1. [QS]என் சகோதரியே! என் மணவாளியே! [QE][QS]நான் என் தோட்டத்திற்கு வந்தேன், [QE][QS]என் வெள்ளைப்போளத்தையும் என் கந்தவர்க்கங்களையும் சேர்த்தேன்; [QE][QS]என் தேன்கூட்டை என் தேனோடு சாப்பிட்டேன்; [QE][QS]என் திராட்சைரசத்தை என் பாலோடும் குடித்தேன். [QE][QS]சிநேகிதர்களே! சாப்பிடுங்கள்; பிரியமானவர்களே! [QE][QS]குடியுங்கள், திருப்தியாகக் குடியுங்கள். [QE]{#1சூலமித்தியாளின் இரவு }[PS][PS]*மணவாளி*[PE] [PE]
2. [QS]நான் உறங்கினேன், என் இதயமோ விழித்திருந்தது; [QE][QS]கதவைத் தட்டுகிற என் நேசரின் சத்தத்தைக் கேட்டேன்: [QE][QS]என் சகோதரியே! என் பிரியமே! [QE][QS]என் புறாவே! என் உத்தமியே! [QE][QS]கதவைத் திற; [QE][QS]என் தலை பனியினாலும், என் தலைமுடி இரவில் பெய்யும் தூறலினாலும் நனைந்திருக்கிறது என்றார். [QE]
3. [QS]என் உடையைக் கழற்றிப்போட்டேன்; [QE][QS]நான் எப்படி அதைத் திரும்பவும் அணிவேன், [QE][QS]என் பாதங்களைக் கழுவினேன், [QE][QS]நான் எப்படி அவைகளைத் திரும்பவும் அழுக்காக்குவேன் என்றேன். [QE]
4. [QS]என் நேசர் தமது கையைக் கதவுத் துவாரத்தின் வழியாக நீட்டினார், [QE][QS]அப்பொழுது என் உள்ளம் அவர்நிமித்தம் பொங்கினது. [QE]
5. [QS]என் நேசருக்குக் கதவைத் திறக்க நான் எழுந்தேன்; [QE][QS]பூட்டின கைப்பிடிகள்மேல் என் கைகளிலிருந்து வெள்ளைப்போளமும், [QE][QS]என் விரல்களிலிருந்து வாசனையுள்ள வெள்ளைப்போளமும் வடிந்தது. [QE]
6. [QS]என் நேசருக்குக் கதவைத் திறந்தேன்; [QE][QS]என் நேசரோ இல்லை, போய்விட்டார்; [QE][QS]அவர் சொன்ன வார்த்தையால் என் ஆத்துமா சோர்ந்துபோயிற்று. [QE][QS]அவரைத் தேடினேன், அவரைக் காணவில்லை; [QE][QS]அவரைக் கூப்பிட்டேன், அவர் எனக்கு பதில் கொடுக்கவில்லை. [QE]
7. [QS]நகரத்தில் உலாவுகிற காவலாளர்கள் என்னைக் கண்டு, [QE][QS]என்னை அடித்து, என்னைக் காயப்படுத்தினார்கள்; [QE][QS]மதிலின் காவற்காரர்கள் என்மேலிருந்த என் போர்வையை எடுத்துக்கொண்டார்கள். [QE]
8. [QS]எருசலேமின் இளம்பெண்களே! என் நேசரைக் கண்டீர்களானால், [QE][QS]நான் நேசத்தால் சோகமடைந்திருக்கிறேன் என்று அவருக்குச் சொல்லும்படி உங்களுக்கு ஆணையிடுகிறேன். [QE][PS][PS]*மணவாளியின் தோழிகள்*[PE] [PE]
9. [QS]பெண்களுக்குள் அழகுமிகுந்தவளே! [QE][QS]மற்ற நேசரைவிட உன் நேசர் எதினால் விசேஷித்தவர்? [QE][QS]நீ இப்படி எங்களை ஆணையிட, [QE][QS]மற்ற நேசரைவிட உன் நேசர் எதினால் விசேஷித்தவர்? [QE][PS][PS]*மணவாளி*[PE] [PE]
10. [QS]என் நேசர் வெண்மையும் சிவப்புமானவர்; [QE][QS]பிரகாசமானவர், வல்லமையுள்ளவர், [QE][QS]யாரும் அவருக்கு ஒப்பானவர் இல்லை. [QE]
11. [QS]அவருடைய தலை தங்கமயமாக இருக்கிறது; [QE][QS]அவருடைய தலைமுடி சுருள் சுருளாகவும், [QE][QS]காகத்தைப்போல் கருமையாகவும் இருக்கிறது. [QE]
12. [QS]அவருடைய கண்கள் தண்ணீர் நிறைந்த நதிகளின் ஓரமாகத் தங்கும் புறாக்கண்களுக்கு ஒப்பானவைகளும், [QE][QS]பாலில் கழுவப்பட்டவைகளும், நேர்த்தியாகப் பதிக்கப்பட்டவைகளுமாக இருக்கிறது. [QE]
13. [QS]அவருடைய கன்னங்கள் கந்தவர்க்கப் பாத்திகளைப்போலவும், [QE][QS]வாசனையுள்ள மலர்களைப்போலவும் இருக்கிறது; [QE][QS]அவருடைய உதடுகள் லீலிமலர்களைப் போன்றது, [QE][QS]வாசனையுள்ள வெள்ளைப்போளம் அதிலிருந்து வடிகிறது. [QE]
14. [QS]அவருடைய கைகள் படிகப்பச்சை பதித்த பொன்வளையல்களைப்போல் இருக்கிறது; [QE][QS]அவர் அங்கம் இந்திரநீல இரத்தினங்களால் மூடப்பட்ட பிரகாசமான யானைத் தந்தத்தைப்போலிருக்கிறது. [QE]
15. [QS]அவருடைய கால்கள் பசும்பொன் ஆதாரங்களின்மேல் நிற்கிற வெள்ளைக்கல் தூண்களைப்போலிருக்கிறது; [QE][QS]அவருடைய தோற்றம் லீபனோனைப்போலவும் [QE][QS]கேதுருக்களைப்போலவும் சிறப்பாக இருக்கிறது. [QE]
16. [QS]அவருடைய வாய் மிகவும் இனிப்பாக இருக்கிறது; [QE][QS]அவர் முற்றிலும் அழகுள்ளவர். [QE][QS]இவரே என் நேசர்; எருசலேமின் இளம்பெண்களே! இவரே என் சிநேகிதர். [QE]