1. {யோபு பேசுதல்} [PS] அப்பொழுது யோபு மறுமொழியாக சொன்னது: [QBR]
2. “என்னுடைய வார்த்தைகளைக் கவனமாய்க் கேளுங்கள்; [QBR2] இது நீங்கள் எனக்குக் கொடுக்கும் ஆறுதலாயிருக்கட்டும். [QBR]
3. நான் பேசும்வரை பொறுத்திருங்கள், [QBR2] நான் பேசினபின்பு நீங்கள் என்னைக் கேலி செய்யலாம்.
4. “நான் முறையிடுவது மனிதனிடமோ? [QBR2] நான் ஏன் பொறுமையற்றவனாய் இருக்கக்கூடாது? [QBR]
5. என்னைப் பார்த்து வியப்படையுங்கள்; [QBR2] கையினால் உங்கள் வாயைப் பொத்திக்கொள்ளுங்கள். [QBR]
6. நான் இவற்றை நினைக்கும்போது பயப்படுகிறேன்; [QBR2] என் உடல் நடுங்குகிறது. [QBR]
7. கொடியவர்கள் முதுமையடைந்தும், [QBR2] வலியோராய் வாழ்ந்து கொண்டிருப்பது ஏன்? [QBR]
8. அவர்களோடே அவர்களின் பிள்ளைகள் அவர்களுக்கு முன்பாகவே, [QBR2] அவர்கள் சந்ததி அவர்கள் கண்முன்னே நிலைத்திருப்பதைக் காண்கிறார்கள். [QBR]
9. அவர்களுடைய வீடுகள் பயமின்றிப் பாதுகாப்பாய் இருக்கின்றன; [QBR2] இறைவனின் தண்டனைக்கோல் அவர்கள்மேல் இல்லை. [QBR]
10. அவர்களுடைய காளைகள் இனப்பெருக்கத்தில் தவறுவதில்லை; [QBR2] பசுக்கள் சினையழியாமல் கன்றுகளை ஈனும். [QBR]
11. அவர்கள் தங்கள் பிள்ளைகளை மந்தையைப்போல் வெளியே அனுப்புகிறார்கள்; [QBR2] அவர்களுடைய சிறுபிள்ளைகள் குதித்து ஆடுகிறார்கள். [QBR]
12. அவர்கள் தம்புரா, யாழ் ஆகியவற்றின் இசைக்கேற்ப பாடுகிறார்கள்; [QBR2] புல்லாங்குழல் இசையில் அவர்கள் களிப்படைகிறார்கள். [QBR]
13. அவர்கள் தங்கள் வாழ்நாட்களை மிகச் செழிப்பாகக் கழிப்பதோடு [QBR2] கல்லறைக்கும் சமாதானத்தோடே [*சமாதானத்தோடே அல்லது நொடிப்பொழுதில்] செல்கிறார்கள். [QBR]
14. இருந்தும் அவர்கள் இறைவனிடம், ‘எங்களை விட்டுவிடும்! [QBR2] உமது வழிகளை அறிய நாங்கள் விரும்பவில்லை. [QBR]
15. எல்லாம் வல்லவருக்கு நாம் பணிசெய்ய அவர் யார்? [QBR2] அவருக்கு ஜெபம் செய்வதினால் நமக்கு பலன் என்ன?’ என்கிறார்கள். [QBR]
16. ஆனால் அவர்களுடைய செல்வம் அவர்கள் கைகளில் இல்லை; [QBR2] நான் கொடியவர்களின் ஆலோசனையிலிருந்து விலகி நிற்கிறேன்.
17. “எத்தனை முறை கொடியவர்களுடைய விளக்கு அணைக்கப்படுகிறது? [QBR2] எத்தனை முறை பொல்லாப்பு அவர்கள்மேல் வருகிறது? [QBR2] இறைவன் தமது கோபத்தில் அவர்களுக்கு தண்டனையை ஒதுக்கி வைத்திருக்கிறார். [QBR]
18. அவர்கள் காற்றுக்குமுன் வைக்கோலைப்போலவும், [QBR2] புயலுக்கு முன்னே பதரைப்போலவும் அள்ளிக்கொண்டு போகப்படுகிறார்கள். [QBR]
19. ‘இறைவன் அவர்களுக்குரிய தண்டனைகளை [QBR2] அவர்கள் பிள்ளைகளுக்கு சேர்த்துவைக்கிறார்’ என்று சொல்லப்படுகிறதே; [QBR2] அவர் அவர்களையே தண்டித்து உணர்த்துவார். [QBR]
20. அவர்களின் அழிவை அவர்களின் கண்கள் காணும், [QBR2] எல்லாம் வல்லவரின் கடுங்கோபத்தை அனுபவிப்பார்கள். [QBR]
21. ஏனெனில், அவர்களுடைய மாதங்களின் எண்ணிக்கை குறையும்போது, [QBR2] அவர்கள் விட்டுச்செல்லும் குடும்பத்தைப்பற்றி அவர்களுக்கு அக்கறை என்ன?
22. “உயர்ந்தவர்களையும் நியாயந்தீர்க்கிற இறைவனுக்கு [QBR2] அறிவைப் போதிக்க முடியுமா? [QBR]
23. ஒரு மனிதன் பூரண பாதுகாப்புடனும், சுகத்துடனும், [QBR2] முழு வலிமையுடனும் இருக்கையிலேயே சாகிறான். [QBR]
24. அவனுடைய உடல் ஊட்டம் பெற்று, [QBR2] எலும்புகள் மச்சைகளால் நிறைந்திருக்கின்றன. [QBR]
25. இன்னொருவன் ஒருபோதுமே நன்மை ஒன்றையும் [QBR2] அனுபவிக்காமல் ஆத்துமக் கசப்புடன் சாகிறான். [QBR]
26. இருவருமே தூசியில் ஒன்றாய்க் கிடக்கிறார்கள்; [QBR2] புழுக்கள் அவர்கள் இருவரையுமே மூடுகின்றன.
27. “நீங்கள் என்ன யோசிக்கிறீர்கள் என்பதை நான் நன்கு அறிவேன்; [QBR2] என்னைக் குற்றஞ்சாட்டுவதற்கு நீங்கள் போடும் திட்டங்களையும் நான் அறிவேன். [QBR]
28. ‘பெரிய மனிதனின் வீடு எங்கே? கொடியவர்களின் கூடாரங்கள் எங்கே?’ [QBR2] என்று கேட்கிறீர்கள். [QBR]
29. பயணம் செய்தவர்களிடம் நீங்கள் ஒருபோதும் கேட்கவில்லையோ? [QBR2] அவர்கள் கண்டுரைத்த விவரங்களை நீங்கள் கவனிக்கவில்லையோ? [QBR]
30. தீயவன் பொல்லாப்பின் நாளிலிருந்து விடுவிக்கப்படுகிறான்; [QBR2] கடுங்கோபத்தின் நாளிலிருந்து அவன் விடுதலையாக்கப்படுகிறான். [QBR]
31. அவன் நடத்தையை அவன் முகத்துக்கு முன்பாகக் கண்டிப்பவன் யார்? [QBR2] அவன் செய்தவற்றிற்கேற்ப அவனுக்கு எதிர்ப்பழி செய்பவன் யார்? [QBR]
32. அவன் குழிக்குள் கொண்டுசெல்லப்படுகிறான். [QBR2] அவனுடைய கல்லறைக்குக் காவலும் வைக்கப்படுகிறது. [QBR]
33. பள்ளத்தாக்கின் மண் அவனுக்கு இன்பமாயிருக்கிறது; [QBR2] எல்லா மனிதரும் அவனுக்குப்பின் செல்கிறார்கள், [QBR2] எண்ணில்லா திரள்கூட்டம் அவன்முன் செல்கிறது.
34. “வீண் பேச்சினால் நீங்கள் எப்படி என்னை ஆறுதல்படுத்துவீர்கள்? [QBR2] உங்கள் பதில்களில் வஞ்சனையைத் தவிர வேறொன்றுமில்லை!” [PE]