1. {ஆசாபின் பாடல். } [QS]தேவனே, மவுனமாக இருக்கவேண்டாம், [QE][QS]பேசாமல் இருக்கவேண்டாம்; தேவனே, சும்மாயிருக்க வேண்டாம். [QE]
2. [QS]இதோ, உம்முடைய எதிரிகள் கொந்தளித்து, [QE][QS]உம்முடைய பகைஞர் தலையை உயர்த்துகிறார்கள். [QE]
3. [QS]உமது மக்களுக்கு விரோதமாக சதி செய்ய யோசித்து, [QE][QS]உமது மறைவில் இருக்கிறவர்களுக்கு விரோதமாக ஆலோசனைசெய்கிறார்கள். [QE]
4. [QS]அவர்கள் இனி ஒரு தேசமாக இல்லாமலும், [QE][QS]இஸ்ரவேலின் பெயர் இனி நினைக்கப்படாமலும் போவதற்காக, [QE][QS]அவர்களை அழிப்போம் வாருங்கள் என்கிறார்கள். [QE]
5. [QS]இப்படி, ஏதோமின் கூடாரத்தார்களும், [QE][QS]இஸ்மவேலர்களும், மோவாபியர்களும், ஆகாரியர்களும், [QE]
6. [QS]கேபாலர்களும், அம்மோனியர்களும், அமலேக்கியர்களும், [QE][QS]தீருவின் குடிமக்களோடுகூடிய பெலிஸ்தர்களும், [QE]
7. [QS]ஒரே மனதோடு முடிவெடுத்து ஆலோசனைசெய்து, [QE][QS]உமக்கு விரோதமாக ஒப்பந்தம் செய்துகொண்டிருக்கிறார்கள். [QE]
8. [QS]அசீரியர்களும் அவர்களோடேகூடக் கலந்து, [QE][QS]லோத்தின் சந்ததிகளுக்கு பலமானார்கள். (சேலா) [QE]
9. [QS]மீதியானியர்களுக்குச் செய்தது போலவும், [QE][QS]கீசோன் என்னும் ஆற்றின் அருகில் எந்தோரிலே அழிக்கப்பட்டு, [QE]
10. [QS]நிலத்திற்கு எருவாய்ப்போன சிசெரா, [QE][QS]யாபீன் என்பவர்களுக்குச் செய்ததுபோலவும், அவர்களுக்குச் செய்யும். [QE]
11. [QS]அவர்களையும் அவர்கள் அதிபதிகளையும் ஓரேபுக்கும் சேபுக்கும், [QE][QS]அவர்கள் பிரபுக்களையெல்லாம் சேபாவுக்கும் சல்முனாவுக்கும் சமமாக்கும். [QE]
12. [QS]தேவனுடைய வாசஸ்தலங்களை எங்களுக்குச் சுதந்தரமாக நாங்கள் கட்டிக்கொள்வோம் என்று சொல்லுகிறார்களே. [QE]
13. [QS]என் தேவனே, அவர்களைச் சுழல்காற்றின் புழுதிக்கும், [QE][QS]காற்று முகத்தில் பறக்கும் துரும்புக்கும் சமமாக்கும். [QE]
14. [QS]நெருப்பு காட்டைக் கொளுத்துவதுபோலவும், [QE][QS]அக்கினி ஜூவாலைகள் மலைகளை எரிப்பது போலவும், [QE]
15. [QS]நீர் உமது புயலினாலே அவர்களைத் தொடர்ந்து, [QE][QS]உமது பெருங்காற்றினாலே அவர்களைக் கலங்கச்செய்யும். [QE]
16. [QS]யெகோவாவே, அவர்கள் உமது பெயரைத் தேடும்படிக்கு, [QE][QS]அவர்கள் முகங்களை அவமானத்தாலே மூடும். [QE]
17. [QS]யேகோவா என்னும் பெயரை உடைய தேவனே [QE][QS]நீர் ஒருவரே பூமியனைத்தின்மேலும் உன்னதமான தேவன் என்று மனிதர்கள் உணரும்படி, [QE]
18. [QS]அவர்கள் என்றைக்கும் வெட்கிக் கலங்கி, [QE][QS]அவமானமடைந்து அழிந்துபோவார்களாக. [QE]