1. யெகோவா ராஜரிகம்செய்கிறார்; பூமி பூரிப்பாகி, [QBR] திரளான தீவுகள் மகிழட்டும். [QBR]
2. மேகமும் மந்தாரமும் அவரைச் சூழ்ந்திருக்கிறது; [QBR] நீதியும் நியாயமும் அவருடைய சிங்காசனத்தின் ஆதாரம். [QBR]
3. நெருப்பு அவருக்கு முன்சென்று, [QBR] சுற்றிலும் இருக்கிற அவருடைய எதிரிகளைச் சுட்டெரிக்கிறது. [QBR]
4. அவருடைய மின்னல்கள் பூமியைப் பிரகாசிப்பித்தது; [QBR] பூமி அதைக்கண்டு அதிர்ந்தது. [QBR]
5. யெகோவாவின் பிரசன்னத்தினால் மலைகள் மெழுகுபோல உருகினது, [QBR] சர்வ பூமியினுடைய ஆண்டவரின் பிரசன்னத்தினாலேயே உருகிப்போனது. [QBR]
6. வானங்கள் அவருடைய நீதியை வெளிப்படுத்துகிறது; [QBR] எல்லா மக்களும் அவருடைய மகிமையைக் காண்கிறார்கள். [QBR]
7. சிலைகளை வணங்கி, [QBR] விக்கிரகங்களைப்பற்றிப் பெருமைபாராட்டுகிற அனைவரும் வெட்கப்பட்டுப் போவார்களாக; [QBR] தெய்வங்களே, நீங்களெல்லோரும் அவரைத் தொழுதுகொள்ளுங்கள். [QBR]
8. சீயோன் கேட்டு மகிழ்ந்தது; யெகோவாவே, [QBR] உம்முடைய நியாயத்தீர்ப்புகளினால் யூதாவின் மகள்கள் சந்தோஷப்பட்டார்கள். [QBR]
9. யெகோவாவே, பூமி அனைத்திற்கும் [QBR] நீர் உன்னதமான தேவன்; எல்லா தெய்வங்களிலும் நீரே மிகவும் உயர்ந்தவர். [QBR]
10. யெகோவாவில் அன்புகூருகிறவர்களே, தீமையை வெறுத்துவிடுங்கள்; [QBR] அவர் தம்முடைய பரிசுத்தவான்களின் ஆத்துமாக்களைக் காப்பாற்றி, [QBR] துன்மார்க்கர்களின் கைக்கு அவர்களைத் தப்புவிக்கிறார். [QBR]
11. நீதிமானுக்காக வெளிச்சமும், [QBR] செம்மையான இருதயமுள்ளவர்களுக்காக மகிழ்ச்சியும் விதைக்கப்பட்டிருக்கிறது. [QBR]
12. நீதிமான்களே, யெகோவாவுக்குள் மகிழ்ந்து, [QBR] அவருடைய பரிசுத்தத்தின் நினைவுகூருதலைக் கொண்டாடுங்கள். [PE]