1. “யோபுவே, என் வார்த்தைகளுக்குச் செவிகொடும்; [QBR2] நான் சொல்வதைக் கவனியும். [QBR]
2. இப்பொழுது நான் பேசப் போகிறேன்; [QBR2] என் வார்த்தைகள் என் நாவின் நுனியில் இருக்கின்றன. [QBR]
3. என் வார்த்தைகள் நேர்மையான இருதயத்திலிருந்து வெளிவருகின்றன; [QBR2] நான் அறிந்தவற்றை என் உதடுகள் உண்மையாய்ப் பேசுகின்றன. [QBR]
4. இறைவனின் ஆவியானவரே என்னைப் படைத்தார்; [QBR2] எல்லாம் வல்லவரின் சுவாசமே எனக்கு உயிரைத் தருகிறது. [QBR]
5. உம்மால் முடியுமானால் எனக்குப் பதில் கூறும்; [QBR2] என்னோடு வாதாட உம்மை ஆயத்தப்படுத்தும். [QBR]
6. இறைவனுக்கு முன்பாக நானும் உம்மைப் போன்றவன்தான்; [QBR2] நானும் மண்ணிலிருந்தே உருவாக்கப்பட்டேன். [QBR]
7. என்னைப்பற்றிய பயத்தினால் நீர் கலங்க வேண்டியதில்லை, [QBR2] என் கையும் உம்மேல் பாரமாயிருக்காது.
8. “என் காது கேட்க நீ பேசியிருக்கிறாய்; [QBR2] நான் கேட்க, உன் வார்த்தைகளினாலேயே இப்படிக் கூறினாய்: [QBR]
9. ‘நான் தூய்மையானவன், குற்றமற்றவன், [QBR2] நான் சுத்தமானவன், பாவமற்றவன். [QBR]
10. இருந்தும் இறைவன் என்னிடம் குற்றம் கண்டிருக்கிறார்; [QBR2] என்னைத் தம் பகைவனாக எண்ணுகிறார். [QBR]
11. அவர் என் கால்களை விலங்குகளில் மாட்டுகிறார்; [QBR2] என் வழிகளையெல்லாம் கூர்ந்து கவனித்துக் கொண்டிருக்கிறார்.’
12. “ஆனால் நான் உமக்குச் சொல்கிறேன், இதில் நீர் சொன்னது சரியல்ல, [QBR2] ஏனெனில் இறைவன் மனிதனைவிட மிகவும் பெரியவர். [QBR]
13. அவர் மனிதனுடைய கேள்விகள் எதற்குமே பதிலளிக்கவில்லை [QBR2] என நீர் ஏன் முறையிடுகிறீர்? [QBR]
14. மனிதர்கள் புரிந்துகொள்ளாவிட்டாலும், [QBR2] இறைவன் ஒருவிதமாகவும், இன்னொரு விதமாகவும் பேசுகிறார். [QBR]
15. மனிதர் படுத்திருக்கையில், [QBR2] ஆழ்ந்த நித்திரையிலும், கனவிலும், [QBR2] இரவு தரிசனத்திலும் அவர் பேசுகிறார். [QBR]
16. அவர் மனிதர்களின் காதுகளில் பேசி, [QBR2] தம்முடைய எச்சரிப்புகளினால் அவர்களைத் திகிலூட்டக்கூடும். [QBR]
17. பிழை செய்வதிலிருந்து மனிதரை விலக்கவும், [QBR2] தற்பெருமையை தடுக்கவுமே இவ்வாறு செய்கிறார். [QBR]
18. மனிதருடைய ஆத்துமா பிரேதக்குழியில் விழாதபடியும், [QBR2] அவர்களுடைய உயிர் வாளால் அழியாதபடியும் காப்பாற்றுகிறார்.
19. “அல்லது மனிதர்கள் தங்கள் எலும்புகளில் உண்டான [QBR2] தொடர்ச்சியான நோவுடன் படுக்கையிலேயே தண்டிக்கப்படக் கூடும். [QBR]
20. அப்பொழுது அவர்களுடைய உள்ளம் உணவையும், [QBR2] சுவையான உணவையும் வெறுக்கிறது. [QBR]
21. அவர்களுடைய சதை முழுவதும் அழிந்து, [QBR2] முன்பு மறைந்திருந்த எலும்புகள் வெளியே தெரிகின்றன. [QBR]
22. அவர்களுடைய ஆத்துமா பிரேதக் குழியையும், [QBR2] அவர்களுடைய உயிர் மரண தூதுவர்களையும் நெருங்குகிறது. [QBR]
23. ஆனாலும் ஆயிரத்தில் ஒருவனான தூதன் ஒருவன் [QBR2] அவர்கள் பக்கத்திலிருந்து, அவர்களுக்காகப் பரிந்துபேசி, [QBR2] அவர்களுக்கு சரியானவற்றைச் சொல்லிக்கொடுத்து, [QBR]
24. அவர்களுக்குக் கிருபைகாட்டி, [QBR2] ‘நான் அவர்களுக்கு மீட்கும் பொருளைக் கண்டுபிடித்தேன். [QBR2] ஆகவே இவர்களைக் குழிக்குள் போவதிலிருந்து தப்பவிடும்’ என்று சொல்வானாகில், [QBR]
25. அவர்களின் உடல் குழந்தையின் உடலைப்போல் புதிதாகும், [QBR2] அவர்கள் வாலிப நாட்களில் இருந்ததுபோல் மாற்றப்படுவார்கள். [QBR]
26. அப்பொழுது அவர்கள் இறைவனை நோக்கி மன்றாடி, [QBR2] அவரிடமிருந்து தயவு பெறுகிறார்கள்; [QBR] அவர்கள் இறைவனுடைய முகத்தைக் கண்டு மகிழ்வார்கள், [QBR2] இறைவன் அவர்களுடைய நீதியின் நிலையிலேயே திரும்பவும் வைக்கிறார். [QBR]
27. அவர்கள் மற்றவர்களைப் பார்த்து: [QBR2] ‘நான் பாவம் செய்து, நியாயத்தைப் புரட்டினேன், [QBR2] செய்ததற்குத் தகுந்த தண்டனையை நான் பெறவில்லை. [QBR]
28. பிரேதக் குழிக்குள் போகாமல் என் ஆத்துமாவை இறைவனே மீட்டுக்கொண்டார்; [QBR2] நானும் ஒளியை அனுபவித்து சந்தோஷமாய் வாழ்வேன்.’
29. “இறைவன் இவற்றையெல்லாம் மனிதருக்கு இரண்டு முறைகள், ஏன், [QBR2] மூன்று முறைகள் திரும்பத் திரும்பச் செய்கிறார். [QBR]
30. குழியிலிருந்த அவர்களுடைய ஆத்துமாவை, [QBR2] வாழ்வின் ஒளியால் பிரகாசிக்கச் செய்கிறார்.
31. “யோபுவே, நான் சொல்வதைக் கவனமாய்க் கேளும்; [QBR2] மவுனமாய் இரும், நான் பேசுவேன். [QBR]
32. அதின்பின் ஏதாவது சொல்ல இருந்தால் எனக்குப் பதில் கூறும்; [QBR2] தயங்காமல் பேசும், உம்மை நீதிமானாக நிரூபிக்க நான் விரும்புகிறேன். [QBR]
33. அப்படியில்லாவிட்டால், மவுனமாய் இருந்து நான் சொல்வதைக் கேளும். [QBR2] நான் உமக்கு ஞானத்தைப் போதிப்பேன்.” [PE]