1. {மோவாபைப் பற்றிய செய்தி} [PS] மோவாபைப் பற்றியது: [PS] இஸ்ரயேலின் இறைவனாகிய சேனைகளின் யெகோவா கூறுவது இதுவே: [QBR] “நேபோ நாட்டுக்கு ஐயோ கேடு! அது பாழாக்கப்படும். [QBR2] கீரியாத்தாயீம் அவமானத்திற்கு உள்ளாக்கப்பட்டு கைப்பற்றப்படும். [QBR2] அதன் பலத்த அரண் அவமதிக்கப்பட்டு தகர்க்கப்படும். [QBR]
2. மோவாப் இனி ஒருபோதும் புகழப்படமாட்டாது; [QBR2] அதனுடைய அழிவுக்காக, எஸ்போனில் உள்ள மனிதர் சதித்திட்டம் போடுவார்கள்: [QBR2] ‘வாருங்கள் நாம் அந்த நாட்டிற்கு ஒரு முடிவை உண்டாக்குவோம்.’ [QBR] மத்மேனே பட்டணமே, நீயும் அழிக்கப்படுவாய்; [QBR2] வாள் உன்னைப் பின்தொடரும். [QBR]
3. ஒரொனாயீமிலிருந்து உண்டாகும் கதறுதலைக் கேளுங்கள். [QBR2] அது அழிவினாலும், பேரழிவினாலும் உண்டாகும் கதறுதல். [QBR]
4. மோவாப் நொறுக்கப்படும். [QBR2] அதிலுள்ள சிறுவர்கள் கூப்பிடும் சத்தம் கேட்கப்படுகிறது. [QBR]
5. லூகித்துக்கு ஏறிப்போகும் வழியில் [QBR2] மனங்கசந்து அழுதுகொண்டே போகிறார்கள். [QBR] ஒரொனாயீமுக்கு இறங்கிப் போகும் வீதியில் [QBR2] அழிவின் நிமித்தம் அழுகுரல் கேட்கப்படுகிறது. [QBR]
6. தப்பி ஓடுங்கள்; உங்கள் உயிர் தப்ப ஓடுங்கள். [QBR2] வனாந்திரத்திலுள்ள புதரைப்போலாகுங்கள். [QBR]
7. மோவாபே நீ உன் சொந்தத் திறமையிலும், [QBR2] செல்வத்திலும் நம்பிக்கை வைத்திருப்பதினால், நீயும் சிறைப்பிடிக்கப்படுவாய். [QBR] உன் தெய்வமான கேமோஷ் அதன் பூசாரிகளுடனும், [QBR2] அலுவலர்களுடனும் நாடுகடத்தப்படும். [QBR]
8. ஒவ்வொரு பட்டணத்திற்கும் அழிக்கிறவன் வருவான். [QBR2] ஒரு பட்டணமும் தப்பிப்போகாது. [QBR] பள்ளத்தாக்குப் பாழாக்கப்படும், [QBR2] சமனான பூமியும் அழிக்கப்படும். [QBR2] ஏனெனில் யெகோவா இதைச் சொல்லியிருக்கிறார். [QBR]
9. மோவாபின்மேல் உப்பை தூவுங்கள். [QBR2] அவள் முழுவதுமாக அழிக்கப்படுவாள். [QBR] அதன் பட்டணங்கள் பாழாக்கப்படும். [QBR2] குடியிருப்பதற்கு யாருமின்றி வெறுமையாய் கைவிடப்படும்.
10. “யெகோவாவின் வேலையை மனமில்லாமல் செய்கிறவன்மேல் சாபம் உண்டாகட்டும். [QBR2] இரத்தம் சிந்தாமல் தனது வாளை வைத்திருக்கிறவன்மேல் சாபம் உண்டாகட்டும்.
11. “மோவாப் தன் வாலிப காலத்திலிருந்து ஆறுதலாய் இருக்கிறாள். [QBR2] ஒரு பாத்திரத்திலிருந்து மற்றொரு பாத்திரத்திற்கு ஊற்றப்படாமல், [QBR] மண்டி கலக்காமல் இருக்கும் திராட்சரசத்தைப்போல் இருக்கிறாள். [QBR2] அவள் நாடுகடத்தப்பட்டுப் போகவில்லை. [QBR] ஆகையால் அவளது சுவை அப்படியே இருந்தது. [QBR2] அவளுடைய வாசனையும் மாறுபடவில்லை. [QBR]
12. ஆனால், நாட்கள் வருகின்றன” என்று யெகோவா அறிவிக்கிறார். [QBR] “அப்பொழுது ஜாடிகளிலிருந்து ஊற்றும் மனிதர்களை அனுப்புவேன். [QBR2] அவர்கள் அவளை வெளியே ஊற்றுவார்கள். [QBR] அவளது ஜாடிகள் வெறுமையாக்கப்படும். [QBR2] அவளுடைய பாத்திரங்களும் உடைத்துப் போடப்படும். [QBR]
13. அப்பொழுது இஸ்ரயேல் பெத்தேலில் நம்பிக்கை வைத்து, [QBR2] வெட்கப்பட்டதுபோல, [QBR2] மோவாப் நாடும் கேமோஷ் தெய்வத்தைக் குறித்து வெட்கமடையும்.
14. “ ‘நாங்கள் போர்வீரர்; போரில் வலிமைமிக்க வீரர்கள்’ [QBR2] என்று நீங்கள் எப்படி கூறலாம்? [QBR]
15. மோவாப் அழிக்கப்பட்டு, அவளுடைய பட்டணங்கள் தாக்கப்படும். [QBR2] அங்குள்ள திறமைமிக்க வாலிபர் கொலைசெய்யப்படுவார்கள்” என்று, [QBR2] சேனைகளின் யெகோவா என்னும் பெயருடைய அரசர் அறிவிக்கிறார். [QBR]
16. “மோவாபின் வீழ்ச்சி மிக அருகிலுள்ளது. [QBR2] அவளுடைய அழிவு விரைவாய் வரும். [QBR]
17. அவளைச்சுற்றி வசிப்பவர்களும், [QBR2] அவளின் புகழை அறிந்தவர்களுமான நீங்கள் அவளுக்காக அழுது புலம்புங்கள். [QBR] ‘வலிமைமிக்க செங்கோல் எப்படி முறிந்தது, [QBR2] மகிமையான கோலும் எப்படி முறிந்தது’ என்று சொல்லி அழுங்கள்.
18. “தீபோன் மகளின் குடிகளே! [QBR2] நீங்கள் உங்கள் மேன்மையிலிருந்து கீழிறங்கி [QBR2] வறண்ட நிலத்தில் உட்காருங்கள். [QBR] ஏனெனில் மோவாபை அழிப்பவன் [QBR2] உங்களுக்கெதிராய் வந்து உங்கள் அரணுள்ள [QBR2] பட்டணங்களை அழித்துப் போடுவான். [QBR]
19. அரோயேரில் குடியிருப்பவர்களே! [QBR2] தெருவோரமாய் நின்று கவனித்துப் பாருங்கள்; [QBR] ஓடுகிற மனிதனிடமும், [QBR2] தப்பி ஓடுகிற பெண்ணிடமும், ‘நடந்தது என்ன?’ என்று கேளுங்கள். [QBR]
20. மோவாப் தகர்க்கப்பட்டபடியால், [QBR2] அது அவமதிக்கப்பட்டிருக்கிறது. [QBR] ஓலமிட்டு அழுங்கள். [QBR2] மோவாப் அழிக்கப்பட்டதென்று அர்னோனில் அறிவியுங்கள். [QBR]
21. சமனான பூமிக்கு நியாயத்தீர்ப்பு வந்திருக்கிறது. [QBR2] ஓலோன், யாத்சா, மேபாகாத் பட்டணங்களுக்கும், [QBR2]
22. தீபோன், நேபோ, பெத்திப்லாத்தாயீம் பட்டணங்களுக்கும், [QBR2]
23. கீரியாத்தாயீம், பெத்காமூல், பெத்மெயோன் பட்டணங்களுக்கும், [QBR2]
24. கீரியோத், போஸ்றா, மற்றும் தூரத்திலும் சமீபத்திலும் உள்ள [QBR2] மோவாபின் பட்டணங்கள் எல்லாவற்றுக்கும் நியாயத்தீர்ப்பு வந்துள்ளது. [QBR]
25. மோவாபின் பலம் எடுக்கப்பட்டது. [QBR2] அவளுடைய புயம் முறிக்கப்பட்டது” [QBR2] என்று யெகோவா அறிவிக்கிறார்.
26. “மோவாப் யெகோவாவை எதிர்த்தெழும்பினாள். [QBR2] ஆகையால் அவளை வெறிக்கப் பண்ணுங்கள். [QBR] அவள் தன் வாந்தியிலேயே புரண்டு, [QBR2] மற்றவர்களுக்கு அவள் ஒரு கேலிப்பொருளுமாகட்டும். [QBR]
27. மோவாபே! இஸ்ரயேல் உனது கேலிப்பொருளாக இருக்கவில்லையோ? [QBR2] நீ அவளைப் பற்றிப் பேசும்போதெல்லாம் [QBR] இகழ்ச்சியுடன் உன் தலையை அசைக்கிறாயே; [QBR2] அவள் என்ன கள்ளர்களோடுகூட பிடிக்கப்பட்டவளோ! [QBR]
28. மோவாபின் குடிகளே! [QBR2] நீங்கள் பட்டணங்களைவிட்டு மலைகளிலுள்ள [QBR] பாறைகளின் மத்தியில் போய் குடியிருங்கள். [QBR2] குகை வாசலில் கூடுகட்டும் புறாவைப் போலிருங்கள்.
29. “மோவாபுடைய பெருமையைப் பற்றி நாங்கள் கேள்விப்பட்டோம். [QBR2] அவளுடைய ஆணவத்தையும், [QBR] இறுமாப்பையும், பெருமையையும், அகங்காரத்தையும், [QBR2] இருதய அகந்தையையும் கேள்விப்பட்டிருக்கிறோம். [QBR]
30. அவளுடைய திமிரை நான் அறிவேன். இது பயனற்றது” என்று யெகோவா அறிவிக்கிறார். [QBR2] “அவள் அவளுடைய தற்புகழ் பேச்சினால் எதையுமே சாதிக்கப்போவதில்லை. [QBR]
31. ஆகவே நான் மோவாபைக் குறித்துப் புலம்புவேன். [QBR2] மோவாப் நாடு முழுவதற்காகவும் நான் கதறுவேன். [QBR2] கிர் ஹெரெஸ் மனிதருக்காகவும் ஏங்கி அழுவேன். [QBR]
32. சிப்மா நாட்டிலுள்ள திராட்சைக் கொடிகளே! [QBR2] யாசேர் அழுவதைப்போல் [QBR] நான் உங்களுக்காக அழுவேன். [QBR2] உங்கள் கிளைகள் கடல்வரை பரவி யாசேர் வரையும் எட்டியுள்ளன. [QBR] உன்னுடைய பழுத்த பழங்கள் மீதும், [QBR2] திராட்சைப்பழ அறுப்பின் மீதும் அழிக்கிறவன் வந்துவிட்டான். [QBR]
33. மோவாப் நாட்டின் வயல்களிலிருந்தும், [QBR2] பழத்தோட்டங்களிலிருந்தும், [QBR] மகிழ்ச்சியும் களிப்பும் நீங்கிப்போயின. [QBR2] ஆலைகளிலிருந்து திராட்சரசம் வழிந்தோடுவதையும், நான் நிறுத்திவிட்டேன். [QBR] மகிழ்ச்சியின் ஆரவாரத்தோடு அவைகளை மிதிப்பார் யாருமில்லை. [QBR2] சத்தங்கள் அங்கு இருந்தாலும், அவை மகிழ்ச்சியின் சத்தங்கள் அல்ல.
34. “அவர்களுடைய அழுகையின் சத்தம் எஸ்போனிலிருந்து எலெயாலே வரைக்கும், [QBR2] யாகாஸ் வரைக்கும் கேட்கிறது. அச்சத்தம் சோவாரிலிருந்து ஒரொனாயீம் வரைக்கும், [QBR] எக்லத் ஷெலிஷியாவரைக்கும் மேலெழும்புகிறது. [QBR2] ஏனெனில் நிம்ரீம் நீரோடைகளும் வற்றிப்போயின. [QBR]
35. மோவாபில் உயர்ந்த இடங்களில் பலிகளைச் செலுத்தி, [QBR2] தங்கள் தெய்வங்களுக்குத் தூபங்காட்டுகிறவர்களுக்கு [QBR2] ஒரு முடிவை உண்டாக்குவேன்” என்று யெகோவா அறிவிக்கிறார். [QBR]
36. “ஆகவே என் இருதயம் மோவாபிற்காக புல்லாங்குழலைப்போல் புலம்புகிறது. [QBR2] கிர் ஹெரெஸ் மனிதருக்காக அது ஒரு புல்லாங்குழலைப்போல் புலம்புகிறது. [QBR2] ஏனெனில் அவர்கள் சேமித்த செல்வம் போய்விட்டது. [QBR]
37. தலைகளெல்லாம் மொட்டையடிக்கப்பட்டிருக்கின்றன. [QBR2] தாடிகளெல்லாம் வெட்டப்பட்டிருக்கின்றன. [QBR] கைகளெல்லாம் குத்திக் கீறப்பட்டிருக்கின்றன. [QBR2] இடுப்புகளெல்லாம் துக்கவுடையால் மூடப்பட்டிருக்கின்றன. [QBR]
38. மோவாபிலுள்ள எல்லா வீட்டுக் கூரைகளின்மேலும், [QBR2] பொதுச் சதுக்கங்களிலும் [QBR] துக்கங்கொண்டாடுதலே அல்லாமல் வேறொன்றுமில்லை. [QBR2] ஏனெனில் நான் மோவாபை ஒருவரும் விரும்பாத ஜாடியைப்போல் [QBR2] உடைத்துப் போட்டேன்” என்று யெகோவா அறிவிக்கிறார். [QBR]
39. “மோவாப் எவ்வளவாய் சிதறடிக்கப்பட்டிருக்கிறாள்! [QBR2] மக்கள் எவ்வளவாய் புலம்புகிறார்கள்! [QBR] மோவாப் எவ்வளவாய் வெட்கத்தினால் தலைகுனிந்து நிற்கிறாள்! [QBR2] மோவாப் ஒரு கேலிப்பொருளானாள்; [QBR2] அவள் தன்னைச் சுற்றியுள்ள யாவருக்கும் திகிலூட்டும் பொருளானாள்.” [PE][PS]
40. யெகோவா கூறுவது இதுவே: [QBR] “இதோ, நோக்கிப்பாருங்கள். ஒரு கழுகு, [QBR2] தன் சிறகுகளை மோவாபின் மேலாக விரித்து அதைத் தாக்கும்படி கீழே வருகிறது. [QBR]
41. கீரியோத் கைப்பற்றப்பட்டு [QBR2] அதன் பலத்த அரண்களும் பிடிக்கப்படும். [QBR] அந்நாளில் மோவாபின் போர் வீரர்களின் இருதயங்கள் [QBR2] பிரசவிக்கிற ஒரு பெண்ணின் இருதயத்தைப் போலிருக்கும். [QBR]
42. மோவாப் யெகோவாவை எதிர்த்தபடியினால், [QBR2] அவள் ஒரு நாடாக இராதபடி அழிக்கப்படுவாள். [QBR]
43. மோவாபின் மக்களே! [QBR2] பயங்கரமும், படுகுழியும், கண்ணியும் உங்களுக்காகக் காத்திருக்கின்றன” [QBR2] என்று யெகோவா அறிவிக்கிறார். [QBR]
44. “பயங்கரத்துக்குத் தப்பி ஓடுகிறவன், [QBR2] படுகுழிக்குள் விழுவான். [QBR] குழியிலிருந்து வெளியே ஏறிவருகிறவன், [QBR2] கண்ணியில் அகப்படுவான். [QBR] ஏனெனில் மோவாபுக்குரிய தண்டனையின் வருடத்தை நான் [QBR2] அதன்மீது கொண்டுவருவேன்” என்று [QBR2] யெகோவா அறிவிக்கிறார்.
45. “தப்பியோடுகிறவர்கள் எஸ்போனின் நிழலில் [QBR2] செய்வதறியாது தவிக்கிறார்கள். [QBR] ஏனெனில் எஸ்போனிலிருந்து நெருப்பும், [QBR2] சீகோனின் நடுவிலிருந்து ஒரு ஜுவாலையும் புறப்பட்டிருக்கிறது. [QBR] அது மோவாபின் நெற்றிகளையும் [QBR2] பெருமையாய் பேசுகிறவர்களின் மண்டையோடுகளையும் எரிக்கிறது. [QBR]
46. மோவாபே, உனக்கு ஐயோ கேடு! [QBR2] கேமோஷ் [*கேமோஷ் என்றால் மோவாபியர் வணங்கும் தெய்வம்] தெய்வத்தின் மக்கள் அழிக்கப்பட்டிருக்கிறார்கள்; [QBR] உன் மகன்கள் நாடுகடத்தப்பட்டிருக்கிறார்கள், [QBR2] உன் மகள்கள் சிறைப்பிடிக்கப்பட்டிருக்கிறார்கள்.
47. “இருந்தும் பின்வரும் நாட்களில் [QBR2] நான் மோவாபின் செல்வங்களைத் திரும்பவும் கொடுப்பேன்” [QBR2] என்று யெகோவா அறிவிக்கிறார். [PE][PS] மோவாபின் நியாயத்தீர்ப்பு இத்துடன் முடிகிறது. [PE]