1. {மோசே கோத்திரங்களை ஆசீர்வதித்தல்} [PS] இறைவனின் மனிதனாகிய மோசே தான் இறப்பதற்குமுன் இஸ்ரயேல் மக்கள்மேல் கூறிய ஆசீர்வாதம் இதுவே.
2. அவன் சொல்லியதாவது: [QBR] “யெகோவா சீனாயிலிருந்து வந்து, [QBR2] சேயீரிலிருந்து அவர்கள்மேல் உதித்தார். [QBR2] பாரான் மலையிலிருந்து அவர் பிரகாசித்தார். [QBR] ஆயிரக்கணக்கான பரிசுத்தவான்களுடன் தெற்கிலிருந்தும், [QBR2] மலைச்சரிவுகளிலிருந்தும் வந்தார். [QBR]
3. நிச்சயமாக நீரே மக்களில் அன்பு செலுத்துகிறீர். [QBR2] எல்லா பரிசுத்தவான்களும் உமது கரத்திலே இருக்கிறார்கள். [QBR] அவர்கள் உம்முடைய பாதங்களில் விழுந்து வணங்குகிறார்கள். [QBR2] உம்மிடமிருந்து அறிவுறுத்தலை பெற்றுக்கொள்கிறார்கள். [QBR]
4. மோசே எங்களுக்குக் கொடுத்த சட்டமே அந்த அறிவுறுத்தல். [QBR2] அது யாக்கோபின் சபையாருக்கு உடைமையாய் இருக்கிறது. [QBR]
5. இஸ்ரயேலின் கோத்திரங்களுடன். [QBR2] மக்களின் தலைவர்கள் ஒன்றாய் கூடியபோது, [QBR2] யெஷூரன்மேல் யெகோவாவே அரசனாய் இருந்தார்.
6. “ரூபன் வாழட்டும்; அவன் சாகக்கூடாது, [QBR2] அவனுடைய மனிதர் குறையாமல் இருக்கட்டும்.” [PE][PS]
7. அவன் யூதாவைப்பற்றிச் சொன்னதாவது: [QBR] “யெகோவாவே, யூதாவின் கதறுதலைக் கேளும்; [QBR2] அவனை அவனுடைய மக்களிடம் கொண்டுவாரும். [QBR] அவன் தன் சொந்தக் கரங்களால் அவனுடைய உரிமைகளுக்காகப் போராடுகிறான். [QBR2] அவனுடைய பகைவருக்கு எதிராக அவனுக்குத் துணையாய் இரும்.” [PE][PS]
8. லேவியைப்பற்றி அவன் சொன்னதாவது: [QBR] “நீர் தயவுகாட்டிய மனிதனுக்கே [QBR2] உமது தும்மீம், ஊரீம் உரியவை. [QBR] நீர் மாசாவில் அவனைத் சோதித்தீர். [QBR2] மேரிபாவின் தண்ணீர் அருகே அவனுடன் வாக்குவாதம் பண்ணினீர். [QBR]
9. அவன் தன் தகப்பனையும், தாயையும்பற்றி, [QBR2] ‘நான் அவர்களைக் கவனத்தில் கொள்ளமாட்டேன்’ என்றான். [QBR] அவன் தன் சகோதரர்களை அங்கீகரிக்கவில்லை. [QBR2] தன் பிள்ளைகளையும் ஏற்றுக்கொள்ளவில்லை. [QBR] ஆனால் அவன் உம்முடைய வார்த்தையைக் கண்காணித்து, [QBR2] உம்முடைய உடன்படிக்கையைக் காவல்செய்தான். [QBR]
10. அவன் உமது ஒழுங்குவிதிகளை யாக்கோபுக்கும், [QBR2] உமது சட்டத்தை இஸ்ரயேலுக்கும் போதிக்கிறான். [QBR] உமது முன்னிலையில் தூபங்காட்டுகிறான். [QBR2] உமது பலிபீடத்தில் முழுமையான தகன காணிக்கையைச் செலுத்துகிறான். [QBR]
11. யெகோவாவே, அவனுடைய திறமைகளை ஆசீர்வதியும். [QBR2] அவனுடைய கைகளின் வேலையில் பிரியமாயிரும். [QBR] அவனுக்கு எதிரே எழும்புவோரின் இடுப்புகளை அடித்து நொறுக்கும். [QBR2] அவனுடைய பகைவர்கள் இனி ஒருபோதும் எழும்பாதபடி அவர்களை அடியும்.” [PE][PS]
12. பென்யமீனைப்பற்றி அவன் சொன்னது: [QBR] “யெகோவாவினால் அன்புகூரப்பட்டவன் அவரில் பாதுகாப்பாய் இளைப்பாறட்டும். [QBR2] ஏனெனில் அவர் அவனை நாள்முழுவதும் பாதுகாக்கிறார். [QBR2] யெகோவா அன்புகூரும் அவன் அவருடைய தோள்களுக்கிடையில் இளைப்பாறுகிறான்.” [PE][PS]
13. யோசேப்பைப்பற்றி அவன் சொன்னது: [QBR] “யெகோவா அவனுடைய நாட்டை, [QBR2] மேலே வானத்திலிருந்து வரும் பனியினாலும், [QBR2] கீழே பூமியின் ஆழத்திலிருந்துவரும் தண்ணீர்களாலும் ஆசீர்வதிப்பாராக. [QBR]
14. சூரியன் விளைவிக்கும் சிறந்த விளைச்சலினாலும், [QBR2] சந்திரன் விளைவிக்கும் அருமையான பொருட்களாலும் ஆசீர்வதிப்பாராக. [QBR]
15. பூர்வகால மலைகளின் மிகச்சிறந்த கொடைகளாலும், [QBR2] அழியாத குன்றுகளின் செழிப்பினாலும் ஆசீர்வதிப்பாராக. [QBR]
16. பூமியின் மிகச்சிறந்த கொடைகளினாலும், நிறைவினாலும் ஆசீர்வதிப்பாராக. [QBR2] எரிகின்ற புதரில் வாழ்ந்தவரின் தயவினாலும் ஆசீர்வதிப்பாராக. [QBR] இவை எல்லாம் யோசேப்பின் தலையின்மேல் தங்கட்டும். [QBR2] தனது சகோதரருள் இளவரசனாயிருந்தவனின் உச்சந்தலையிலும் தங்குவதாக. [QBR]
17. மாட்சிமையில் அவன் தலையீற்று காளைபோல் இருக்கிறான். [QBR2] அவன் கொம்புகளோ காட்டு எருதின் கொம்புகள்போல் இருக்கின்றன. [QBR] அவற்றால் நாடுகளைக் குத்திக் கிழிப்பான். [QBR2] பூமியின் கடையாந்தரங்களில் இருப்பவர்களைக்கூட குத்திக் கிழிப்பான். [QBR] எப்பிராயீமின் பத்தாயிரம்பேரும் இப்படிப்பட்டவர்களே. [QBR2] மனாசேயின் ஆயிரம்பேரும் இப்படிப்பட்டவர்களே.” [PE][PS]
18. செபுலோனைப்பற்றி அவன் சொன்னதாவது: [QBR] “செபுலோனே நீ வெளியே போகையில் களிகூரு. [QBR2] இசக்காரே நீ கூடாரங்களிலிருந்து களிகூரு. [QBR]
19. அவர்கள் மக்களை மலைக்கு அழைப்பிப்பார்கள். [QBR2] அங்கே நீதியின் பலிகளைச் செலுத்துவார்கள். [QBR] அவர்கள் கடல்களின் நிறை வளங்களிலும், [QBR2] மண்ணுள் மறைந்திருக்கும் செல்வங்களிலும் விருந்து உண்பார்கள்.” [PE][PS]
20. காத்தியரைப்பற்றி அவன் சொன்னதாவது: [QBR] “காத்தியரின் ஆளுகைகளை விரிவுபடுத்துபவன் ஆசீர்வதிக்கப்பட்டவன். [QBR2] காத் சிங்கத்தைப்போல் படுத்திருப்பான். [QBR2] அவன், புயத்தையும் தலையையும் கிழிக்கும் சிங்கத்தைப்போல் படுத்திருப்பான். [QBR]
21. அவன் சிறந்த நிலத்தை தனக்கென்று தெரிந்துகொண்டான். [QBR2] தலைவருக்கான பங்கு அவனுக்காக ஒதுக்கப்பட்டிருந்தது. [QBR] மக்களின் தலைவர்கள் ஒன்றுகூடியபோது, [QBR2] அவன் யெகோவாவின் நீதியையும், [QBR2] இஸ்ரயேலருக்கான யெகோவாவின் நியாயத்தீர்ப்புகளையும் நிறைவேற்றினான்.” [PE][PS]
22. தாணைப்பற்றி அவன் சொன்னதாவது: [QBR] “தாண் பாசானிலிருந்து, [QBR2] பாய்கிற சிங்கக்குட்டி.” [PE][PS]
23. நப்தலியைப்பற்றி அவன் சொன்னதாவது: [QBR] “நப்தலி யெகோவாவின் தயவில் பெருகி [QBR2] அவரின் ஆசீர்வாதத்தால் நிறைந்திருக்கிறான். [QBR2] அவன் கலிலேயா கடலின் தெற்குப் பக்கமாக உள்ள பகுதியை உரிமையாக்கிக்கொள்வான்.” [PE][PS]
24. ஆசேரைப்பற்றி அவன் சொன்னதாவது: [QBR] “ஆசேர் மகன்களுக்குள் அதிகமாய் ஆசீர்வதிக்கப்பட்டவன். [QBR2] சகோதரரிடமிருந்து அவனுக்கு ஆதரவு கிடைக்கும். [QBR2] அவன் தன் பாதங்களை எண்ணெயில் குளிப்பாட்டட்டும். [QBR]
25. உன் வாயிற்கதவுகளின் தாழ்ப்பாள்கள் இரும்பும் வெண்கலமுமாய் இருக்கும். [QBR2] நீ வாழும் காலமெல்லாம் உன் பெலனும் நீடித்திருக்கும்.
26. “யெஷூரனின் இறைவனைப்போல் வேறொருவரும் இல்லை. [QBR2] அவர் உனக்கு உதவிசெய்ய வானங்களிலும், [QBR2] அவருடைய மகத்துவத்துடன் மேகங்களிலும் ஏறிவருவார். [QBR]
27. என்றும் வாழ்கிற இறைவன் உன் அடைக்கலம். [QBR2] அவரின் நித்திய புயங்கள் உன்னைத் தாங்கும். [QBR] அவர், ‘பகைவனை அழித்துவிடு!’ என்று சொல்லி, [QBR2] உன் பகைவனை உனக்கு முன்பாகத் துரத்திவிடுவார். [QBR]
28. இஸ்ரயேல் தனிமையாய் பாதுகாப்புடன் வாழும். [QBR2] தானியமும், புது திராட்சை இரசமும் உள்ள நாட்டில், [QBR] யாக்கோபின் நீரூற்று [*எபிரெய கிரேக்க கையெழுத்துப் பிரதியில் நீரூற்று என்றுள்ளது.] பாதுகாப்பாய் இருக்கிறது. [QBR2] அங்கே வானம் பனியைப் பெய்கின்றது. [QBR]
29. இஸ்ரயேலேரே, நீங்கள் ஆசீர்வதிக்கப்பட்டவர்கள்! [QBR2] யெகோவாவினால் மீட்கப்பட்ட மக்களான உங்களைப்போல் வேறு யார் இருக்கிறார்கள்? [QBR2] அவரே உங்கள் கேடயமும், [QBR] உங்களுக்கு உதவி செய்பவருமாயிருக்கிறார். [QBR2] அவரே உங்களது மகிமையான வாளுமாயிருக்கிறார். [QBR] உங்களது பகைவர் உங்களுக்கு முன்பாக அஞ்சி ஒதுங்குவார்கள். [QBR2] நீங்கள் அவர்களின் தொழுகைமேடுகளை [†அல்லது அவர்களின் பின்புறத்தை.] மிதிப்பீர்கள்.” [PE]