1. {#1இடைவெளி: ஞானம் எங்கே காணப்படுகிறது } [QS]வெள்ளிக்குச் சுரங்கமும் [QE][QS2]தங்கத்திற்கு சுத்திகரிக்கும் இடமும் உண்டு. [QE]
2. [QS]இரும்பு பூமியிலிருந்து எடுக்கப்படுகிறது, [QE][QS2]செம்பு கற்களில் உருக்கி எடுக்கப்படுகிறது. [QE]
3. [QS]மனிதன் இருளுக்கு முடிவுண்டாக்கி, [QE][QS2]உலோக மூலப்பொருட்களைக் காரிருளிலும் [QE][QS2]ஆழமான குழிகளிலும் தேடுகிறான். [QE]
4. [QS]அவன் மிகத் தொலைவில் சுரங்க வாசலை வெட்டுகிறான், [QE][QS2]காலடிகளே படாத, [QE][QS2]மனித நடமாட்டம் இல்லாத ஆழத்தில் ஊசலாடித் தொங்குகிறான். [QE]
5. [QS]உணவு கொடுக்கும் பூமி [QE][QS2]அதின் கீழ்ப்பகுதியிலுள்ளவை நெருப்பினால் உருமாறுகிறது. [QE]
6. [QS]அதின் பாறைகளிலிருந்து நீலக்கற்கள் விளைகின்றன, [QE][QS2]அதின் தூசி தங்கத்துகள்களை உடையதாயிருக்கின்றது. [QE]
7. [QS]இரைதேடும் ஒரு பறவைகூட அந்த மறைவான பாதையை அறியாது; [QE][QS2]பருந்தின் கண்ணும் அதைக் காண்பதில்லை. [QE]
8. [QS]கொடிய மிருகங்கள் அங்கு அடியெடுத்து வைப்பதுமில்லை; [QE][QS2]சிங்கம் அங்கு திரிவதுமில்லை. [QE]
9. [QS]மனிதனின் கையே கடினமான பாறையைத் தாக்கி, [QE][QS2]மலைகளின் அடிவாரங்களை வேரோடே புரட்டுகிறான். [QE]
10. [QS]அவன் கன்மலையில் வாய்க்கால்களை வெட்டுகிறான்; [QE][QS2]அவனுடைய கண்கள் அதின் பொக்கிஷங்களையெல்லாம் காண்கின்றன. [QE]
11. [QS]ஆறுகளின் உற்பத்தியிடங்களை ஆராய்ந்து, [QE][QS2]மறைந்திருக்கும் பொருட்களை வெளிச்சத்திற்குக் கொண்டுவருகிறான். [QE][PBR]
12. [QS]ஆனால் ஞானம் காணப்படுவது எங்கே? [QE][QS2]விளங்கும் ஆற்றல் குடியிருப்பது எங்கே? [QE]
13. [QS]மனிதன் அதின் மதிப்பைப் புரிந்துகொள்வதில்லை; [QE][QS2]உயிர்வாழ்வோரின் நாட்டில் அதைக் காணமுடியாது. [QE]
14. [QS]“அது என்னிடம் இல்லை” என ஆழம் சொல்கிறது; [QE][QS2]“அது என்னுடன் இல்லை” என கடலும் கூறுகிறது. [QE]
15. [QS]சுத்தத் தங்கத்தைக் கொடுத்து, அதை வாங்கமுடியாது, [QE][QS2]அதின் மதிப்பை வெள்ளியால் நிறுக்கவும் முடியாது. [QE]
16. [QS]ஓப்பீரின் தங்கமும், விலையேறப்பெற்ற கோமேதகமும், இந்திர நீலக்கல்லும் [QE][QS2]அதற்கு ஈடல்ல. [QE]
17. [QS]பொன்னும் பளிங்கும் அதற்கு இணையாகாது, [QE][QS2]தங்க நகைகளைக் கொடுத்தும் அதைப் பெற்றுக்கொள்ள முடியாது. [QE]
18. [QS]பவளத்தையும் மரகதத்தையும் ஒரு பொருட்டாக எண்ண முடியாது; [QE][QS2]ஞானத்தின் விலை மாணிக்கக் கற்களைவிட உயர்வானது. [QE]
19. [QS]எத்தியோப்பியாவின் புஷ்பராகம் அதற்கு நிகரல்ல; [QE][QS2]சுத்தப் பொன்னால் அதை வாங்கமுடியாது. [QE][PBR]
20. [QS]அப்படியானால் ஞானம் எங்கிருந்து வருகிறது? [QE][QS2]விளங்கும் ஆற்றல் எங்கே குடியிருக்கிறது? [QE]
21. [QS]அது உயிருள்ள அனைவருக்கும், [QE][QS2]ஆகாயத்துப் பறவைகளுக்குங்கூட மறைக்கப்பட்டும் இருக்கிறது. [QE]
22. [QS]“இதைப் பற்றிய வதந்தி மட்டுமே எங்கள் காதுகளுக்கு எட்டின” [QE][QS2]என்று அழிவும் சாவும் சொல்கின்றன. [QE]
23. [QS]அதின் வழி இறைவனுக்குத் தெரியும்; [QE][QS2]அதின் குடியிருப்பை அவர் மட்டுமே அறிவார். [QE]
24. [QS]ஏனெனில் பூமியின் கடைமுனைகளை அவர் பார்க்கிறார், [QE][QS2]வானத்தின் கீழுள்ள ஒவ்வொன்றையும் அவர் காண்கிறார். [QE]
25. [QS]அவர் காற்றின் பலத்தை நிலைநாட்டி, [QE][QS2]தண்ணீர்களை அளந்தபோதும், [QE]
26. [QS]மழைக்கு ஒரு நியமத்தை விதித்தபோதும், [QE][QS2]இடிமுழக்கத்தோடு கூடிய மின்னலுக்கு ஒரு பாதையை வகுத்தபோதும், [QE]
27. [QS]அவர் ஞானத்தைப் பார்த்து மதிப்பிட்டார்; [QE][QS2]அதை உறுதிப்படுத்தி சோதித்தறிந்தார். [QE]
28. [QS]இறைவன் மனிதனிடம், [QE][QS2]“யெகோவாவுக்கு பயந்து நடத்தலே ஞானம், [QE][QS2]தீமைக்கு விலகி நடப்பதே விளங்கும் ஆற்றல்” என்று சொன்னார். [QE]