1. யெகோவாவுக்குப் புதுப்பாட்டைப் பாடுங்கள்; [QBR] பூமியின் குடிகளே, எல்லோரும் யெகோவாவைப் பாடுங்கள். [QBR]
2. யெகோவாவைப் பாடி, அவருடைய பெயருக்கு நன்றி சொல்லி, [QBR] நாளுக்குநாள் அவருடைய இரட்சிப்பைச் சுவிசேஷமாக அறிவியுங்கள். [QBR]
3. தேசங்களுக்குள் அவருடைய மகிமையையும், [QBR] எல்லா மக்களுக்குள்ளும் அவருடைய அதிசயங்களையும் விவரித்துச் சொல்லுங்கள். [QBR]
4. யெகோவா பெரியவரும், மிகவும் துதிக்கப்படத்தக்கவருமாக இருக்கிறார்; [QBR] எல்லா தெய்வங்களிலும் பயப்படத்தக்கவர் அவரே. [QBR]
5. எல்லா மக்களுடைய தெய்வங்களும் விக்கிரகங்கள்தானே; [QBR] யெகோவாவோவானங்களை உண்டாக்கினவர். [QBR]
6. மகிமையும், மேன்மையும் அவர் சமுகத்தில் இருக்கிறது, [QBR] வல்லமையும் மகத்துவமும் அவர் பரிசுத்த ஸ்தலத்திலுள்ளது. [QBR]
7. மக்களின் வம்சங்களே, [QBR] யெகோவாவுக்கு மகிமையையும் வல்லமையையும் செலுத்துங்கள், [QBR] கர்த்தருக்கே அதைச் செலுத்துங்கள். [QBR]
8. யெகோவாவுக்கு அவருடைய பெயருக்குரிய மகிமையைச் செலுத்தி, [QBR] காணிக்கைகளைக் கொண்டுவந்து, அவருடைய முற்றங்களில் நுழையுங்கள். [QBR]
9. பரிசுத்த அலங்காரத்துடனே யெகோவாவை தொழுதுகொள்ளுங்கள்; [QBR] பூமியில் உள்ளவர்களே, [QBR] நீங்கள் அனைவரும் அவருக்கு முன்பாக நடுங்குங்கள். [QBR]
10. யெகோவா ராஜரிகம்செய்கிறார், [QBR] ஆகையால் உலகம் அசையாதபடி உறுதிப்பட்டிருக்கும். [QBR] அவர் மக்களை நிதானமாக நியாயந்தீர்ப்பார் என்று தேசங்களுக்குள்ளே சொல்லுங்கள். [QBR]
11. வானங்கள் மகிழ்ந்து, பூமி பூரிப்பாகி, [QBR] கடலும் அதின் நிறைவும் முழங்குவதாக. [QBR]
12. நாடும் அதிலுள்ள அனைத்தும் மகிழ்வதாக; [QBR] அப்பொழுது யெகோவாவுக்கு முன்பாக காட்டுமரங்களெல்லாம் கெம்பீரிக்கும். [QBR]
13. அவர் வருகிறார், அவர் பூமியை நியாயந்தீர்க்க வருகிறார்; [QBR] அவர் உலகத்தை நீதியோடும், [QBR] மக்களைச் சத்தியத்தோடும் நியாயந்தீர்ப்பார். [PE]