1. {பாபிலோனுக்கு எதிரான இறைவாக்கு} [PS] கடல் அருகேயுள்ள பாலைவனத்தைக் குறித்த ஒரு இறைவாக்கு: [QBR] புயல்காற்று நெகேவ் பிரதேசமான தென்திசையிலிருந்து வீசுவதுபோல, [QBR2] பயங்கர நாடான பாலைவனத்திலிருந்து [QBR2] ஒருவன் படையெடுத்து வருகிறான்.
2. கொடிய தரிசனம் ஒன்று எனக்குக் காண்பிக்கப்பட்டது: [QBR2] துரோகி காட்டிக்கொடுக்கிறான், கொள்ளைக்காரன் கொள்ளையிடுகிறான். [QBR] ஏலாமே, தாக்கு! மேதியாவே, முற்றுகையிடு! [QBR2] அவள் உண்டுபண்ணிய புலம்பலுக்கு ஒரு முடிவைக் கொண்டுவருவேன்.
3. இதனால் என் உடல் நோவினால் வாதிக்கப்படுகிறது; [QBR2] பெண்ணின் பிரசவ வேதனையைப்போல் கடும் வேதனை என்னைப் பிடித்துக்கொண்டது. [QBR] நான் கேட்பது என்னைத் தள்ளாடப் பண்ணுகிறது; [QBR2] நான் காண்பது என்னைக் குழப்பமடையச் செய்கிறது. [QBR]
4. எனது இருதயம் தயங்குகிறது, [QBR2] பயம் என்னை நடுங்கப் பண்ணுகிறது; [QBR] நான் எதிர்பார்த்திருந்த மாலைப்பொழுது [QBR2] எனக்கு பயங்கரமாயிற்று.
5. அவர்கள் பந்தியை ஆயத்தப்படுத்துகிறார்கள், [QBR2] அவர்கள் கம்பளம் விரிக்கிறார்கள், [QBR2] அவர்கள் உண்டு குடிக்கிறார்கள். [QBR] அதிகாரிகளே, எழும்புங்கள், [QBR2] கேடயங்களுக்கு எண்ணெய் பூசுங்கள்! [PE][PS]
6. யெகோவா எனக்குக் கூறுவது இதுவே: [QBR] “நீ போய் காவலாளியை அவனுக்குரிய இடத்தில் அமர்த்து; [QBR2] அவன் காண்பதை உனக்குத் தெரிவிக்கும்படி சொல். [QBR]
7. குதிரைக் கூட்டங்களுடன் [QBR2] வரும் தேர்களையோ, [QBR] கழுதைகளின் மேலோ [QBR2] ஒட்டகங்களின் மேலோ ஏறிச்செல்பவர்களையோ காணும்போது, [QBR] அவன் முழு எச்சரிக்கையுடன் [QBR2] விழிப்பாயிருக்கட்டும்.” [PE][PS]
8. காவலாளி சிங்கத்தைப்போல் சத்தமிட்டு, [QBR] “ஆண்டவனே, நான் பகல்தோறும், காவல் கோபுரத்தில் நிற்கிறேன்; [QBR2] ஒவ்வொரு இரவும் எனக்குரிய இடத்திலேயே இருக்கிறேன். [QBR]
9. இதோ குதிரைகள் பூட்டப்பட்ட ஒரு தேரில் ஒருவன் வருகிறான். [QBR2] ‘பாபிலோன் வீழ்ந்தது, பாபிலோன் வீழ்ந்தது! [QBR] அதன் தெய்வங்களின் உருவச்சிலைகள் எல்லாம் [QBR2] நிலத்தில் சிதறிக் கிடக்கின்றன!’ [QBR] என அவன் பதிலளிக்கிறான்” [QBR2] என்று சொன்னான்.
10. என் மக்களே, சூடடிக்கும் களத்தில் நசுக்கப்பட்டிருப்பவர்களே, [QBR2] இஸ்ரயேலின் இறைவனாகிய [QBR] சேனைகளின் யெகோவாவிடமிருந்து [QBR2] நான் கேட்டதை உங்களுக்குச் சொல்கிறேன். [PS]
11. {ஏதோமுக்கு எதிரான இறைவாக்கு} [PS] தூமாவைப் [*தூமாவை மற்றொரு பெயர் ஏதோம் அதற்கு அமைதி என்று அர்த்தம்.] பற்றிய ஒரு இறைவாக்கு: [QBR] சேயீரிலிருந்து ஒருவன் என்னைக் கூப்பிட்டு, [QBR2] “காவலாளியே, இரவு முடிய எவ்வளவு நேரமாகும்? [QBR2] காவலாளியே, இரவு முடிய எவ்வளவு நேரமாகும்?” என்று கேட்டான். [QBR]
12. காவலாளி பதிலளித்து, [QBR2] “காலை வருகிறது, ஆனால் இரவும் வருகிறது. [QBR] நீ கேட்க விரும்பினால் திரும்பவும் வந்து கேள்” [QBR2] என்று கூறினான். [PS]
13. {அரேபியாவுக்கு எதிரான இறைவாக்கு} [PS] அரேபியாவைப் பற்றிய இறைவாக்கு: [QBR] தெதானியரின் வணிகப் பயணிகள் கூட்டமே, [QBR2] அரேபியாவின் காடுகளில் முகாமிடுகிறவர்களே, [QBR2]
14. தாகமுள்ளோருக்கு தண்ணீர் கொண்டுவாருங்கள்; [QBR] தேமாவில் வசிப்பவர்களே, [QBR2] நீங்கள் அகதிகளுக்கு உணவு கொண்டுவாருங்கள். [QBR]
15. அவர்கள் பட்டயங்களுக்கும், [QBR2] உருவிய பட்டயத்துக்கும், [QBR] நாணேற்றிய வில்லுக்கும், [QBR2] போரின் உக்கிரத்துக்கும் பயந்தோடி வருகிறார்கள். [PE][PS]
16. யெகோவா எனக்கு கூறுவது இதுவே: “ஒப்பந்தத்தில் கூலி வேலைக்கு அமர்த்தப்பட்டவன் தனது வேலை நாட்களைக் கணக்கெடுக்கிறானே; அதுபோல ஒரு வருடத்திற்குள் கேதாரின் எல்லா மகிமையும் முடிவடையும்.
17. வில்வீரரில் தப்பிப் பிழைப்போரும், கேதாரின் [†கேதாரின் என்பது அரேபியாவின் வனப்பகுதி.] போர்வீரரும், மிகச் சிலராய் இருப்பார்கள்” என்பதாக இஸ்ரயேலின் இறைவனாகிய யெகோவா பேசியிருக்கிறார். [PE]