1. {#1யோபு பேசுதல் } [PS]அதற்கு யோபு மறுமொழியாக சொன்னது: [PE]
2. [QS]“எவ்வளவு காலத்திற்கு என்னை வேதனைப்படுத்தி, [QE][QS2]வார்த்தைகளினால் என்னை நொறுக்குவீர்கள்? [QE]
3. [QS]இப்பொழுது பத்துமுறை நீங்கள் என்னை நிந்தித்திருக்கிறீர்கள்; [QE][QS2]வெட்கமின்றி என்னைத் தாக்கிப் பேசுகிறீர்கள். [QE]
4. [QS]நான் வழி தவறியது உண்மையானால், [QE][QS2]என் தவறு என்னை மட்டுமே சாரும். [QE]
5. [QS]நீங்கள் உண்மையிலேயே உங்களை எனக்கு மேலாக உயர்த்தி, [QE][QS2]நான் சிறுமையாக்கப்பட்டதை எனக்கு விரோதமாக உபயோகித்தாலும், [QE]
6. [QS]இறைவனே எனக்குத் தவறிழைத்து, [QE][QS2]என்னைச் சுற்றி வலை வீசியிருக்கிறார் என்பதை அறிந்துகொள்ளுங்கள். [QE][PBR]
7. [QS]“இதோ, ‘கொடுமை!’ என நான் அழுதபோதிலும் எனக்குப் பதில் கிடைக்கவில்லை; [QE][QS2]நான் கூக்குரலிட்டாலும் நீதி கிடைக்கவில்லை. [QE]
8. [QS]நான் கடந்துசெல்லாதபடி அவர் என் வழியைத் தடைசெய்து, [QE][QS2]என் பாதைகளை இருளாக்கினார். [QE]
9. [QS]அவர் என் மேன்மையை என்னைவிட்டு அகற்றி, [QE][QS2]மகுடத்தை என் தலையிலிருந்து எடுத்துப்போட்டார். [QE]
10. [QS]அவர் என்னை எல்லாப் பக்கத்திலும் உடைத்து, அற்றுப்போகச் செய்கிறார்; [QE][QS2]அவர் என் நம்பிக்கையை ஒரு மரத்தைப்போல பிடுங்குகிறார். [QE]
11. [QS]அவருடைய கோபம் எனக்கெதிராக எரிகிறது; [QE][QS2]என்னைத் தம் பகைவரில் ஒருவனாக எண்ணுகிறார். [QE]
12. [QS]அவருடைய படைகள் எனக்கெதிராக அணிவகுத்து, [QE][QS2]அவர்கள் எனக்கு விரோதமாய் வழியை உண்டாக்கி, [QE][QS2]என் கூடாரத்தைச் சுற்றி முற்றுகையிடுகிறார்கள். [QE][PBR]
13. [QS]“அவர் என் சகோதரரை என்னிடமிருந்து தூரமாக்கினார்; [QE][QS2]எனக்கு அறிமுகமானவர்களும் முழுவதுமாக என்னைவிட்டுப் பிரிந்துவிட்டார்கள். [QE]
14. [QS]என் உறவினர்கள் என்னைவிட்டுப் போய்விட்டார்கள்; [QE][QS2]என் சிநேகிதர்கள் என்னை மறந்துவிட்டார்கள். [QE]
15. [QS]என் விருந்தினரும், பணிப்பெண்களும் என்னை அந்நியராக எண்ணுகிறார்கள்; [QE][QS2]அவர்கள் என்னை அயலாராகப் பார்க்கிறார்கள். [QE]
16. [QS]நான் என் வேலைக்காரனைக் கூப்பிட்டு, என் வாயினால் கெஞ்சினாலும், [QE][QS2]அவன் எனக்குப் பதிலளிப்பதில்லை. [QE]
17. [QS]என் மூச்சு என் மனைவிக்கே அருவருப்பாயிருக்கிறது; [QE][QS2]நான் என் சொந்தக் குடும்பத்தினருக்கும்[* குடும்பத்தினருக்கும் அல்லது என் பிள்ளைகளுக்கும். ], வெறுப்பானேன். [QE]
18. [QS]சிறுவர்களும் என்னை இகழ்கிறார்கள்; [QE][QS2]நான் பேச எழும்போது அவர்கள் ஏளனம் செய்கிறார்கள். [QE]
19. [QS]என் நெருங்கிய சிநேகிதர்கள் எல்லாரும் என்னை வெறுக்கிறார்கள்; [QE][QS2]நான் நேசித்தவர்களும் எனக்கெதிரானார்கள். [QE]
20. [QS]நான் வெறும் எலும்பும் தோலுமாயிருக்கிறேன்; [QE][QS2]நான் பற்களின் ஈறோடு தப்பியிருக்கிறேன். [QE][PBR]
21. [QS]“என் சிநேகிதர்களே, இரங்குங்கள், என்மீது இரக்கம் கொள்ளுங்கள்; [QE][QS2]இறைவனின் கரமே என்னை அடித்திருக்கிறது. [QE]
22. [QS]இறைவனைப் போலவே நீங்களும் ஏன் என்னைத் தொடர்ந்து துன்புறுத்துகிறீர்கள்? [QE][QS2]என்னை வேதனைப்படுத்தியது போதாதோ? [QE][PBR]
23. [QS]“ஆ, எனது வார்த்தைகள் எழுதப்பட்டு, [QE][QS2]ஒரு புத்தகச்சுருளிலே பதிவுசெய்யப்பட்டால், [QE]
24. [QS]அவை இரும்பு ஆணியினால் ஈயத்தகட்டில் எழுதப்பட்டால், [QE][QS2]அல்லது என்றும் நிலைக்கும்படி, கற்பாறையில் செதுக்கப்பட்டால் நலமாயிருக்கும். [QE]
25. [QS]என் மீட்பர் உயிரோடிருக்கிறார் என்றும், [QE][QS2]கடைசி நாளில் அவர் பூமியின்மேல் நிற்பார் என்றும் அறிவேன். [QE]
26. [QS]என் தோல் அழிந்துபோன பின்னும், [QE][QS2]நான் என் உடலில் இறைவனைக் காண்பேன். [QE]
27. [QS]நானே அவரை என் சொந்தக் கண்களால் காண்பேன்; [QE][QS2]வேறொருவன் அல்ல, நானே காண்பேன். [QE][QS2]என் உள்ளம் அதற்காக எனக்குள்ளே எவ்வளவாய் ஏங்குகிறது! [QE][PBR]
28. [QS]“ ‘இவன் கஷ்டத்திற்கான காரணம் இவனிலே இருக்கிறபடியால், [QE][QS2]நாம் இவனை எப்படி குற்றப்படுத்தலாம்?’ என்று நீங்கள் சொல்வீர்களானால், [QE]
29. [QS]நீங்களே வாளுக்குப் பயப்படவேண்டும்; [QE][QS2]ஏனெனில், கடுங்கோபம் தண்டனையை வாளினாலேயே கொண்டுவரும். [QE][QS2]அப்பொழுது, நியாயத்தீர்ப்பு உண்டு என்பதை நீங்கள் அறிந்துகொள்வீர்கள்.” [QE]