1. {#1யோபு பேசுதல் } [PS]அதற்குப்பின் யோபு தன் வாயைத் திறந்து தன் பிறந்த நாளைச் சபித்தான்,
2. யோபு சொன்னதாவது: [PE]
3. [QS]“நான் பிறந்த நாளும், [QE][QS2]‘ஒரு ஆண் குழந்தை உற்பத்தியானது!’ என்று சொல்லப்பட்ட இரவும் அழியட்டும். [QE]
4. [QS]அந்த நாள் இருளடையட்டும்; [QE][QS2]உன்னதத்தின் இறைவன் அதைக் கவனத்தில் கொள்ளாதிருக்கட்டும்; [QE][QS2]அதில் ஒளி பிரகாசியாதிருக்கட்டும். [QE]
5. [QS]அந்த நாளை இருளும், [QE][QS2]நிழலும் ஒருமுறை பற்றிக்கொள்ளட்டும்; [QE][QS2]மேகம் அதின்மேல் மூடிக்கொள்ளட்டும்; [QE][QS2]மந்தாரம் அதின் வெளிச்சத்தை மூழ்கடிக்கட்டும். [QE]
6. [QS]அந்த இரவைக் காரிருள் பிடிப்பதாக; [QE][QS2]வருடத்தின் நாட்களில் அது சேர்க்கப்படாத நாளாகவும், [QE][QS2]மாதங்களிலும் குறிக்கப்படாமலும் போவதாக. [QE]
7. [QS]அந்த இரவு பாழாவதாக; [QE][QS2]அதில் மகிழ்ச்சியின் சத்தம் எதுவும் கேளாதிருக்கட்டும். [QE]
8. [QS]நாட்களைச் சபிக்கிறவர்களும், லிவியாதான் என்னும் பெரிய பாம்பை, [QE][QS2]எழுப்புகிறவர்களும் அதைச் சபிக்கட்டும். [QE]
9. [QS]அந்த நாளின் விடியற்கால நட்சத்திரங்கள் இருளடையட்டும்; [QE][QS2]பகல் வெளிச்சத்திற்காக அது வீணாய்க் காத்திருக்கட்டும்; [QE][QS2]அது அதிகாலையின் ஒளிக்கீற்றுகளைக் காணாதிருக்கட்டும். [QE]
10. [QS]ஏனெனில், அந்த நாள் என் கண்களில் இருந்து கஷ்டத்தை மறைக்காமலும், [QE][QS2]என் தாயின் கருப்பையை அடைக்காமலும் போயிற்றே. [QE][PBR]
11. [QS]“பிறக்கும்போதே ஏன் நான் அழிந்துபோகவில்லை? [QE][QS2]நான் கருப்பையில் இருந்து வெளியே வரும்போதே ஏன் சாகவில்லை? [QE]
12. [QS]என்னை ஏற்றுக்கொள்ள மடியும், [QE][QS2]எனக்குப் பால் கொடுக்க மார்பகங்களும் ஏன் இருந்தன? [QE]
13. [QS]அவ்வாறு இல்லாதிருந்தால், [QE][QS2]நான் அமைதியாய், இளைப்பாறுவேனே! [QE]
14. [QS]இப்பொழுது பாழாய்க்கிடக்கும் இடங்களில் தங்களுக்கு அரண்மனைகளைக் கட்டிய [QE][QS2]பூமியின் அரசர்களோடும், ஆலோசகர்களோடும், [QE]
15. [QS]பொன்னை உடையவர்களும், [QE][QS2]தங்கள் வீடுகளை வெள்ளியால் நிரப்பினவர்களுமான ஆளுநர்களோடும் நான் இளைப்பாறுவேனே. [QE]
16. [QS]அல்லது செத்துப்பிறந்த குழந்தையைப் போலவும், [QE][QS2]பகல் வெளிச்சத்தைக் காணாத பாலகனைப் போலவும் நான் ஏன் தரையில் புதைக்கப்படவில்லை? [QE]
17. [QS]கொடியவர்கள் அங்கே கலகத்திலிருந்து ஓய்ந்திருப்பார்கள்; [QE][QS2]சோர்வுற்றோர் அங்கே இளைப்பாறுவார்கள். [QE]
18. [QS]கைதிகள்கூட அங்கே சுகம் அனுபவிப்பார்கள்; [QE][QS2]அடிமைகளை நடத்துபவர்களின் சத்தத்தை இனி அவர்கள் கேட்பதில்லை. [QE]
19. [QS]அங்கே சிறியவர்களும், பெரியவர்களும் இருக்கிறார்கள்; [QE][QS2]அத்துடன் அடிமையும் தனது தலைவனிடமிருந்நு விடுதலையாகிறான். [QE][PBR]
20. [QS]“அவலத்தில் மூழ்கியிருப்பவனுக்கு வெளிச்சம் எதற்கு, [QE][QS2]உள்ளத்தில் கசப்பு உள்ளவனுக்கு வாழ்வு எதற்கு? [QE]
21. [QS]மறைவான புதையல்களைவிட, சாவைத் தேடியும், [QE][QS2]அடையாதவர்களுக்கு வாழ்வு ஏன்? [QE]
22. [QS]அவர்கள் கல்லறையைச் சென்றடையும்போது, [QE][QS2]மகிழ்ச்சியும் சந்தோஷமும் நிறைந்திருப்பார்களா? [QE]
23. [QS]இறைவனால் நெருக்கப்பட்டு, [QE][QS2]அவன் போகும் பாதை மறைக்கப்பட்ட, [QE][QS2]மனிதனுக்கு வாழ்வு ஏன் கொடுக்கப்பட்டிருக்கிறது? [QE]
24. [QS]பெருமூச்சே எனது உணவு; [QE][QS2]என் கதறுதல் தண்ணீராய்ப் புரண்டோடுகிறது. [QE]
25. [QS]நான் எதற்கு பயந்தேனோ, அது என்மேல் வந்தது; [QE][QS2]நான் எதற்கு அஞ்சினேனோ, அது எனக்கு நிகழ்ந்தது. [QE]
26. [QS]எனக்கு சமாதானமோ, அமைதியோ, [QE][QS2]இளைப்பாறுதலோ இல்லை. ஆனால் மனக்குழப்பத்தை மட்டும் அனுபவிக்கிறேன்.” [QE]