1. {#1எலிப்பாஸ் பேசுதல் } [PS]பின்பு தேமானியனான எலிப்பாஸ் மறுமொழியாக சொன்னதாவது: [PE]
2. [QS]“ஞானவான் அர்த்தமற்ற நியாயங்களைச் சொல்லி, [QE][QS2]கொண்டல் காற்றினால் தன் வயிற்றை நிரப்புவானோ? [QE]
3. [QS]பயனற்ற வார்த்தைகளினாலும், [QE][QS2]மதிப்பற்றப் பேச்சுக்களினாலும் அவன் வாதாடுவானோ? [QE]
4. [QS]ஆனால் நீயோ பயபக்தியை வேரறுக்கிறாய்; [QE][QS2]இறைவனுக்கு முன்பாக தியானத்தையும் தடைசெய்கிறாய். [QE]
5. [QS]உன் பாவமே உன் வாயைப் பேசப்பண்ணுகிறது; [QE][QS2]தந்திரக்காரரின் நாவை நீ பயன்படுத்துகிறாய். [QE]
6. [QS]என் வாயல்ல, உன் வாயே உன்னைக் குற்றவாளியாக்குகிறது; [QE][QS2]உன் உதடுகளே உனக்கு விரோதமாய்ச் சாட்சி கூறுகிறது. [QE][PBR]
7. [QS]“மனிதருக்குள் முதன்முதல் பிறந்தவன் நீயோ? [QE][QS2]மலைகளுக்கு முன்பே நீ உருவாக்கப்பட்டாயோ? [QE]
8. [QS]நீ இறைவனுடைய ஆலோசனையைக் கேட்கிறாயோ? [QE][QS2]ஞானத்தை உனக்கு மட்டுமே உரிமையானதாக்கிக் கொள்கிறாயோ? [QE]
9. [QS]நாங்கள் அறியாத எதை நீ அறிந்திருக்கிறாய்? [QE][QS2]நாங்கள் பெற்றிராத எந்த நுண்ணறிவை நீ பெற்றிருக்கிறாய்? [QE]
10. [QS]தலைமுடி நரைத்தோரும், முதியோரும் எங்கள் சார்பில் இருக்கிறார்கள்; [QE][QS2]அவர்கள் உன் தகப்பனைவிட வயதானவர்கள். [QE]
11. [QS]இறைவனது ஆறுதல்களும், [QE][QS2]அவர் தயவாக உன்னிடம் பேசிய வார்த்தைகளும் உனக்குப் போதாதோ? [QE]
12. [QS]நீ உன் உள்ளத்து உணர்வுகளால் இழுபட்டுப் போனது ஏன்? [QE][QS2]உன் கண்களில் ஏன் அனல் தெறிக்கிறது? [QE]
13. [QS]இறைவனுக்கு விரோதமாகச் சீற்றங்கொண்டு [QE][QS2]இவ்வாறான வார்த்தைகளை நீ பேசுவானேன்? [QE][PBR]
14. [QS]“தூய்மையானவனாய் இருப்பதற்கு மனிதன் யார்? [QE][QS2]பெண்ணிடத்தில் பிறந்தவன் நேர்மையுள்ளவனாயிருப்பது எப்படி? [QE]
15. [QS]இறைவன் தமது பரிசுத்தவான்களையும் நம்புகிறதில்லை; [QE][QS2]வானங்களே அவருடைய பார்வைக்குத் தூய்மையற்றதாய் இருக்கிறதென்றால், [QE]
16. [QS]தீமையைத் தண்ணீரைப்போல் குடிக்கும், [QE][QS2]இழிவானவனும் சீர்கெட்டவனுமாகிய மனிதனில் இறைவன் குற்றம் காணாதிருப்பாரா? [QE][PBR]
17. [QS]“நான் சொல்வதைக் கேள்; நான் உனக்கு விவரித்துச் சொல்வேன்; [QE][QS2]நான் கண்டதைச் சொல்லவிடு. [QE]
18. [QS]ஞானிகள் தங்கள் முற்பிதாக்களிடமிருந்து பெற்று, [QE][QS2]ஒன்றையும் மறைக்காமல் அறிவித்ததைச் சொல்வேன். [QE]
19. [QS]அந்த முற்பிதாக்கள் மத்தியில் வேறுநாட்டினர் நடமாடாதபோது, [QE][QS2]அவர்களுக்கு நாடு கொடுக்கப்பட்டது: [QE]
20. [QS]கொடியவர் தன் வாழ்நாள் முழுவதும் வேதனையை அனுபவிப்பார்கள்; [QE][QS2]துன்பத்தின் வருடங்கள் இரக்கமற்றோர்க்குக் கூட்டப்பட்டுள்ளன. [QE]
21. [QS]திகிலூட்டும் சத்தங்கள் அவன் காதுகளை நிரப்புகின்றன; [QE][QS2]எல்லாம் நலமாய்க் காணப்படும்போது கொள்ளைக்காரர் அவனைத் தாக்குகிறார்கள். [QE]
22. [QS]அவன் இருளிலிருந்து தப்ப நம்பிக்கையில்லாமல் மனமுறிவடைகிறான்; [QE][QS2]வாளுக்கு இரையாவதற்கென்றே அவன் குறிக்கப்பட்டிருக்கிறான். [QE]
23. [QS]அவன் கழுகைப்போல உணவு தேடி அலைகிறான்; [QE][QS2]இருளின் நாள் தனக்குச் சமீபித்திருக்கிறது என்பதையும் அவன் அறிவான். [QE]
24. [QS]வேதனையும் கடுந்துயரமும் அவனைக் கலங்கச்செய்து, [QE][QS2]யுத்தத்திற்கு ஆயத்தமான அரசனைப்போல் அவனை மேற்கொள்கின்றன. [QE]
25. [QS]ஏனெனில், அவன் தனது கையை இறைவனுக்கு விரோதமாக நீட்டி, [QE][QS2]எல்லாம் வல்லவருக்கு எதிராக இறுமாப்புடன் நடக்கிறான். [QE]
26. [QS]அவன் தடித்த வலிமையான கேடயத்துடன், [QE][QS2]பணிவின்றி அவரை எதிர்த்துத் தாக்குகிறான். [QE][PBR]
27. [QS]“அவனுடைய முகத்தைக் கொழுப்பு மூடியிருக்கிறது, [QE][QS2]அடிவயிறு தொந்திவிட்டிருக்கிறது. [QE]
28. [QS]அவன் பாழடைந்த பட்டணங்களிலும், [QE][QS2]கற்குவியலாக நொறுங்கி [QE][QS2]ஒருவரும் குடியிராத வீடுகளிலும் வாழ்வான். [QE]
29. [QS]அவன் இனி ஒருபோதும் செல்வந்தனாவதுமில்லை; அவனுடைய செல்வமும் நிலைத்திராது, [QE][QS2]அவனுடைய உடைமைகளும் பூமியில் பெருகாது. [QE]
30. [QS]அவன் இருளுக்குத் தப்புவதில்லை; [QE][QS2]அக்கினி ஜூவாலை அவன் தளிர்களை வாட்டும், [QE][QS2]இறைவனுடைய வாயின் சுவாசம் அவனை இல்லாதொழியப் பண்ணும். [QE]
31. [QS]வீணானதை நம்பி, அவன் தன்னையே ஏமாற்றாதிருக்கட்டும்; [QE][QS2]அவன் பிரதிபலனைப் பெறமாட்டான். [QE]
32. [QS]அவனுடைய வாழ்நாள் முடிவதற்கு முன்பே அவனுக்கேற்ற பலன் கொடுக்கப்படும்; [QE][QS2]அவனுடைய கிளைகளும் பசுமையாக இருக்காது. [QE]
33. [QS]அவன் பழுக்கும் முன்னமே பழம் உதிர்ந்துபோன திராட்சைக் கொடியைப்போலவும், [QE][QS2]பூக்கள் உதிர்கின்ற ஒலிவமரத்தைப் போலவும் இருப்பான். [QE]
34. [QS]இறைவனை மறுதலிக்கிற கூட்டத்தவர்கள் மலடாய்ப் போவார்கள்; [QE][QS2]இலஞ்சத்தை நாடுவோரின் கூடாரங்களை நெருப்பு பட்சிக்கும். [QE]
35. [QS]அவர்கள் கஷ்டத்தைக் கர்ப்பந்தரித்து, தீமையைப் பெற்றெடுக்கிறார்கள், [QE][QS2]அவர்களுடைய கருப்பை வஞ்சனையை உருவாக்குகிறது.” [QE]