வார்த்தைகள் என் நாவின் நுனியில் இருக்கின்றன. [QE]
3. [QS]என் வார்த்தைகள் நேர்மையான இருதயத்திலிருந்து வெளிவருகின்றன; [QE][QS2]நான் அறிந்தவற்றை என் உதடுகள் உண்மையாய்ப் பேசுகின்றன. [QE]
4. [QS]இறைவனின் ஆவியானவரே என்னைப் படைத்தார்; [QE][QS2]எல்லாம் வல்லவரின் சுவாசமே எனக்கு உயிரைத் தருகிறது. [QE]
5. [QS]உம்மால் முடியுமானால் எனக்குப் பதில் கூறும்; [QE][QS2]என்னோடு வாதாட உம்மை ஆயத்தப்படுத்தும். [QE]
6. [QS]இறைவனுக்கு முன்பாக நானும் உம்மைப் போன்றவன்தான்; [QE][QS2]நானும் மண்ணிலிருந்தே உருவாக்கப்பட்டேன். [QE]
7. [QS]என்னைப்பற்றிய பயத்தினால் நீர் கலங்க வேண்டியதில்லை, [QE][QS2]என் கையும் உம்மேல் பாரமாயிருக்காது. [QE][PBR]
8. [QS]“என் காது கேட்க நீ பேசியிருக்கிறாய்; [QE][QS2]நான் கேட்க, உன் வார்த்தைகளினாலேயே இப்படிக் கூறினாய்: [QE]
9. [QS]‘நான் தூய்மையானவன், குற்றமற்றவன், [QE][QS2]நான் சுத்தமானவன், பாவமற்றவன். [QE]
10. [QS]இருந்தும் இறைவன் என்னிடம் குற்றம் கண்டிருக்கிறார்; [QE][QS2]என்னைத் தம் பகைவனாக எண்ணுகிறார். [QE]
11. [QS]அவர் என் கால்களை விலங்குகளில் மாட்டுகிறார்; [QE][QS2]என் வழிகளையெல்லாம் கூர்ந்து கவனித்துக் கொண்டிருக்கிறார்.’ [QE][PBR]
12. [QS]“ஆனால் நான் உமக்குச் சொல்கிறேன், இதில் நீர் சொன்னது சரியல்ல, [QE][QS2]ஏனெனில் இறைவன் மனிதனைவிட மிகவும் பெரியவர். [QE]
13. [QS]அவர் மனிதனுடைய கேள்விகள் எதற்குமே பதிலளிக்கவில்லை [QE][QS2]என நீர் ஏன் முறையிடுகிறீர்? [QE]
14. [QS]மனிதர்கள் புரிந்துகொள்ளாவிட்டாலும், [QE][QS2]இறைவன் ஒருவிதமாகவும், இன்னொரு விதமாகவும் பேசுகிறார். [QE]
15. [QS]மனிதர் படுத்திருக்கையில், [QE][QS2]ஆழ்ந்த நித்திரையிலும், கனவிலும், [QE][QS2]இரவு தரிசனத்திலும் அவர் பேசுகிறார். [QE]
16. [QS]அவர் மனிதர்களின் காதுகளில் பேசி, [QE][QS2]தம்முடைய எச்சரிப்புகளினால் அவர்களைத் திகிலூட்டக்கூடும். [QE]
17. [QS]பிழை செய்வதிலிருந்து மனிதரை விலக்கவும், [QE][QS2]தற்பெருமையை தடுக்கவுமே இவ்வாறு செய்கிறார். [QE]
18. [QS]மனிதருடைய ஆத்துமா பிரேதக்குழியில் விழாதபடியும், [QE][QS2]அவர்களுடைய உயிர் வாளால் அழியாதபடியும் காப்பாற்றுகிறார். [QE][PBR]
19. [QS]“அல்லது மனிதர்கள் தங்கள் எலும்புகளில் உண்டான [QE][QS2]தொடர்ச்சியான நோவுடன் படுக்கையிலேயே தண்டிக்கப்படக் கூடும். [QE]
20. [QS]அப்பொழுது அவர்களுடைய உள்ளம் உணவையும், [QE][QS2]சுவையான உணவையும் வெறுக்கிறது. [QE]
21. [QS]அவர்களுடைய சதை முழுவதும் அழிந்து, [QE][QS2]முன்பு மறைந்திருந்த எலும்புகள் வெளியே தெரிகின்றன. [QE]
22. [QS]அவர்களுடைய ஆத்துமா பிரேதக் குழியையும், [QE][QS2]அவர்களுடைய உயிர் மரண தூதுவர்களையும் நெருங்குகிறது. [QE]
23. [QS]ஆனாலும் ஆயிரத்தில் ஒருவனான தூதன் ஒருவன் [QE][QS2]அவர்கள் பக்கத்திலிருந்து, அவர்களுக்காகப் பரிந்துபேசி, [QE][QS2]அவர்களுக்கு சரியானவற்றைச் சொல்லிக்கொடுத்து, [QE]
24. [QS]அவர்களுக்குக் கிருபைகாட்டி, [QE][QS2]‘நான் அவர்களுக்கு மீட்கும் பொருளைக் கண்டுபிடித்தேன். [QE][QS2]ஆகவே இவர்களைக் குழிக்குள் போவதிலிருந்து தப்பவிடும்’ என்று சொல்வானாகில், [QE]
25. [QS]அவர்களின் உடல் குழந்தையின் உடலைப்போல் புதிதாகும், [QE][QS2]அவர்கள் வாலிப நாட்களில் இருந்ததுபோல் மாற்றப்படுவார்கள். [QE]
26. [QS]அப்பொழுது அவர்கள் இறைவனை நோக்கி மன்றாடி, [QE][QS2]அவரிடமிருந்து தயவு பெறுகிறார்கள்; [QE][QS]அவர்கள் இறைவனுடைய முகத்தைக் கண்டு மகிழ்வார்கள், [QE][QS2]இறைவன் அவர்களுடைய நீதியின் நிலையிலேயே திரும்பவும் வைக்கிறார். [QE]
27. [QS]அவர்கள் மற்றவர்களைப் பார்த்து: [QE][QS2]‘நான் பாவம் செய்து, நியாயத்தைப் புரட்டினேன், [QE][QS2]செய்ததற்குத் தகுந்த தண்டனையை நான் பெறவில்லை. [QE]
28. [QS]பிரேதக் குழிக்குள் போகாமல் என் ஆத்துமாவை இறைவனே மீட்டுக்கொண்டார்; [QE][QS2]நானும் ஒளியை அனுபவித்து சந்தோஷமாய் வாழ்வேன்.’ [QE][PBR]
29. [QS]“இறைவன் இவற்றையெல்லாம் மனிதருக்கு இரண்டு முறைகள், ஏன், [QE][QS2]மூன்று முறைகள் திரும்பத் திரும்பச் செய்கிறார். [QE]
30. [QS]குழியிலிருந்த அவர்களுடைய ஆத்துமாவை, [QE][QS2]வாழ்வின் ஒளியால் பிரகாசிக்கச் செய்கிறார். [QE][PBR]
31. [QS]“யோபுவே, நான் சொல்வதைக் கவனமாய்க் கேளும்; [QE][QS2]மவுனமாய் இரும், நான் பேசுவேன். [QE]
32. [QS]அதின்பின் ஏதாவது சொல்ல இருந்தால் எனக்குப் பதில் கூறும்; [QE][QS2]தயங்காமல் பேசும், உம்மை நீதிமானாக நிரூபிக்க நான் விரும்புகிறேன். [QE]
33. [QS]அப்படியில்லாவிட்டால், மவுனமாய் இருந்து நான் சொல்வதைக் கேளும். [QE][QS2]நான் உமக்கு ஞானத்தைப் போதிப்பேன்.” [QE]