1. {சோஷனீம் வாத்தியத்தில் வாசிக்க இராகத்தலைவனுக்கு ஒப்புவிக்கப்பட்ட தாவீதின் பாடல். } [QS]தேவனே, என்னைக் காப்பாற்றும்; [QE][QS]வெள்ளங்கள் என்னுடைய ஆத்துமாவரை பெருகிவருகிறது. [QE]
2. [QS]ஆழமான உளையில் அமிழ்ந்திருக்கிறேன், நிற்க நிலையில்லை, [QE][QS]ஆழமான தண்ணீரில் இருக்கிறேன்; வெள்ளங்கள் என்மேல் புரண்டுபோகிறது. [QE]
3. [QS]நான் கூப்பிடுகிறதினால் இளைத்தேன்; [QE][QS]என்னுடைய தொண்டை வறண்டுபோனது; [QE][QS]என் தேவனுக்கு நான் காத்திருக்கும்போது, [QE][QS]என்னுடைய கண்கள் பூத்துப்போனது. [QE]
4. [QS]காரணமில்லாமல் என்னைப் பகைக்கிறவர்கள் என்னுடைய தலைமுடியிலும் அதிகமாக இருக்கிறார்கள்; [QE][QS]வீணாக எனக்கு எதிரிகளாகி என்னை அழிக்கவேண்டும் என்றிருக்கிறவர்கள் பலத்திருக்கிறார்கள்; [QE][QS]நான் எடுத்துக்கொள்ளாததை நான் கொடுக்கவேண்டியதானது. [QE]
5. [QS]தேவனே, நீர் என்னுடைய புத்தியீனத்தை அறிந்திருக்கிறீர்; [QE][QS]என்னுடைய குற்றங்கள் உமக்கு மறைந்திருக்கவில்லை. [QE]
6. [QS]சேனைகளின் கர்த்தராகிய ஆண்டவரே, [QE][QS]உமக்காகக் காத்திருக்கிறவர்கள் என்னால் வெட்கப்பட்டுப் போகாமலிருப்பார்களாக; [QE][QS]இஸ்ரவேலின் தேவனே, உம்மைத் தேடுகிறவர்கள் என்னிமித்தம் வெட்கமடையாதிருப்பார்களாக. [QE]
7. [QS]உமக்காக நிந்தையைச் சகித்தேன்; [QE][QS]அவமானம் என்னுடைய முகத்தை மூடினது. [QE]
8. [QS]என்னுடைய சகோதரர்களுக்கு வேற்று மனிதனும், என்னுடைய தாயின் பிள்ளைகளுக்கு அந்நியனுமானேன். [QE]
9. [QS]உம்முடைய வீட்டைக்குறித்து உண்டான பக்திவைராக்கியம் எனக்குள் பற்றியெரிந்தது; [QE][QS]உம்மை நிந்திக்கிறவர்களுடைய நிந்தனைகள் என்மேல் விழுந்தது. [QE]
10. [QS]என்னுடைய ஆத்துமா வாடும்படி உபவாசித்து அழுதேன்; [QE][QS]அதுவும் எனக்கு நிந்தையாக முடிந்தது. [QE]
11. [QS]சணலாடையை என்னுடைய உடையாக்கினேன்; [QE][QS]அப்பொழுதும் அவர்களுக்குப் பழமொழியானேன். [QE]
12. [QS]வாசலில் உட்கார்ந்திருக்கிறவர்கள் எனக்கு விரோதமாகப் பேசுகிறார்கள்; [QE][QS]மதுபானம் குடிக்கிறவர்களின் பாடலானேன். [QE]
13. [QS]ஆனாலும் யெகோவாவே, உதவிக்காலத்திலே உம்மை நோக்கி விண்ணப்பம்செய்கிறேன்; [QE][QS]தேவனே, உமது மிகுந்த கிருபையினாலும் உமது இரட்சிப்பின் சத்தியத்தினாலும் எனக்குச் செவிகொடுத்தருளும். [QE]
14. [QS]நான் அமிழ்ந்து போகாதபடிக்குச் சேற்றிலிருந்து என்னைத் தூக்கிவிடும்; [QE][QS]என்னைப் பகைக்கிறவர்களிடத்திலிருந்தும் ஆழமான தண்ணீர்களில் இருந்தும் நான் நீங்கும்படி செய்யும். [QE]
15. [QS]வெள்ளங்கள் என்மேல் புரளாமலும், ஆழம் என்னை விழுங்காமலும், [QE][QS]பாதாளம் என்மேல் தன்னுடைய வாயை அடைத்துக்கொள்ளாமலும் இருப்பதாக. [QE]
16. [QS]யெகோவாவே, என்னுடைய விண்ணப்பத்தைக் கேட்டருளும், [QE][QS]உம்முடைய தயை நலமாயிருக்கிறது; [QE][QS]உமது உருக்கமான இரக்கங்களின்படி என்னைக் கண்ணோக்கியருளும். [QE]
17. [QS]உமது முகத்தை உமது அடியேனுக்கு மறையாதேயும்; [QE][QS]நான் வியாகுலப்படுகிறேன், எனக்குத் தீவிரமாகச் செவிகொடுத்தருளும். [QE]
18. [QS]நீர் என் ஆத்துமாவினிடத்தில் வந்து அதை விடுதலைசெய்யும்; [QE][QS]என்னுடைய எதிரிகளுக்காக என்னை மீட்டுவிடும். [QE]
19. [QS]தேவனே நீர் என்னுடைய நிந்தையையும் [QE][QS]என்னுடைய வெட்கத்தையும் என்னுடைய அவமானத்தையும் அறிந்திருக்கிறீர்; [QE][QS]என்னுடைய எதிரிகள் எல்லோரும் உமக்கு முன்பாக இருக்கிறார்கள். [QE]
20. [QS]நிந்தை என்னுடைய இருதயத்தைப் பிளந்தது; [QE][QS]நான் மிகவும் வேதனைப்படுகிறேன்; [QE][QS]எனக்காக பரிதபிக்கிறவனுண்டோ என்று காத்திருந்தேன், [QE][QS]ஒருவனும் இல்லை; தேற்றுகிறவர்களுக்குக் காத்திருந்தேன், [QE][QS]ஒருவனும் இல்லை. [QE]
21. [QS]என்னுடைய ஆகாரத்தில் கசப்பு கலந்து கொடுத்தார்கள், [QE][QS]என்னுடைய தாகத்திற்குக் காடியைக் குடிக்கக் கொடுத்தார்கள். [QE]
22. [QS]அவர்களுடைய பந்தி அவர்களுக்குக் கண்ணியும், [QE][QS]அவர்களுடைய செல்வம் அவர்களுக்கு வலையுமாக இருக்கட்டும். [QE]
23. [QS]அவர்களுடைய கண்கள் காணாதபடி இருளாகட்டும்; [QE][QS]அவர்கள் இடுப்புகளை எப்போதும் தள்ளாடச்செய்யும். [QE]
24. [QS]உம்முடைய கடுங்கோபத்தை அவர்கள்மேல் ஊற்றும்; [QE][QS]உம்முடைய கோபாக்கினி அவர்களைத் தொடர்ந்து பிடிப்பதாக. [QE]
25. [QS]அவர்கள் குடியிருப்பு பாழாகட்டும்; [QE][QS]அவர்களுடைய கூடாரங்களில் குடியில்லாமற்போவதாக. [QE]
26. [QS]தேவனே நீர் அடித்தவனை அவர்கள் துன்பப்படுத்தி, [QE][QS]நீர் காயப்படுத்தினவர்களை நோகப் பேசுகிறார்களே. [QE]
27. [QS]அக்கிரமத்தின்மேல் அக்கிரமத்தை அவர்கள்மேல் சுமத்தும், அவர்கள் உமது நீதிக்கு வந்தெட்டாதிருப்பார்களாக. [QE]
28. [QS]ஜீவபுத்தகத்திலிருந்து அவர்கள் பெயர் கிறுக்கப்பட்டுப்போவதாக; [QE][QS]நீதிமான்கள் பெயரோடே அவர்கள் பெயர் எழுதப்படாதிருப்பதாக. [QE]
29. [QS]நானோ சிறுமையும் துயரமுமுள்ளவன்; [QE][QS]தேவனே, உம்முடைய இரட்சிப்பு எனக்கு உயர்ந்த அடைக்கலமாவதாக. [QE]
30. [QS]தேவனுடைய பெயரைப் பாட்டினால் துதித்து, [QE][QS]அவரை நன்றி சொல்லி மகிமைப்படுத்துவேன். [QE]
31. [QS]கொம்பும் விரிகுளம்புமுள்ள காளை எருதைவிட, [QE][QS]இதுவே யெகோவாவுக்குப் பிரியமாக இருக்கும். [QE]
32. [QS]சாந்தகுணமுள்ளவர்கள் இதைக் கண்டு சந்தோஷப்படுவார்கள்; [QE][QS]தேவனைத் தேடுகிறவர்களே, உங்களுடைய இருதயம் வாழும். [QE]
33. [QS]யெகோவா எளியவர்களின் விண்ணப்பத்தைக் கேட்கிறார், [QE][QS]கட்டுண்ட தம்முடையவர்களை அவர் புறக்கணிக்கமாட்டார். [QE]
34. [QS]வானமும் பூமியும் கடல்களும் அவைகளில் வாழ்கிற அனைத்தும் அவரைத் துதிக்கட்டும். [QE]
35. [QS]தேவன் சீயோனைக் காப்பாற்றி, யூதாவின் பட்டணங்களைக் கட்டுவார்; [QE][QS]அப்பொழுது அங்கே குடியிருந்து அதை உரிமையாக்கிக்கொள்வார்கள். [QE]
36. [QS]அவருடைய ஊழியக்காரரின் சந்ததியார் அதை உரிமையாக்கிக் கொள்வார்கள்; [QE][QS]அவருடைய பெயரை நேசிக்கிறவர்கள் அதில் குடியிருப்பார்கள். [QE]