1. [QS]“நான் ஒரு பெண்ணையும் இச்சையுடன் பார்க்கமாட்டேன், [QE][QS2]என என் கண்களோடு ஒப்பந்தம் செய்தேன். [QE]
2. [QS]ஆனாலும் உன்னதத்தில் இருக்கும் இறைவனிடமிருந்து என்ன பங்கு? [QE][QS2]உன்னதத்தில் இருக்கும் எல்லாம் வல்லவர் அளிக்கும் சொத்து என்ன? [QE]
3. [QS]கொடியவனுக்கு பேராபத்தும், [QE][QS2]தவறு செய்பவர்களுக்குப் பேரழிவும் அல்லவா? [QE]
4. [QS]அவர் என் வழிகளைக் காணவில்லையோ? [QE][QS2]என் ஒவ்வொரு காலடியையும் எண்ணவில்லையோ? [QE][PBR]
5. [QS]“நான் பொய்யாய் நடந்திருந்து, [QE][QS2]என் கால்கள் ஏமாற்ற விரைந்திருந்தால், [QE]
6. [QS]இறைவன் தராசில் என்னை நிறுத்தட்டும், [QE][QS2]நான் குற்றமற்றவன் என்பதை அவர் அறிந்துகொள்வார். [QE]
7. [QS]என் காலடிகள் பாதையைவிட்டு விலகியிருந்தால், [QE][QS2]அல்லது என் உள்ளம் என் கண்களைப் பின்பற்றியிருந்தால், [QE][QS2]அல்லது என் கைகள் கறைப்பட்டிருந்தால், [QE]
8. [QS]அப்பொழுது நான் விதைப்பதை மற்றவர்கள் உண்ணட்டும், [QE][QS2]என் விளைச்சல் வேரோடே பிடுங்கப்படட்டும். [QE][PBR]
9. [QS]“என் உள்ளம் ஒரு பெண்ணால் கவரப்பட்டு, [QE][QS2]அயலானுடைய வாசலை நான் எட்டிப் பார்த்திருந்தால், [QE]
10. [QS]அப்பொழுது என் மனைவி இன்னொருவனுக்கு மாவரைப்பாளாக; [QE][QS2]பிற மனிதர்கள் அவளுடன் உறவுகொள்ளட்டும். [QE]
11. [QS]ஏனெனில், அது வெட்கக்கேடான, [QE][QS2]தண்டிக்கப்படவேண்டிய பாவமாயிருக்கும். [QE]
12. [QS]அது பாதாளம்வரை அழிக்கும் நெருப்பு; [QE][QS2]அது என் விளைச்சலை வேரோடே பிடுங்கிவிடும். [QE][PBR]
13. [QS]“என் வேலைக்காரருக்கும், [QE][QS2]வேலைக்காரிகளுக்கும் எனக்கு எதிராக மனக்குறை இருந்தபோது, [QE][QS2]நான் அவர்களுக்கு நீதிவழங்க மறுத்திருந்தால், [QE]
14. [QS]இறைவன் என்னை எதிர்கொள்ளும்போது, நான் என்ன செய்வேன்? [QE][QS2]அவர் என்னிடம் கணக்குக் கேட்கும்போது நான் என்ன பதில் சொல்வேன்? [QE]
15. [QS]என்னை கருப்பையில் உண்டாக்கியவர் அவர்களையும் உண்டாக்கவில்லையோ? [QE][QS2]எங்கள் இருவரையுமே எங்கள் தாய்மாரின் வயிற்றில் உருவாக்கியவர் அவரல்லவோ? [QE][PBR]
16. [QS]“நான் ஏழைகளின் தேவைகளைக் கொடுக்க மறுத்து, [QE][QS2]விதவைகளின் கண்களைக் கண்ணீர் விடுவதினால் இளைக்கப் பண்ணியிருக்கிறேனா? [QE]
17. [QS]அல்லது அநாதைகளோடு என் உணவைப் பகிர்ந்துகொள்ளாமல், [QE][QS2]நான் மட்டும் சாப்பிட்டிருக்கிறேனா? [QE]
18. [QS]ஆனால் நானோ இளவயதுமுதல் அவர்களை ஒரு தகப்பனைப்போல் வளர்த்தேனே; [QE][QS2]என் பிறப்பிலிருந்தே விதவைகளுக்கு நான் வழிகாட்டினேனே. [QE]
19. [QS]உடுக்க உடையின்றி ஒருவன் அழிவதையோ, [QE][QS2]அல்லது ஏழை ஒருவன் உடையின்றி இருப்பதையோ நான் கண்டும், [QE]
20. [QS]என் செம்மறியாடுகளின் கம்பளி, [QE][QS2]அவன் குளிரைப் போக்காததினால் அவன் இருதயம் என்னை ஆசீர்வதிக்காமல் இருக்குமோ? [QE]
21. [QS]நீதிமன்றத்தில்[* நீதிமன்றத்தில் அல்லது மக்கள் தீர்ப்புக்காக கூடும் நகர வாசல். ] எனக்குச் செல்வாக்கு இருப்பதை நான் அறிந்திருந்தும், [QE][QS2]அநாதைக்கு விரோதமாக நான் எனது கைகளை உயர்த்தியிருந்தால், [QE]
22. [QS]என் தோள்பட்டை தோளிலிருந்து கழன்று போகட்டும், [QE][QS2]அது மூட்டிலிருந்து முறிந்து போகட்டும். [QE]
23. [QS]இறைவனுடைய தண்டனைக்கு நான் பயந்ததினாலும், [QE][QS2]அவருடைய மாட்சிமையின் பக்தி எனக்கிருந்ததினாலும் [QE][QS2]தீமையை என்னால் செய்ய முடியவில்லை. [QE][PBR]
24. [QS]“நான் என் நம்பிக்கையை பொன்னின்மேல் வைத்து, [QE][QS2]சுத்த தங்கத்தைப் பார்த்து, ‘நீயே என் பாதுகாப்பு’ எனச் சொல்லியிருந்தால், [QE]
25. [QS]என் செல்வம் பெரியதென்றும், [QE][QS2]அதை என் கைகளே சேர்த்ததென்றும் நான் மகிழ்ந்திருந்தால், [QE]
26. [QS]பிரகாசமுள்ள சூரியனையும், [QE][QS2]தன் மகிமையில் நகர்ந்து செல்லும் சந்திரனையும் கண்டு அதைப் பெரிதாக மதித்து, [QE]
27. [QS]என் மனம் இரகசியமாகக் மயங்கி, [QE][QS2]நான் அவைகளுக்கு மரியாதை முத்தமிட்டிருந்தால், [QE]
28. [QS]அப்பொழுது இவைகளும் தண்டனைக்குரிய பாவங்களாய் இருந்திருக்கும்; [QE][QS2]நான் என் உன்னதத்திலுள்ள இறைவனுக்கு உண்மையற்றவனாய் இருந்திருப்பேன். [QE][PBR]
29. [QS]“என் பகைவனுக்கு வரும் அழிவைக் கண்டு நான் மகிழ்ந்தேனோ? [QE][QS2]தீமை அவனுக்கு வந்தபோது, நான் ஏளனம் செய்ததுண்டோ? [QE]
30. [QS]இல்லையே! நான் அவனுடைய வாழ்வுக்கு எதிராகச் சாபமிட்டுப் [QE][QS2]பாவம் செய்யும்படி என் வாயை அனுமதித்ததில்லையே. [QE]
31. [QS]‘யோபுவின் உணவை உண்டு திருப்தியடையாதவன் யார்?’ [QE][QS2]என என் வீட்டிலுள்ள மனிதர் ஒருபோதும் சொல்லாது இருந்ததுண்டோ? [QE]
32. [QS]வழிப்போக்கருக்கு என் வாசல்களைத் திறந்தேன் [QE][QS2]பிறர் வீதியில் தன் இரவைக் கழிக்கவில்லையே! [QE]
33. [QS]மனிதர் செய்வதுபோல, என் குற்றத்தை என் உள்ளத்தில் ஒளித்து, [QE][QS2]என் பாவத்தை மறைத்தேனோ? [QE]
34. [QS]நான் மக்கள் கூட்டத்திற்குப் பயந்ததாலும், [QE][QS2]குலத்தவர்களின் இகழ்ச்சிக்கு அஞ்சினதாலும் [QE][QS2]வெளியே போகாமல் மவுனமாய் இருந்தேனோ? [QE][PBR]
35. [QS]“நான் சொல்வதைக் கேட்க யாரும் இல்லையோ? [QE][QS2]இதோ நான் சொன்ன எனது எதிர்வாதத்தில் கையொப்பமிடுகிறேன். [QE][QS]எல்லாம் வல்லவர் எனக்குப் பதிலளிக்கட்டும், [QE][QS2]என்னைக் குற்றம் சாட்டுகிறவர் தனது குற்றச்சாட்டை எழுதிக்கொடுக்கட்டும். [QE]
36. [QS]நிச்சயமாக அதை நான் என் தோளின்மேல் வைத்து, [QE][QS2]ஒரு மகுடத்தைப்போல் சூட்டிக்கொள்வேன். [QE]
37. [QS]நான் ஒரு இளவரசனைப்போல் அவரை அணுகி, [QE][QS2]என் ஒவ்வொரு காலடிக்கும் கணக்குக் கொடுப்பேன். [QE][PBR]
38. [QS]“என் நிலம் எனக்கெதிராக அழுது புலம்பினாலும், [QE][QS2]அதின் வரப்புகள் கண்ணீரால் நனைந்திருந்தாலும், [QE]
39. [QS]நான் பணம் கொடுக்காமல் அதின் விளைவை விழுங்கியிருந்தாலும், [QE][QS2]அல்லது அதின் குத்தகைக்காரனை உள்ளமுடையச் செய்திருந்தாலும், [QE]
40. [QS]அந்த நிலத்தில் கோதுமைக்குப் பதிலாக முள்ளும், [QE][QS2]வாற்கோதுமைக்குப் பதிலாகக் களையும் முளைக்கட்டும்.” [QE][PS]யோபுவின் வார்த்தைகள் இத்துடன் முடிவடைகின்றன. [PE][PBR]