1. யெகோவா சொல்வது இதுவே: [QBR] “மோவாபின் மூன்று பாவங்களுக்காகவும், நான்கு பாவங்களுக்காகவும், [QBR2] என் கோபத்தை நான் விலக்கமாட்டேன். [QBR] ஏனெனில் ஏதோமுடைய அரசனின் எலும்புகளைச் [QBR2] சுட்டு சாம்பலாக்கிப் போட்டானே. [QBR]
2. மோவாபின்மேல் நெருப்பை அனுப்புவேன். [QBR2] அது கீரியோத்தின் அரண்களையெல்லாம் சுட்டெரிக்கும். [QBR] யுத்த சத்தத்தின் மத்தியிலும், எக்காள முழக்கத்தின் மத்தியிலும் [QBR2] மோவாப் பெரும் சத்தத்துடன் வீழ்ந்து போகும். [QBR]
3. நான் அவளுடைய ஆளுநனை அழிப்பேன். [QBR2] அவளுடைய அதிகாரிகளை அவனுடன் கொல்லுவேன்” [QBR2] என்று யெகோவா சொல்லுகிறார். [PE][PS]
4. யெகோவா சொல்வது இதுவே: [QBR] “யூதாவின் மூன்று பாவங்களுக்காகவும், நான்கு பாவங்களுக்காகவும், [QBR2] என் கோபத்தை நான் விலக்கமாட்டேன். [QBR] அவர்கள் யெகோவாவின் சட்டத்தைப் புறக்கணித்து, [QBR2] அவரின் விதிமுறைகளைக் கைக்கொள்ளாமல் போனார்கள். [QBR] ஏனெனில் அவர்களின் முன்னோர்கள் பின்பற்றிய [QBR2] போலித் தெய்வங்கள் அவர்களை வழிவிலகப்பண்ணின. [QBR]
5. ஆகையால் யூதாவின்மேல் நெருப்பை அனுப்புவேன். [QBR2] அது எருசலேமின் அரண்களையெல்லாம் சுட்டெரிக்கும்.” [PS]
6. {இஸ்ரயேலின் நியாயத்தீர்ப்பு} [PS] யெகோவா சொல்வது இதுவே: [QBR] “இஸ்ரயேலின் மூன்று பாவங்களுக்காகவும், நான்கு பாவங்களுக்காகவும், [QBR2] என் கோபத்தை நான் விலக்கமாட்டேன். [QBR] அவர்கள் நீதியானவர்களை வெள்ளிக்காகவும், [QBR2] சிறுமைப்பட்டவர்களை ஒரு ஜோடி செருப்புக்காகவும் விற்றார்களே. [QBR]
7. தரையின் புழுதியை மிதிப்பதுபோல் [QBR2] ஏழைகளின் தலைகளை அவர்கள் மிதிக்கிறார்களே. [QBR2] ஒடுக்கப்பட்டவர்களுக்கு நீதிவழங்க மறுக்கிறார்கள். [QBR] தகப்பனும் மகனும் ஒரே பெண்ணிடம் உறவுகொண்டு, [QBR2] என் பரிசுத்த பெயரைத் தூய்மைக் கேடாக்குகிறார்கள். [QBR]
8. அவர்கள் ஒவ்வொரு தெய்வத்தின் பலிபீடங்களின் அருகேயும் [QBR2] தாங்கள் அடைமானமாய் வாங்கிய உடைகளை விரித்துப் படுக்கிறார்கள். [QBR] அபராதமாய்ப் பெற்ற திராட்சை இரசத்தைத் தங்கள் [QBR2] தெய்வத்தின் கோயில்களில் வைத்துக் குடிக்கிறார்கள்.
9. “எமோரியர் கேதுருமரங்களைப்போல் உயரமாயும், [QBR2] கர்வாலி மரங்களைப்போல் வைரமாயும் இருப்பினும், [QBR] நான் என் மக்களுக்கு நாட்டைப் பெற்றுக் கொடுக்க [QBR2] அவர்களை இவர்களுக்கு முன்பாக அழித்தேன். [QBR] மேலே அவர்களுடைய பழங்களையும், [QBR2] கீழே அவர்களுடைய வேர்களையும் நானே அழித்தேன். [QBR]
10. எமோரியர்களின் நாட்டை உங்களுக்குக் கொடுப்பதற்காக, [QBR2] எகிப்திலிருந்து உங்களை வெளியே கொண்டுவந்து, [QBR2] நாற்பது வருடங்களாக பாலைவனத்தில் உங்களை வழிநடத்தினேன்.
11. “நான் உங்கள் மகன்களிலிருந்து இறைவாக்கினரையும், [QBR2] உங்கள் வாலிபரிலிருந்து நசரேயர்களையும் எழுப்பினேன். [QBR] இஸ்ரயேல் மக்களே, இது உண்மையல்லவா?” [QBR2] என யெகோவா அறிவிக்கிறார். [QBR]
12. “ஆனால் நீங்கள், நசரேயர்களை திராட்சை இரசம் குடிக்கப்பண்ணினீர்கள். [QBR2] இறைவாக்குச் சொல்லக்கூடாது என இறைவாக்கினருக்குக் கட்டளையிட்டீர்கள்.
13. “தானியத்தினால் நிறைந்த வண்டியில் நசுக்குவதுபோல, [QBR2] நான் உங்களை நசுக்குவேன். [QBR]
14. அப்பொழுது உங்களில் வேகமாய் ஓடக்கூடியவர்கள் தப்பமாட்டார்கள், [QBR2] பலமுள்ளவர்கள் தங்கள் பலத்தை ஒன்றுதிரட்டமாட்டார்கள், [QBR2] இராணுவவீரனுங்கூட தன் உயிரைத் தப்புவிக்கமாட்டான். [QBR]
15. வில்வீரனும் தனது இடத்தில் நிற்கமாட்டான், [QBR2] வேகமாய் ஓடும் இராணுவவீரனும் ஓடித்தப்பமாட்டான், [QBR2] குதிரைவீரனும் தன் உயிரைக் காப்பாற்றமாட்டான். [QBR]
16. அந்நாளில் துணிவுமிக்க வீரர்களும் [QBR2] நிர்வாணமாய் ஓடித்தப்புவார்கள்” [QBR2] என்று யெகோவா அறிவிக்கிறார். [PE]