1. அநீதியான சட்டங்களை இயற்றி, [QBR2] ஒடுக்குகிற கட்டளைகளைப் பிறப்பிக்கிறவர்களுக்கு ஐயோ கேடு! [QBR]
2. அவர்கள் ஏழைகளின் உரிமைகளைப் பறிப்பதற்கும், [QBR2] என் மக்களில் ஒடுக்கப்பட்டோருக்கு நீதி வழங்காதிருப்பதற்கும், [QBR] விதவைகளைத் தங்களுக்கு இரையாக்குவதற்கும், [QBR2] அநாதைகளின் சொத்தை அபகரிப்பதற்குமே இந்தக் கட்டளைகளைப் பிறப்பிக்கிறார்கள். [QBR]
3. உங்களுக்குத் தண்டனை வரும் நாளிலும், [QBR2] தூரத்திலிருந்து அழிவு வரும்போதும் என்ன செய்வீர்கள்? [QBR] யாரிடம் உதவிக்கு ஓடுவீர்கள்? [QBR2] உங்கள் செல்வங்களை எங்கு வைப்பீர்கள்? [QBR]
4. கைதிகளுக்கிடையில் பதுங்குவதையும், [QBR2] கொலையுண்டவர்களுக்கிடையில் விழுவதையும்விட, உங்களுக்கு வேறு கதி இராது. இவையெல்லாம் நடந்தும் அவரது கோபம் தீராமல், [QBR2] அவரது கரம் இன்னும் ஓங்கியபடியே இருக்கிறது.
5. {அசீரியாவின்மேல் நியாயத்தீர்ப்பு} [PS] “எனது கோபத்தின் கோலாய் இருக்கிற அசீரியனுக்கு ஐயோ கேடு! [QBR2] அவனுடைய கையில் எனது கடுங்கோபத்தின் தண்டாயுதம் இருக்கிறது. [QBR]
6. நான் அவனை இறைவனை மறுதலிக்கிற ஒரு நாட்டுக்கு விரோதமாக அனுப்பி, [QBR2] எனக்குக் கோபமூட்டும் மக்களைக் [QBR] கொள்ளையிட்டு சூறையாடி, பறித்து, [QBR2] தெருவிலுள்ள சேற்றை மிதிப்பதுபோல் அவர்களை மிதித்துப் போடவும் [QBR2] நான் அவனுக்கு கட்டளை கொடுக்கிறேன். [QBR]
7. ஆனால் அசீரிய அரசன் எண்ணுவது இதுவல்ல; [QBR2] அவனுடைய மனதில் இருப்பதும் இதுவல்ல, [QBR] பல நாடுகளை அழித்து [QBR2] அவர்களுக்கு ஒரு முடிவைக் கொண்டுவருவதே அவனுடைய நோக்கம். [QBR]
8. அவன் சொல்கிறதாவது, ‘எனது தளபதிகள் எல்லோருமே அரசர்கள் அல்லவா? [QBR2]
9. கல்னோ பட்டணம் கர்கேமிஷைப்போல் ஆகவில்லையா? [QBR] ஆமாத் அர்பாத்தைப்போல் ஆகவில்லையா? [QBR2] சமாரியா தமஸ்குவைப்போல் ஆகவில்லையா? [QBR]
10. எருசலேமிலும், சமாரியாவிலும் உள்ள உருவச்சிலைகளைவிட [QBR2] சிறந்த உருவச்சிலைகளின் அரசுகளை நான் கைப்பற்றினேன். [QBR]
11. சமாரியாவுக்கும் அதன் விக்கிரகங்களுக்கும் செய்ததுபோல, [QBR2] எருசலேமுக்கும், அதன் விக்கிரகங்களுக்கும் செய்யமாட்டேனோ?’ ” [PE][PS]
12. யெகோவா சீயோன் மலைக்கும் எருசலேமுக்கும் விரோதமாக தனது செயல்கள் அனைத்தையும் செய்துமுடித்ததும், “நான் அசீரிய அரசனின் இருதய மேட்டிமைக்கும், அவனுடைய கண்களின் அகங்காரத்துக்கும் அவனைத் தண்டிப்பேன்” என்பார்.
13. ஏனெனில் அவன் சொல்கிறதாவது: [QBR] “ ‘எனது கரத்தின் வல்லமையாலும், [QBR2] எனது ஞானத்தினாலும் அறிவினாலும் [QBR] நான் இதைச் செய்தேன், [QBR2] நான் பல நாடுகளின் எல்லைகளை அகற்றினேன், அவர்களுடைய செல்வங்களைச் சூறையாடினேன், [QBR2] பெரும் வல்லவனைப்போல் அவர்களின் அரசர்களை அடக்கிக் கீழ்ப்படுத்தினேன். [QBR]
14. ஒருவன் பறவைகளின் கூட்டிற்குள் எட்டிக் கைவிடுவதுபோல், [QBR2] நாடுகளின் செல்வத்தை எடுப்பதற்கு என் கை நீட்டப்பட்டது. [QBR] கைவிடப்பட்ட முட்டைகளை மனிதர் சேர்ப்பதுபோல், [QBR2] எல்லா நாடுகளையும் நான் ஒன்றாகச் சேர்த்தேன். [QBR] ஒன்றாவது சிறகை அடிக்கவுமில்லை, [QBR2] கூச்சலிடுவதற்காக வாயைத் திறக்கவுமில்லை.’ ”
15. கோடரி தன்னைத் தூக்குபவனைவிட மேலானதோ? [QBR2] வாள் தன்னை உபயோகிக்கிறவனுக்கு மேலாகத் தற்பெருமை கொள்ளுமோ? [QBR2] அப்படியானால், வீசி அடிப்பதற்காக ஒருவன் ஒரு தடியை எடுக்க, [QBR] அந்தத் தடியோ தன்னை எடுத்தவனையே தூக்கி சுழற்றுவதுபோல் இருக்குமே. [QBR2] மரத்தாலான தண்டாயுதம், தானாகவே எழுந்து நின்று, [QBR2] மரமல்லாத மனிதனைத் தூக்கி சுழற்றுவதுபோல் இருக்குமே. [QBR]
16. ஆகையால் யெகோவா, சேனைகளின் யெகோவா [QBR2] அவனுடைய பலமுள்ள இராணுவவீரர்களுக்குள் உருக்கும் நோயை அனுப்புவார். [QBR] அவனுடைய பகட்டான ஆடம்பரத்தின்கீழ் [QBR2] எரியும் சுவாலை போன்ற தீயை மூட்டுவார். [QBR]
17. இஸ்ரயேலின் ஒளியானவர், நெருப்பாகவும், [QBR2] அவர்களுடைய பரிசுத்தர் கொழுந்துவிட்டு எரியும் நெருப்பாகவும் வருவார். [QBR] அவர் அவனுடைய முட்செடிகளையும், [QBR2] அவனுடைய நெருஞ்சில் செடிகளையும் ஒரே நாளில் எரித்துப்போடுவார். [QBR]
18. நோயுற்ற ஒருவன் நலிந்துபோவது போல, [QBR2] அவனுடைய காடுகளிலும் வளமுள்ள வயல்களிலும் உள்ள [QBR2] செழிப்பு முற்றிலும் அழிந்துவிடும். [QBR]
19. அவனுடைய காடுகளில் மீதமிருக்கும் மரங்களின் தொகை, [QBR2] ஒரு சிறுபிள்ளைகூட எண்ணக்கூடியதாய் குறைந்திருக்கும்.
20. {இஸ்ரயேலின் மிகுதியானோர்} [PS] அந்த நாளில் இஸ்ரயேலில் மீதியிருப்போரும், [QBR2] யாக்கோபின் குடும்பத்தில் தப்பியிருப்போரும் [QBR] [*அசீரியாவின் அரசன்] தங்களை முறியடித்தவன்மேல் [QBR2] இனியொருபோதும் நம்பிக்கை வைக்கமாட்டார்கள். [QBR] ஆனால் இஸ்ரயேலின் பரிசுத்தராகிய யெகோவாவிலேயே [QBR2] உண்மையான நம்பிக்கையை வைப்பார்கள். [QBR]
21. மீதியிருப்பவர்கள் திரும்புவார்கள், [QBR2] யாக்கோபின் குடும்பத்தில் மீதியிருப்பவர்கள் வல்ல இறைவனிடம் திரும்புவார்கள். [QBR]
22. இஸ்ரயேலே, உன் மக்கள் இப்பொழுது கடற்கரை மணல்போல் இருந்தபோதிலும், [QBR2] மீதமிருக்கும் சிலர் மட்டுமே திரும்புவார்கள். [QBR] மூழ்கடிக்கும் அழிவு ஒன்று கட்டளையிடப்பட்டிருக்கிறது; [QBR2] அது நீதியானது. [QBR]
23. நாடு முழுவதற்கும் கட்டளையிடப்பட்ட அழிவை யெகோவா, [QBR2] சேனைகளின் யெகோவா நிறைவேற்றுவார். [PE][PS]
24. ஆகையால் யெகோவா, சேனைகளின் யெகோவா சொல்வது இதுவே: [QBR] “சீயோனில் வாழும் என் மக்களே, [QBR2] எகிப்தியர் செய்ததுபோல, உங்களைப் பிரம்பால் அடித்து, [QBR] தண்டாயுதத்தை உயர்த்துகிற [QBR2] அசீரியருக்குப் பயப்படவேண்டாம். [QBR]
25. உங்களுக்கு விரோதமாக இருக்கும் என் கோபம், வெகுவிரைவில் முடிந்துவிடும். [QBR2] எனது கோபமோ, சீரியர்களுடைய அழிவை நோக்கித் திருப்பப்படும்.”
26. ஓரேப் மலையில் மீதியானியரை அடித்து வீழ்த்தியதுபோல, [QBR2] சேனைகளின் யெகோவா அவர்களைச் சவுக்கால் அடிப்பார். [QBR] எகிப்தில் செய்ததுபோல, [QBR2] தம் கோலை கடலின்மேல் உயர்த்துவார். [QBR]
27. அந்த நாளில் அசீரியனால் உங்களுக்கு உண்டான சுமையோ, [QBR2] உங்கள் தோள்களில் இருந்து நீக்கப்படும்; [QBR] அவர்களுடைய நுகம் உங்கள் கழுத்திலிருந்து அகற்றப்படும், [QBR2] நீங்கள் கொழுத்திருக்கிறபடியால் நுகம் முறிந்துவிடும்.
28. அசீரியர் ஆயாத் பட்டணத்திற்குள் செல்கிறார்கள். [QBR2] மிக்ரோனு வழியாகப் போகிறார்கள் [QBR2] மிக்மாஷாவிலே தமது பொருட்களை வைக்கிறார்கள். [QBR]
29. அவர்கள் கணவாயைத் தாண்டிச் சென்று சொல்கிறதாவது: [QBR2] “நாம் கேபாவில் இரவு தங்குவோம்.” [QBR] ராமா நடுங்குகிறது; [QBR2] சவுலின் பட்டணமாகிய கிபியாவின் மக்கள் பயந்து ஓடுகிறார்கள். [QBR]
30. காலீம் மகளே, ஓலமிடு! [QBR2] லாயிஷாவே, கேள்! [QBR2] பரிதாபத்திற்குரிய ஆனதோத்தே! [QBR]
31. மத்மேனாவில் உள்ளவர்கள் தப்பி ஓடுகிறார்கள்; [QBR2] கேபீம் மக்கள் ஓடி ஒளிந்துகொள்கிறார்கள். [QBR]
32. இந்த நாளிலே, அவர்கள் நோபிலே தங்குவார்கள்; [QBR2] எருசலேம் மலையிலுள்ள சீயோன் மகளின் [QBR] மேட்டுக்கு விரோதமாய், [QBR2] கைநீட்டி மிரட்டுவார்கள்.
33. பாருங்கள், யெகோவா, சேனைகளின் யெகோவா, [QBR2] மிக்க வல்லமையோடு பெரிய கிளைகளை வெட்டிவிடுவார். [QBR] பெரு மரங்கள் வீழ்த்தப்படும், [QBR2] ஓங்கி வளர்ந்த மரங்கள் தாழ்த்தப்படும். [QBR]
34. அவர் காட்டுப் புதர்களை கோடரியால் வெட்டி வீழ்த்துவார்; [QBR2] எல்லாம் வல்ல இறைவனின் முன்னே லெபனோன் வீழ்ந்துவிடும். [PE]