1. {அம்மோனைப் பற்றிய செய்தி} [PS] அம்மோனியரைப் பற்றியது: [PS] யெகோவா கூறுவது இதுவே: [QBR] “இஸ்ரயேலுக்கு மகன்கள் இல்லையோ? [QBR2] அவளுக்கு வாரிசுகள் இல்லையோ? [QBR] அப்படியானால், மோளேக் [*மோளேக் என்றால் அம்மோனிய தெய்வம், இதை வணங்குபவர்கள் மில்க்கோம் என்று அழைக்கப்பட்டனர்] தெய்வம் காத் நாட்டை உரிமையாக்கிக் கொண்டது ஏன்? [QBR2] அதனை வணங்குகிறவர்கள் ஏன் அதன் பட்டணங்களில் வாழ்கின்றனர்? [QBR]
2. ஆயினும், நாட்கள் வருகின்றன” என்று யெகோவா அறிவிக்கிறார். [QBR] “அம்மோனியரின் ரப்பா பட்டணத்துக்கெதிராக [QBR2] நான் போரின் முழக்கத்தை எழுப்புவேன். [QBR] அந்த இடம் இடிபாடுகளின் குவியலாகும். [QBR2] அதைச் சுற்றியுள்ள கிராமங்களும் நெருப்பினால் எரிக்கப்படும். [QBR] அப்பொழுது தங்களை வெளியே துரத்திவிட்டவர்களை, [QBR2] இஸ்ரயேலர் வெளியே துரத்திவிடுவார்கள்” [QBR2] என்று யெகோவா சொல்கிறார். [QBR]
3. “எஸ்போனே! புலம்பி அழு! ஏனெனில், ஆயி பட்டணம் அழிக்கப்பட்டது. [QBR2] ரப்பாவின் குடிகளே! கதறியழுங்கள். [QBR] துக்கவுடை உடுத்தித் துக்கங்கொண்டாடுங்கள். [QBR2] வேலிகளுக்குள்ளே இங்கும் அங்கும் விரைந்தோடுங்கள். [QBR] ஏனெனில், மோளேகு தெய்வம் தனது பூசாரிகளுடனும் [QBR2] அலுவலர்களுடனும் நாடுகடத்தப்படும். [QBR]
4. உண்மையற்ற மகளே! [QBR2] உன் பள்ளத்தாக்குகளைப் பற்றி ஏன் பெருமையாய்ப் பேசுகிறாய்? [QBR] உன் வளம் நிறைந்த பள்ளத்தாக்குகளைப் பற்றி ஏன் பெருமை பேசுகிறாய்? [QBR2] நீ உன் செல்வங்களில் நம்பிக்கை வைத்து, [QBR2] ‘என்னைத் தாக்குபவன் யார்’ என்கிறாயே! [QBR]
5. உன்னைச் சுற்றியுள்ள எல்லோரிடமிருந்தும், [QBR2] உனக்குப் பயங்கரத்தைக் கொண்டுவருவேன்” [QBR2] என்று சேனைகளின் யெகோவா அறிவிக்கிறார். [QBR] “உங்களில் ஒவ்வொருவரும் வெளியே துரத்தப்படுவீர்கள். [QBR2] தப்பியோடுகிறவர்களை ஒன்றுசேர்ப்பார் ஒருவருமில்லை.
6. “இருந்தும் பிற்பாடு அம்மோனியரின் செல்வங்களை நான் திரும்பவும் கொடுப்பேன்” [QBR2] என்று யெகோவா அறிவிக்கிறார். [PS]
7. {ஏதோமைப் பற்றிய செய்தி} [PS] ஏதோமைப் பற்றியது: [PS] சேனைகளின் யெகோவா கூறுவது இதுவே: [QBR] “தேமானிலே ஞானம் இல்லையோ? [QBR2] விவேகமுள்ளவர்களிடமிருந்து ஆலோசனை இல்லாமல் போயிற்றோ? [QBR2] அவர்களுடைய ஞானம் சிதைந்து போயிற்றோ? [QBR]
8. தேதானில் குடியிருப்பவர்களே! [QBR2] திரும்பி தப்பியோடுங்கள். [QBR] பள்ளங்களின் நடுவிலே ஒளிந்துகொள்ளுங்கள். [QBR2] ஏனெனில் ஏசாவை நான் தண்டிக்கும் காலத்தில் அவன்மேல் பேராபத்தைக் கொண்டுவருவேன். [QBR]
9. திராட்சைப் பழங்களை பறிக்கிறவர்கள் உன்னிடத்தில் வந்தால், [QBR2] சில பழங்களை விட்டுச்செல்லமாட்டார்களோ? [QBR] இரவுவேளையில் திருடர்கள் வந்தால், [QBR2] தங்கள் மனம் விரும்பிய அளவு மட்டும் கொள்ளையடிப்பார்கள் அல்லவா? [QBR]
10. ஆனால் நானோ ஏசாவை வெறுமையாக்குவேன். [QBR2] அவன் தன்னை மறைத்துக் கொள்ளமுடியாத அளவுக்கு [QBR2] அவனுடைய மறைவிடங்களை வெளிப்படுத்துவேன். [QBR] அவனுடைய பிள்ளைகளும், உறவினர்களும், [QBR2] அயலவர்களும் அழிந்துபோவார்கள். [QBR2] அவனும் இல்லாமற்போவான். [QBR]
11. ‘நீ உன் அநாதைகளை விட்டுவிடு; நான் அவர்களைப் பாதுகாப்பேன். [QBR2] உன்னுடைய விதவைகளும் என்னில் நம்பிக்கையாய் இருக்கலாம்.’ ” [PE][PS]
12. யெகோவா கூறுவது இதுவே: “தண்டனையின் பாத்திரத்தில் குடிக்க வேண்டியதல்லாதவர்களும், அதில் கட்டாயமாய் குடிக்க வேண்டியிருக்கும்போது, நீ மட்டும் தண்டனையின்றி தப்பலாமோ? நீ தண்டிக்கப்படாமல் விடப்படமாட்டாய்; நீ கண்டிப்பாக குடிக்கவேண்டும்.
13. போஸ்றா பாழாக்கப்பட்டு, பயங்கரத்திற்கும், நிந்தைக்கும், சாபத்திற்கும் உள்ளாகும். அதன் பட்டணங்கள் யாவும் என்றும் பாழாகவே கிடக்கும் என்று நான் என்னைக்கொண்டு ஆணையிடுகிறேன்” என்று யெகோவா அறிவிக்கிறார். [QBR]
14. நான் யெகோவாவிடமிருந்து ஒரு செய்தியைக் கேள்விப்பட்டேன். [QBR2] ஜனங்களிடம் ஒரு தூதுவன், “அதைத் தாக்குவதற்கு நீங்கள் ஒன்றுகூடுங்கள்! [QBR] யுத்தம் செய்ய எழும்புங்கள்!” [QBR2] என்று சொல்லுவதற்காக அனுப்பப்பட்டான்.
15. இப்பொழுது நான் உன்னை நாடுகளுக்குள்ளே சிறியதும், [QBR2] மனிதரால் அவமதிக்கப்பட்டதுமாக்குவேன். [QBR]
16. கற்பாறை பிளவுகளில் வாழ்ந்து, [QBR2] மேடுகளின் உயரங்களில் இடம்பிடித்துக்கொண்டிருக்கிற உன்னை, [QBR] நீ விளைவிக்கும் பயங்கரமும், [QBR2] உன் இருதயத்தின் அகந்தையும் உன்னை மோசம்போக்கியது. [QBR] நீ கழுகின் கூட்டைப்போல் உன் கூட்டை மிக உயரத்தில் கட்டினாலும், [QBR2] அங்கிருந்தும் நான் உன்னை கீழே விழத்தள்ளுவேன் [QBR2] என்று யெகோவா அறிவிக்கிறார். [QBR]
17. ஏதோம் ஒரு பாழான பொருளாகும். [QBR2] அதைக் கடந்துபோகிற யாவரும் பிரமித்து, [QBR2] அதற்கு ஏற்பட்ட எல்லா காயங்களைக் கண்டு ஏளனம் செய்வார்கள். [QBR]
18. சோதோமும், கொமோராவும் அவைகளுக்கு அடுத்திருந்த [QBR2] பட்டணங்களுடன் கவிழ்க்கப்பட்டதுபோல, [QBR] அங்கு ஒருவனும் வாழ்வதுமில்லை. [QBR2] ஒரு மனிதனும் குடியிருப்பதுமில்லை என்று யெகோவா சொல்கிறார்.
19. யோர்தானின் புதர்களுக்குள்ளிருந்து ஒரு சிங்கம் செழிப்பான [QBR2] மேய்ச்சலிடத்திற்கு ஏறிவருவதுபோல நான் வந்து, [QBR] ஏதோமை அதன் நாட்டிலிருந்து ஒரு நொடிப்பொழுதில் துரத்துவேன். [QBR2] அதற்கென நான் நியமிப்பதற்கு என்னால் தெரிந்துகொள்ளப்பட்டவன் யார்? [QBR] என்னைப் போன்றவன் யார்? என்னை எதிர்க்கக் கூடியவன் யார்? [QBR2] எந்த மேய்ப்பன் எனக்கெதிராக நிற்பான்?
20. ஆகையால், யெகோவா ஏதோமுக்கு விரோதமாக வகுத்த திட்டங்களையும், [QBR2] தேமானில் வாழ்கிறவர்களுக்கு விரோதமான அவரது நோக்கங்களையும் கேளுங்கள். [QBR] மந்தையில் இளமையானவை இழுத்துச் செல்லப்படும். [QBR2] அவைகளின் நிமித்தம் அவைகளின் மேய்ச்சல் நிலத்தை முற்றுமாய் அழித்துப் போடுவான். [QBR]
21. அவைகளின் விழுகையின் சத்தத்தால் பூமி நடுங்கும். [QBR2] அவைகளின் அழுகுரல் செங்கடல்வரை எதிரொலிக்கும். [QBR]
22. இதோ! ஒருவன் கழுகைப்போல உயரப் பறந்து, [QBR2] போஸ்றாவின் மேலாக தனது சிறகுகளை விரித்து, அதை தாக்கும்படி கீழே வருகிறான். [QBR] அந்த நாளில் ஏதோமின் போர்வீரருடைய இருதயங்கள் [QBR2] பிரசவிக்கிற ஒரு பெண்ணின் இருதயத்தைப்போல் இருக்கும். [PS]
23. {தமஸ்குவைப் பற்றிய செய்தி} [PS] தமஸ்குவைப் பற்றியது: [QBR] “ஆமாத்தும், அர்பாத்தும், கெட்ட செய்தியைக் [QBR2] கேட்டதினால் மனமுடைந்து போயின. அவர்கள் [QBR] மனந்தளர்ந்து, [QBR2] அமைதியற்ற கடலைப்போல் குழப்பமடைந்து இருக்கிறார்கள். [QBR]
24. தமஸ்கு தளர்ந்துவிட்டது. [QBR2] அது தப்பி ஓடுவதற்குத் திரும்பி விட்டது. [QBR2] திகில் அதைப்பற்றிப் பிடித்துக்கொண்டது. [QBR] பிரசவிக்கும் பெண்ணின் வேதனையைப்போன்ற வேதனையும், [QBR2] துக்கமும் அதை ஆட்கொண்டன. [QBR]
25. புகழ்ப்பெற்ற பட்டணம் கைவிடப்படாமல் இருப்பதேன்? [QBR2] நான் மகிழ்ச்சிகொள்ளும் நகரம் ஏன் கைவிடப்படாமல் இருக்கிறது. [QBR]
26. நிச்சயமாக அதன் வாலிபர்கள் தெருக்களில் விழுவார்கள். [QBR2] அந்நாளில் எல்லாப் போர்வீரர்களும் அழிக்கப்படுவார்கள் [QBR2] என்று சேனைகளின் யெகோவா அறிவிக்கிறார். [QBR]
27. நான் தமஸ்குவின் மதில்களுக்கு நெருப்பு வைப்பேன். [QBR2] அது பெனாதாத்தின் கோட்டைகளை எரிக்கும்.” {கேதாரையும், காத்சோரையும் பற்றிய செய்தி} [PS]
28. பாபிலோன் அரசன் நேபுகாத்நேச்சார் தாக்கிய கேதாரையும், காத்சோர் அரசுகளையும் பற்றியது: [PS] யெகோவா கூறுவது இதுவே: [QBR] “நீ எழுந்து கேதாரைத் தாக்கி [QBR2] கிழக்கிலுள்ள மக்களை அழித்துவிடு. [QBR]
29. அவர்களுடைய கூடாரங்களும், அவர்களுடைய மந்தைகளும் எடுத்துச் செல்லப்படும்; [QBR2] அவர்களுடைய எல்லா பொருட்களுடனும் ஒட்டகங்களுடனும் [QBR2] அவர்களுடைய குடிமனைகள் எடுத்துச் செல்லப்படும். [QBR] மனிதர் அவர்களைப் பார்த்து, [QBR2] ‘எல்லாப் பக்கங்களிலும் பயங்கரம்’ என்று சொல்லிக் கூக்குரலிடுவார்கள்.
30. “காத்சோரில் வாழ்பவர்களே நீங்கள் விரைவாகத் தப்பி ஓடுங்கள்; [QBR2] ஆழமான குகைகளிலே தங்குங்கள்” [QBR2] என்று யெகோவா அறிவிக்கிறார். [QBR] ஏனெனில், “பாபிலோன் அரசன் நேபுகாத்நேச்சார் [QBR2] உனக்கெதிராகச் சதித்திட்டமிட்டிருக்கிறான்; [QBR2] அவன் உனக்கெதிராகத் திட்டமிட்டு சூழ்ச்சி செய்திருக்கிறான்.
31. “தன்னம்பிக்கையுடன் [QBR2] சுகவாழ்வு வாழ்கிற நாட்டை எழுந்து தாக்கு” [QBR2] என்று யெகோவா அறிவிக்கிறார். [QBR] “அது கதவோ, தாழ்ப்பாளோ இல்லாத ஒரு இனம். [QBR2] அதன் மக்கள் தனிமையாய் வாழ்கிறார்கள். [QBR]
32. அவர்களுடைய ஒட்டகங்கள் கொள்ளைப்பொருளாகும். [QBR2] அவர்களுடைய பெரும் மந்தைகளும் சூறைப்பொருளாகும். [QBR] தூரமான இடங்களில் இருக்கிறவர்களை நான்கு திசைகளிலும் சிதறடித்து, [QBR2] ஒவ்வொரு பக்கத்திலிருந்தும் பேராபத்தைக் கொண்டுவருவேன்” [QBR2] என்று யெகோவா அறிவிக்கிறார். [QBR]
33. “காத்சோர், நரிகளுக்கு உறைவிடமாகி [QBR2] என்றைக்கும் பாழடைந்திருக்கும். [QBR] ஒருவரும் அங்கு வாழமாட்டார்கள். [QBR2] ஒரு மனிதரும் அங்கு குடியிருக்கவுமாட்டார்கள்.” [PS]
34. {ஏலாமைப் பற்றிய செய்தி} [PS] யூதாவின் அரசன் சிதேக்கியாவின் ஆட்சியின் ஆரம்ப காலத்தில், ஏலாமைக் குறித்து இறைவாக்கினன் எரேமியாவுக்கு வந்த யெகோவாவின் வார்த்தை இதுவே: [PS]
35. சேனைகளின் யெகோவா கூறுவதாவது: [QBR] “பாருங்கள், நான் ஏலாமின் வில்லை முறிப்பேன்; [QBR2] அவர்களின் பலத்தின் ஆதாரத்தையும் முறிப்பேன். [QBR]
36. நான் வானத்தில் நான்கு திசைகளிலிருந்தும், [QBR2] நான்கு காற்றுகளை ஏலாமுக்கு எதிராகக் கொண்டுவருவேன். [QBR] நான் அவர்களை நான்கு திசைகளிலும் சிதறடிப்பேன். [QBR2] ஏலாம் மக்கள் நாடுகடத்தப்பட்டு போகாத [QBR2] ஒரு நாடும் இருக்கமாட்டாது. [QBR]
37. தங்கள் உயிரை வாங்கத் தேடுகிற [QBR2] எதிரிகளுக்கு முன்பாக நான் ஏலாமை நொறுக்குவேன். [QBR] என்னுடைய கடுங்கோபத்தினால் [QBR2] பேராபத்தை அவர்கள்மேல் கொண்டுவருவேன்” [QBR2] என்று யெகோவா அறிவிக்கிறார். [QBR] “அவர்களை ஒரு முடிவுக்குக் கொண்டுவரும்வரை [QBR2] வாளுடன் அவர்களைப் பின்தொடர்வேன். [QBR]
38. நான் ஏலாமில் என்னுடைய அரியணையை அமைப்பேன்; [QBR2] அதன் அரசர்களையும், அதிகாரிகளையும் அழிப்பேன்” [QBR2] என்று யெகோவா அறிவிக்கிறார்.
39. “ஆனாலும் வரும் நாட்களில், ஏலாமின் [QBR2] செல்வங்களை மீண்டும் கொடுப்பேன்” [QBR2] என்று யெகோவா அறிவிக்கிறார். [PE]