1. {#1தாவீதின் நன்றிப்பாடல் } [PS]யெகோவா அவனை எல்லாப் பகைவரின் கைகளிலிருந்தும் சவுலின் கையிலிருந்தும் விடுவித்தபோது இப்பாடலின் வார்த்தைகளை தாவீது யெகோவாவுக்குப் பாடினான்.
2. அவன் சொன்னது: [PE][QS]“யெகோவா என் கன்மலை, என் கோட்டை, என்னை விடுவிக்கிறவர்; [QE]
[QS2]3. என் இறைவன் நான் தஞ்சம் அடையும் என் கன்மலை, [QE][QS2]என் கேடயம், என் மீட்பின் கொம்பு. [QE][QS]என் அரண், என் அடைக்கலம், [QE][QS2]நீர் என்னை வன்முறையாளர்களிடமிருந்து காப்பாற்றுகிற என் இரட்சகர். [QE][PBR]
4. [QS]“துதிக்கப்படத்தக்கவரான யெகோவாவை நோக்கி நான் கூப்பிடுகிறேன்; [QE][QS2]என் பகைவரிடமிருந்து நான் காப்பாற்றப்படுகிறேன். [QE]
5. [QS]மரண அலைகள் என்னைச் சூழ்ந்துகொண்டன, [QE][QS2]அழிவின் அலைகள் என்னை அமிழ்த்திவிட்டன. [QE]
6. [QS]பிரேதக் குழியின் கயிறுகள் என்னைச் சூழ்ந்துகொண்டன; [QE][QS2]மரணத்தின் கண்ணிகள் என்னை எதிர்த்து வந்தன. [QE][PBR]
7. [QS]“என் துயரத்தில் நான் யெகோவாவை நோக்கிக் கூப்பிட்டேன். [QE][QS2]என் இறைவனை நோக்கிக் கூப்பிட்டேன். [QE][QS]அவர் தமது ஆலயத்திலிருந்து என் குரலைக் கேட்டார். [QE][QS2]என் அழுகுரல் அவர் செவிகளில் எட்டியது. [QE]
8. [QS]பூமி நடுங்கி அதிர்ந்து, [QE][QS2]வானத்தின் அஸ்திபாரங்கள் அசைந்தன; [QE][QS2]அவர் கோபமடைந்ததால் அவை நடுங்கின. [QE]
9. [QS]அவருடைய நாசியிலிருந்து புகை எழும்பிற்று; [QE][QS2]அவருடைய வாயிலிருந்து சுட்டெரிக்கும் நெருப்புப் புறப்பட்டது; [QE][QS2]நெருப்புத் தழல் அதிலிருந்து தெறித்தன. [QE]
10. [QS]அவர் வானங்களைப் பிரித்து, கீழே இறங்கினார்; [QE][QS2]கார்மேகங்கள் அவருடைய பாதங்களின்கீழ் இருந்தன. [QE]
11. [QS]அவர் கேருபீனின்மேல் ஏறிப் பறந்தார்; [QE][QS2]அவர் காற்றின் சிறகுகளைக்கொண்டு பறந்தார். [QE]
12. [QS]அவர் இருளைத் தன்னைச் சுற்றி ஒரு கூடாரமாக்கினார். [QE][QS2]வானத்தின் இருண்ட மழைமேகங்கள் அவரைச் சுற்றியிருந்தது. [QE]
13. [QS]அவரின் சமுகத்தின் பிரகாசத்திலிருந்து [QE][QS2]மின்னலின் தாக்குதல் வீசுண்டன. [QE]
14. [QS]யெகோவா வானத்திலிருந்து இடியை முழக்கினார்; [QE][QS2]மகா உன்னதமானவரின் குரல் எதிரொலித்தது. [QE]
15. [QS]அவர் தமது அம்புகளை எய்து பகைவரைச் சிதறடித்தார்; [QE][QS2]மின்னல் கீற்றுக்களை அனுப்பி, அவர்களை முறியடித்தார். [QE]
16. [QS]யெகோவாவினுடைய நாசியிலிருந்து வந்த மூச்சின் தாக்கத்தாலும் [QE][QS2]அவரின் கண்டிப்பினாலும் [QE][QS]கடல்களின் அடிப்பரப்பு வெளிப்பட்டன; [QE][QS2]பூமியின் அஸ்திபாரங்கள் வெளியே தெரிந்தன. [QE][PBR]
17. [QS]“அவர் என்னை உயரத்திலிருந்து எட்டிப் பிடித்தார்; [QE][QS2]ஆழமான தண்ணீரிலிருந்து என்னை வெளியே தூக்கினார். [QE]
18. [QS]அவர் சக்திவாய்ந்த என் பகைவனிடமிருந்தும் [QE][QS2]என்னிலும் அதிகம் பலமான எதிரிகளிடமிருந்தும் என்னைத் தப்புவித்தார். [QE]
19. [QS]அவர்கள் என்னுடைய பேராபத்தின் நாளிலே, எனக்கெதிராய் எழுந்தார்கள்; [QE][QS2]ஆனால் யெகோவா என் ஆதரவாயிருந்தார். [QE]
20. [QS]அவர் என்னை விசாலமான ஒரு இடத்திற்கு வெளியே கொண்டுவந்தார்; [QE][QS2]அவர் என்னில் பிரியமாய் இருந்தபடியால் என்னைத் தப்புவித்தார். [QE][PBR]
21. [QS]“யெகோவா என் நீதிக்கு ஏற்றபடி என்னை நடத்தியிருக்கிறார்; [QE][QS2]என் கைகளின் சுத்தத்திற்கு தக்கதாய், அவர் எனக்குப் பலனளித்திருக்கிறார். [QE]
22. [QS]ஏனெனில் நான் யெகோவாவினுடைய வழிகளை கைக்கொண்டிருக்கிறேன்; [QE][QS2]என் இறைவனைவிட்டு விலகி நான் குற்றம் செய்யவில்லை. [QE]
23. [QS]அவருடைய நீதிநெறிகள் அனைத்தும் எனக்கு முன்பாக இருக்கின்றன; [QE][QS2]அவருடைய விதிமுறைகளிலிருந்து நான் விலகவேயில்லை. [QE]
24. [QS]நான் அவருக்கு முன்பாக குற்றமற்றவனாக இருந்து, [QE][QS2]பாவத்திலிருந்து என்னை விலக்கிக் காத்துக்கொண்டேன். [QE]
25. [QS]யெகோவா என் நீதிக்கு ஏற்றவாறு பலனளித்திருக்கிறார்; [QE][QS2]அவருடைய பார்வையில் நான் குற்றமற்றவனாயிருந்தேன். [QE][PBR]
26. [QS]“உண்மையுள்ளவர்களுக்கு நீர் உம்மை உண்மையுள்ளவராகவே காண்பிக்கிறீர்; [QE][QS2]உத்தமர்களுக்கு நீர் உம்மை உத்தமராகவே காண்பிக்கிறீர். [QE]
27. [QS]தூய்மையுள்ளவர்களுக்கு நீர் உம்மைத் தூய்மையுள்ளவராகவேக் காண்பிக்கிறீர்; [QE][QS2]ஆனால் கபடமுள்ளவர்களுக்கோ நீர் உம்மை விவேகமுள்ளவராய்க் காண்பிக்கிறீர். [QE]
28. [QS]நீர் தாழ்மையுள்ளோரைக் காப்பாற்றுகிறீர்; [QE][QS2]ஆனால் உம்முடைய கண்கள் பெருமையுள்ளவர்களைச் சிறுமைப்படுத்தும். [QE]
29. [QS]யெகோவாவே, நீர் என் விளக்கு; [QE][QS2]யெகோவா என் இருளை வெளிச்சமாக்குகிறார். [QE]
30. [QS]உமது உதவியுடன் என்னால் ஒரு படையை எதிர்த்து முன்னேற முடியும்; [QE][QS2]என் இறைவனுடன் ஒரு மதிலைத் தாண்டுவேன். [QE][PBR]
31. [QS]“இறைவனுடைய வழி முழு நிறைவானது: [QE][QS2]யெகோவாவின் வார்த்தையோ குறைபாடற்றது; [QE][QS2]அவரிடத்தில் தஞ்சமடைவோர் அனைவருக்கும் அவர் கேடயமாயிருக்கிறார். [QE]
32. [QS]யெகோவாவைத்தவிர இறைவன் யார்? [QE][QS2]நமது இறைவனேயல்லாமல் வேறு கன்மலை யார்? [QE]
33. [QS]இறைவன் எனக்கு பெலமுள்ள கோட்டையாய் இருந்து, [QE][QS2]என் வழியை குறைவற்றதாய் ஆக்குகிறார். [QE]
34. [QS]அவர் என் கால்களை மானின் கால்களைப் போல துரிதப்படுத்தி, [QE][QS2]உயர்ந்த இடங்களில் என்னை நிற்கப்பண்ணுகிறார். [QE]
35. [QS]யுத்தம் செய்ய என் கைகளைப் பயிற்றுவிக்கிறார்; [QE][QS2]என் கரங்களால் ஒரு வெண்கல வில்லையும் வளைக்க முடியும். [QE]
36. [QS]நீர் உமது இரட்சிப்பை எனக்கு கேடயமாகத் தந்தீர், [QE][QS2]உமது உதவி என்னைப் பெரியவனாக்குகிறது. [QE]
37. [QS]என் கணுக்கால்கள் புரளாதபடி, [QE][QS2]நான் நடக்கும் பாதையை நீர் அகலமாக்குகிறீர். [QE][PBR]
38. [QS]“நான் என் பகைவரை துரத்திச்சென்று, அவர்களை அழித்துப்போட்டேன்; [QE][QS2]அவர்கள் முற்றிலும் அழியும்வரை, நான் திரும்பி வரவில்லை. [QE]
39. [QS]அவர்கள் எழுந்திருக்காதபடி நான் அவர்களை முழுவதும் நசுக்கினேன்; [QE][QS2]அவர்கள் என் காலடியில் விழுந்தார்கள். [QE]
40. [QS]யுத்தம் செய்வதற்கான வல்லமையை நீர் எனக்குத் தரிப்பித்தீர்; [QE][QS2]என் எதிரிகளை எனக்கு முன்பாகத் தாழ்த்தினீர். [QE]
41. [QS]நீர் என் பகைவரை புறமுதுகிட்டு ஓடச்செய்தீர்; [QE][QS2]நான் அவர்களை அழித்தேன். [QE]
42. [QS]அவர்கள் உதவிகேட்டு கூப்பிட்டார்கள், [QE][QS2]ஆனால் அவர்களைக் காப்பாற்ற ஒருவருமே இருக்கவில்லை; [QE][QS2]யெகோவாவை நோக்கிக் கூப்பிட்டார்கள், அவரோ பதில் கொடுக்கவில்லை. [QE]
43. [QS]நான் அவர்களை அடித்துப் பூமியின் புழுதியைப்போலாக்கினேன்; [QE][QS2]நான் அவர்களை மிதித்து வீதியிலுள்ள சேற்றைப்போல் வெளியே வாரியெறிந்தேன். [QE][PBR]
44. [QS]“நீர் மக்களின் தாக்குதல்களிலிருந்து என்னை விடுவித்திருக்கிறீர்; [QE][QS2]நாடுகளுக்கு என்னைத் தலைவனாக வைத்திருக்கிறீர். [QE][QS]நான் அறியாத மக்கள் எனக்கு கீழ்ப்பட்டிருக்கிறார்கள். [QE]
[QS2]45. வேறுநாட்டைச் சேர்ந்தவரும் எனக்கு முன்பாக அடங்கி ஒடுங்குகிறார்கள்; [QE][QS2]அவர்கள் என்னைக் குறித்துக் கேள்விப்பட்டவுடனே எனக்குக் கீழ்ப்படிகிறார்கள். [QE]
46. [QS]அவர்கள் அனைவரும் மனந்தளர்ந்து, [QE][QS2]தங்கள் அரண்களிலிருந்து நடுக்கத்துடன் வருகிறார்கள். [QE][PBR]
47. [QS]“யெகோவா வாழ்கிறார்! என் கன்மலையானவருக்குத் துதி உண்டாவதாக! [QE][QS2]என் கன்மலையும் இரட்சகருமாகிய இறைவன் உயர்த்தப்படுவாராக! [QE]
48. [QS]எனக்காகப் பழிவாங்கும் இறைவன் அவரே, [QE][QS2]நாடுகளை எனக்குக்கீழ் வைக்கிறவர் அவரே. [QE]
[QS2]49. அவர் என்னை என் பகைவரிடமிருந்து விடுவித்தார். [QE][QS]யெகோவாவே நீர் என்னை என் எதிரிகளுக்கு மேலாக உயர்த்தியிருக்கிறீர். [QE][QS2]என்னை வன்முறையாளர்களிடமிருந்து பாதுகாத்தீர். [QE]
50. [QS]ஆகையால் யெகோவாவே, நாடுகளுக்கு மத்தியில் நான் உம்மைத் துதிப்பேன்; [QE][QS2]உமது பெயருக்குத் துதிகள் பாடுவேன். [QE][PBR]
51. [QS]“அவர் தாம் ஏற்படுத்திய அரசனுக்கு மாபெரும் வெற்றிகளைக் கொடுக்கிறார்; [QE][QS2]அவர் தாம் அபிஷேகம் பண்ணின தாவீதுக்கும் அவனுடைய சந்ததிகளுக்கும் [QE][QS2]தமது உடன்படிக்கையின் அன்பை என்றைக்கும் காண்பிக்கிறார்.” [QE]