1. {யோபுவின் நண்பர்களுக்கு அவருடைய இறுதி வார்த்தை} [PS] யோபு மேலும் தன் பேச்சைத் தொடர்ந்து சொன்னதாவது: [QBR]
2. “எனக்கு நீதியை மறுத்து, [QBR2] வாழ்வைக் கசப்பாக்கின எல்லாம் வல்ல இறைவன் வாழ்வது நிச்சயம்போலவே, [QBR]
3. எனக்குள் என் உயிரும், [QBR2] என் மூக்கில் இறைவனின் சுவாசமும் இருக்கும்வரை, [QBR]
4. என் உதடுகள் கொடுமையானதைப் பேசாது, [QBR2] என் நாவு வஞ்சகமானவற்றைச் சொல்லாது. [QBR]
5. நீங்கள் சொல்வது சரி என நான் ஒருபோதும் ஒத்துக்கொள்ளமாட்டேன்; [QBR2] நான் சாகும்வரை என் உத்தமத்தை மறுக்கவுமாட்டேன். [QBR]
6. என் நேர்மையை நான் காத்துக்கொள்வேன், அதை நான் ஒருபோதும் விடமாட்டேன்; [QBR2] நான் உயிரோடிருக்குமட்டும் என் மனசாட்சி என்னைக் கடிந்துகொள்ளாது.
7. “என் பகைவர் கொடியவர்களைப்போல் இருக்கட்டும், [QBR2] என் விரோதி அநீதியுள்ளவர்களைப்போல் இருக்கட்டும். [QBR]
8. இறைவனை மறுதலிக்கிறவன் வெட்டுண்டுபோய், [QBR2] இறைவன் அவனுடைய உயிரை எடுத்துக்கொள்ளும்போது, அவனுடைய நம்பிக்கை என்ன? [QBR]
9. அவனுக்குத் துன்பம் வரும்போது [QBR2] இறைவன் அவனுடைய கதறலைக் கேட்பாரோ? [QBR]
10. எல்லாம் வல்லவரில் அவன் மகிழ்ச்சியடைவானோ? [QBR2] எல்லா நேரங்களிலும் அவன் இறைவனைக் கூப்பிடுவானோ?
11. “இறைவனின் வல்லமையைக் குறித்து நான் உங்களுக்குப் போதிப்பேன்; [QBR2] எல்லாம் வல்லவரின் வழிகளை நான் மறைக்கமாட்டேன். [QBR]
12. இவற்றையெல்லாம் நீங்கள் பார்த்திருந்தும் [QBR2] ஏன் இந்த வீண்பேச்சு?
13. “கொடியவனுக்கு இறைவனிடத்திலிருந்து கிடைக்கும் பங்கும், [QBR2] தீயவன் எல்லாம் வல்ல இறைவனிடமிருந்து பெறும் உரிமைச்சொத்தும் இதுவே: [QBR]
14. அவனுக்கு பிள்ளைகள் அநேகர் இருப்பார்கள், [QBR2] ஆனால் அவர்கள் வாளுக்கு இரையாவார்கள்; [QBR2] அவனுடைய சந்ததியினருக்கு ஒருபோதும் போதியளவு உணவு கிடைக்காது. [QBR]
15. அவனுக்கு மீதியானவர்கள் கொள்ளைநோய்க்குப் பலியாகும்போது, [QBR2] அவர்களுடைய விதவைகள் அழமாட்டார்கள். [QBR]
16. அவன் வெள்ளியைப் தூசியைப்போலவும், [QBR2] உடைகளைக் களிமண் குவியலைப் போலவும் குவித்து வைத்தாலும், [QBR]
17. அவன் குவித்து வைத்ததை நேர்மையானவர்கள் உடுத்துவார்கள், [QBR2] குற்றமற்றவர்கள் அவனுடைய வெள்ளியைப் பகிர்ந்துகொள்வார்கள். [QBR]
18. அவன் தன்னுடைய வீட்டை சிலந்தி பூச்சியின் கூட்டைப்போலவும், [QBR2] காவற்காரன் கட்டிய சிறுகுடிசையைப்போலவும் கட்டுகிறான். [QBR]
19. அவன் செல்வந்தனாக படுக்கைக்குப் போகிறான், ஆனால் தொடர்ந்து அப்படியிரான்; [QBR2] அவன் தன் கண்களைத் திறக்கும்போது எல்லாமே போய்விடுகின்றன. [QBR]
20. பயங்கரங்கள் வெள்ளம்போல் அவனை மேற்கொள்கின்றன; [QBR2] இரவில் பெரும்புயல் அவனை அள்ளிக்கொண்டுபோகிறது. [QBR]
21. கொண்டல் காற்று அவனை அடித்து செல்கிறது, அவன் காணாமல் போகிறான்; [QBR2] அவன் இருப்பிடத்திலிருந்து அவனை வாரிக்கொண்டுபோகிறது. [QBR]
22. அது இரக்கமின்றி அவனை விரட்டும்; [QBR2] இறைவனுடைய கைக்குத் தப்பியோட பார்ப்பார்கள். [QBR]
23. மக்கள் அவனைப் பார்த்துக் கைகொட்டி ஏளனம் செய்து, [QBR2] அவனை அவனுடைய இடத்தைவிட்டு விரட்டிவிடுவார்கள்.” [PE]