1. {#1எலிப்பாஸ் பேசுதல் } [PS]அதற்கு தேமானியனான எலிப்பாஸ் மறுமொழியாக சொன்னதாவது: [PE]
2. [QS]“மனிதனால் இறைவனுக்குப் பயன் ஏதும் உண்டோ? [QE][QS2]ஞானவானாலும் அவருக்கு பயன் உண்டோ? [QE]
3. [QS]நீ நீதிமானாய் இருந்திருந்தாலும், [QE][QS2]எல்லாம் வல்லவருக்கு அது மகிழ்ச்சி அளிக்குமோ? [QE][QS2]உன் வழிகள் குற்றமற்றவையாய் இருந்தாலும் அதினால் அவருக்கு இலாபம் என்ன? [QE][PBR]
4. [QS]“அவர் உன்னைக் கடிந்துகொண்டு, [QE][QS2]உனக்கு எதிராகக் குற்றம் சாட்டுவது உன் பக்தியின் காரணமாகவோ? [QE]
5. [QS]உன் கொடுமை பெரிதானதல்லவோ? [QE][QS2]உன் பாவங்கள் முடிவில்லாதவை அல்லவோ? [QE]
6. [QS]நீ காரணமின்றி உனது சகோதரரின் அடகுப்பொருளை வற்புறுத்திக் கேட்டு, [QE][QS2]ஏழைகளின் உடைகளைப் பறித்துக்கொண்டாய். [QE]
7. [QS]நீ களைத்தவனுக்குத் தண்ணீர் கொடுக்கவில்லை; [QE][QS2]பசித்தவனுக்கும் உணவு கொடுக்காமல் போனாய். [QE]
8. [QS]நீ நிலத்திற்கு உரிமையாளன். [QE][QS2]மதிப்புக்குரியவனாய் வாழ்ந்திருந்தபோதும் இப்படி செய்தாய். [QE]
9. [QS]நீ விதவைகளை வெறுங்கையுடன் அனுப்பினாய்; [QE][QS2]அனாதைப் பிள்ளைகளின் பெலனை ஒடித்தாய். [QE]
10. [QS]அதினால்தான் கண்ணிகள் உன்னைச் சுற்றிலுமிருக்கின்றன; [QE][QS2]திடீரென வரும் துன்பம் உன்னைத் திகிலூட்டுகிறது. [QE]
11. [QS]அதினால்தான் நீ பார்க்க முடியாத அளவு இருளாகவும் இருக்கிறது; [QE][QS2]வெள்ளமும் உன்னை மூடுகிறது. [QE][PBR]
12. [QS]“வானத்தின் உன்னதங்களில் அல்லவோ இறைவன் இருக்கிறார்? [QE][QS2]மேலேயுள்ள நட்சத்திரங்களைப் பார்; அவை எவ்வளவு உயரத்தில் இருக்கின்றன. [QE]
13. [QS]அப்படியிருந்தும் நீ, ‘இறைவனுக்கு என்ன தெரியும்? [QE][QS2]இப்படிப்பட்ட இருளின்வழியே அவர் நியாயந்தீர்க்கிறாரோ? [QE]
14. [QS]வானமண்டலங்களில் அவர் உலாவுகையில் அடர்ந்த மேகங்கள் அவரை மூடுகின்றன; [QE][QS2]அதினால் அவர் எங்களைக் காண்கிறதில்லை’ என்கிறாய். [QE]
15. [QS]தீய மனிதர் சென்ற [QE][QS2]பழைய பாதையில் நீயும் நடப்பாயோ? [QE]
16. [QS]அவர்கள் தங்கள் காலம் வருமுன்பே இறந்துபோனார்கள்; [QE][QS2]அவர்களுடைய அஸ்திபாரத்தின்மேல் வெள்ளம் புரண்டது. [QE]
17. [QS]அவர்கள் இறைவனிடம், ‘நீர் எங்களை விட்டுவிடும்! [QE][QS2]எல்லாம் வல்லவரால் எங்களுக்கு என்ன ஆகும்?’ என்றார்கள். [QE]
18. [QS]இருப்பினும், அவர் அவர்களை நன்மைகளால் நிரப்பினார்; [QE][QS2]நான் கொடியவரின் ஆலோசனைக்கு விலகி நிற்கிறேன். [QE]
19. [QS]அவர்களின் அழிவைக் கண்டு நேர்மையானவர்கள் மகிழ்கிறார்கள்; [QE][QS2]குற்றமற்றவர்கள் அவர்களைக் கேலிபண்ணி, [QE]
20. [QS]‘பகைவர்கள் அழிய, [QE][QS2]நெருப்பு செல்வத்தைச் சுட்டது’ என்கிறார்கள். [QE][PBR]
21. [QS]“இறைவனுக்குப் பணிந்து அவருடன் சமாதானமாயிரு; [QE][QS2]உனக்குச் செழிப்பு உண்டாகும். [QE]
22. [QS]அவர் வாயிலிருந்து வரும் அறிவுறுத்தல்களை ஏற்றுக்கொள். [QE][QS2]அவருடைய வார்த்தைகளை உன் இருதயத்தில் பதித்துக்கொள். [QE]
23. [QS]நீ கொடுமையை உன் கூடாரத்தைவிட்டு அகற்றி, [QE][QS2]எல்லாம் வல்லவரிடத்தில் திரும்பினால், [QE][QS2]உன் பழைய நிலைமையை அடைவாய். [QE]
24. [QS]நீ தூளைப்போல் பொன்னையும், [QE][QS2]ஆற்றுக் கற்களைப்போல் ஓப்பீரின் தங்கத்தையும் எண்ணிக்கொள். [QE]
25. [QS]அப்பொழுது எல்லாம் வல்லவரே உனது தங்கமாகவும், [QE][QS2]உனக்குரிய சிறந்த வெள்ளியாகவும் இருப்பார். [QE]
26. [QS]அப்பொழுது, நீ நிச்சயமாய் எல்லாம் வல்லவரில் மகிழ்ச்சிகொண்டு, [QE][QS2]இறைவனை நோக்கி உன் முகத்தை உயர்த்துவாய். [QE]
27. [QS]நீ அவரிடம் வேண்டுதல் செய்யும்போது, அவர் உனக்குச் செவிகொடுப்பார்; [QE][QS2]நீ பொருத்தனைகளையும் நிறைவேற்றுவாய். [QE]
28. [QS]நீ தீர்மானிப்பது செய்யப்படும், [QE][QS2]உன் வழிகளிலும் ஒளி பிரகாசிக்கும். [QE]
29. [QS]மனிதர் தாழ்த்தப்படும்போது நீ அவரிடம், ‘அவர்களை உயர்த்தும்’ [QE][QS2]என்று சொன்னால், அவர் தாழ்ந்தோரைக் காப்பாற்றுவார். [QE]
30. [QS]அவர் குற்றமுள்ளவனையும்கூட விடுவிப்பார்; [QE][QS2]உன் கைகளின் தூய்மையின் நிமித்தம் அவன் விடுவிக்கப்படுவான்.” [QE]